Иоан 14:12 - Бур Юӧр 2019

¹² Тіянлӧ быльсӧ веськыта висьтала: Меным веритісьыс пондас керны Ме моз. И унажык пондас керны, Ме эд Айӧ дынӧ муна.

Иоан 14:12 Mawu Ofanana

Матвей 21:21

Исусыс нылӧ висьталіс: «Веськыта тіянлӧ висьтала: лоас кӧ тіян веритӧмныт да одӧ кӧ падмӧ, тійӧ керат эта пуыскӧт керӧмся унажык. Тійӧ эта керӧслӧ висьталат кӧ: "Лэбтісь да уськӧтчы саридзӧ" ─ лоас сідз.

Марк 11:13

Сія ылісянь казяліс инжир пу да сибӧтчис видзӧтны, оз я адззы сы вылісь мыйкӧ сёйны. Кӧр локтіс пу дынас, нем эз адззы, вӧлісӧ дзир листтэс. Эз на лок эд инжир вывсис воӧмсӧ ӧктан кадыс.

Марк 16:17

Веритіссесӧ пондасӧ тӧдны этна пассэз сьӧрті: Менам нимӧн пондасӧ вашӧтлыны сэрпӧсь ловвесӧ да пондасӧ баитны виль кыввез вылын.

Иоан 14:28

Тійӧ кылітӧ Менчим висьталӧмӧс: муна тіян дынісь да бӧр локта тіян дынӧ. Радейтіт бы тійӧ Менӧ, сэк гажмит бы Айӧ дынӧ мунӧмӧ кузя. Айӧ эд Месся ыджытжык.

Иоан 16:7

Ме былись тіянлӧ баита: тіянлӧ буржык лоас, Ме муна кӧ. Ог кӧ мун, Дорйисьыс оз лок тіян дынӧ. Ме муна кӧ, иньда Сійӧ тіян дынӧ.

Иоан 4:37

Эстӧн лӧсялӧ эта веськыта висьталӧмыс: "Ӧтік кӧдзӧ, а мӧдік вундӧ".

Иоан 5:20

Айыс Зонсӧ радейтӧ. Ассис быдӧс керӧмсӧ мыччалӧ Сылӧ. Сія мыччалас керӧммесӧ этнася ыджытжыккезӧ, кӧднасянь тіянӧс диво кутас.

Иоан 7:33

Исусыс шуис нылӧ: «Ме ог ни дыр ло тіянкӧт. Чожа муна Менӧ Ыстісь дынӧ.

Иоан 7:39

Сія баитіс Вежа Лов йылісь, Кӧдӧ сетасӧ Исуслӧ веритіссезлӧ. Сэк Вежа Лолыс эд эз на вӧв ныкӧт, Исусыс сэк эз на лэбтісь югьялӧмас да.

Ап. керӧммез 10:46

Нія кылісӧ йӧзлісь мӧдік кыввез вылын баитӧмнысӧ да Енсӧ ошкӧмнысӧ. Сэк Петраыс висьталіс:

Ап. керӧммез 16:18

Сідз сія горӧтліс уна лун сьӧрна. Сысянь Павелыс лӧгасис. Сія бергӧтчис да висьталіс сэрпӧсь лолыслӧ: «Кристос Исус нимӧн тшӧкта тэныт петны мортсис!» Сэтӧн жӧ сэрпӧсь лолыс инькасис петіс.

Ап. керӧммез 19:12

Шогаліссез вылӧ пуктывлісӧ Павелыслісь новьян чышьяннэсӧ да йыэсӧ. Сэк шогӧт-висяннэз нылӧн чулавлісӧ, сэрпӧсь ловвез ны пытшкись петлывлісӧ.

Ап. керӧммез 2:33

Еныс Сійӧ лэбтіс веськыт ладорас. Исусыс босьтіс Айыслісь кӧсйӧм Вежа Ловсӧ да кисьтіс миян вылӧ. Лоӧмсӧ тійӧ ӧні адззат да кылат.

Ап. керӧммез 2:41

Сылісь кыввесӧ сьӧлӧманыс босьтіссес пыртчисӧ. Сія лунӧ веритіссес дынӧ ӧтлаасисӧ куим сюрс гӧгӧр морт.

Ап. керӧммез 4:16

Нія шуисӧ: «Мый пондам ныкӧт керны? Ерусалимын оліссес тӧдӧны нылісь адззывлытӧм керӧмнысӧ. И мийӧ огӧ вермӧ висьтавны, эта пӧ эз вӧв.

Ап. керӧммез 4:33

Апостоллэс повтӧг висьтасисӧ Дӧсвидзись Кристос Исуслӧн ловзьӧм йылісь. Быдӧнныс вылын вӧлі Енсянь вына бурсетӧмыс.

Ап. керӧммез 4:4

Апостоллэсӧ кывзіссез коласісь унаӧн пондісӧ веритны. Сэтшӧммес вӧлісӧ вит сюрс морт гӧгӧр.

Ап. керӧммез 5:15

Шогаліссесӧ ольпассез да куйланнэз вылын петкӧтлывлісӧ ӧтӧрас, медбы мунікас Петраыслӧн кӧть вуджӧрыс усис ны вылӧ.

Ап. керӧммез 6:7

Енлӧн Кылыс паськаліс. Ерусалимас лоис унася-уна велӧтчись. Нельки вежауджаліссес коласісь унаӧн пондісӧ веритны Кристосыслӧ.

Ап. керӧммез 8:7

Отир коласын унаын вӧлӧмась сэрпӧсь ловвез. Ныись сэрпӧсь ловвес чирзӧмӧн петісӧ. Уна вӧлісӧ параличӧн личкӧммес, уна чотісӧ. Нія быдӧнныс веськалісӧ.

Ап. керӧммез 9:34

Петра висьталіс сылӧ: «Ӧней! Кристос Исусыс тэнӧ веськӧтӧ. Чеччы да ӧкты ольпасьтӧ!» Мортыс перыта чеччис.

Ап. керӧммез 9:40

Петраыс быдӧннысӧ ыстіс ӧтӧрас, сувтіс пидзӧс вылӧ да кеймис. Кулӧмыслӧ сія висьталіс: «Тавифа! Чеччы». Тавифаыс осьтіс синнэсӧ, казяліс Петрасӧ да пуксис.

Римын оліссезлӧ 15:19

Ен Лов вынӧн Кристосыс ме пыр керліс мыччалан пассэсӧ да адззывлытӧммесӧ. Сійӧн Кристослісь Бур Юӧрсӧ ме верми нуӧтны Ерусалим гӧгӧр муэзсянь Иллирикӧдз.