Иоан 14:10 - Бур Юӧр 2019

¹⁰ Он разь тэ верит: Ме Айӧ пытшкын, а Айӧ Ме пытшкын? Тіянлӧ Менам висьталӧмӧ абу Ассяням. Меын олісь Айӧ керӧ Ассис уджсӧ Ме пыр.

Иоан 14:10 Mawu Ofanana

Иоан 10:30

Ме да Айӧ ─ ӧтік».

Иоан 10:38

Кера кӧ Айӧлісь уджсӧ, сэк веритӧ керӧмам, Меным кӧ одӧ веритӧ. Сэк пондат тӧдны да веритны: Айӧ ─ Меын, Ме ─ Сыын».

Иоан 11:26

Быдыс, кин олікас веритӧ Меным, некӧр оз кув. Веритан я тэ Менам кыввезӧ?»

Иоан 12:49

Ме эг баит Ассяням. Менӧ ыстісь Айӧ тшӧктіс, мый да кыдз висьтавны.

Иоан 14:11

Веритӧ Менам висьталӧмӧ: Ме Айӧ пытшкын, а Айӧ Ме пытшкын. Сідз одӧ кӧ веритӧ Меным, сэк веритӧ керӧмӧ понда.

Иоан 14:20

Сія лунӧ тійӧ пондат тӧдны: Ме Айӧ пытшкын, тійӧ Ме пытшкын, а Ме тіян пытшкын.

Иоан 14:24

Менӧ мортыс оз кӧ радейт, сія оз ов Менам кыввез сьӧрті. Месянь кылӧмныт абу Менам, нія кыввес Менӧ ыстісь Айӧлӧн.

Иоан 17:8

Тэнчит кывветӧ Ме нылӧ висьталі. Нія кывветӧ босьтісӧ да вежӧртісӧ: Ме былись локті Тэ дынісь. Нія пондісӧ веритны: Тэ Менӧ ыстін.

Иоан 3:2

Никодимыс ойнас локтіс Исусыс дынӧ. Сія шуис: «Велӧтісь, мийӧ тӧдам: миянӧс велӧтны Тэнӧ ыстіс Еныс. Сэтшӧм адззывлытӧм керӧммесӧ некин оз вермы керны, оз кӧ ло сыкӧт Ен».

Иоан 5:17

Исусыс шуис нылӧ: «Менам Айӧ дугдывтӧг керӧ уджсӧ, сідз и Ме кера».

Иоан 5:19

Сэтчӧ Исусыс шуис: «Тіянлӧ быльсӧ веськыта висьтала: Зон нем оз вермы керны Ассяняс, оз кӧ адззыв Айыслісь керӧмсӧ. Айыс моз керӧ и Зоныс.

Иоан 7:16

Исус нылӧ висьталіс: «Ме ог велӧт Ассяням. Сія велӧтӧмыс Менӧ Ыстісьлӧн.

Иоан 8:28

Исусыс висьталіс нылӧ: «Кӧр Морт Зонсӧ лэбтат, сэк вӧлись вежӧртат: Ме ─ Сія, кинӧн Ачымӧс шуа. Ассяням Ме нем ог кер. Ме баита Айӧ велӧтӧм сьӧрті.

Иоан 8:38

Ме тіянлӧ баита сы йылісь, мый Меным мыччаліс Айӧ. А тійӧ керат сійӧ, мый тіянлӧ висьталіс айныт».

Иоан 8:40

Ме тіянлӧ висьталі Енсянь кылӧм быльсӧ, а тійӧ Менӧ мӧдат вийны. Авраамыс сідз эз керлы.

Ап. керӧммез 10:38

Еныс Вежа Лолӧн да вынӧн мавтӧмӧн сувтӧтіс Назаретісь Исуссӧ. Ветлӧтікас Сія отирыслӧ керис уна бурсӧ: веськӧтліс да мездӧтліс кульыс кипод увтісь быдӧннысӧ, кӧдна сысянь пессисӧ-мырсисӧ. Сыкӧт эд вӧлі Еныс.

2 Коринфын оліссезлӧ 5:19

Еныс Кристос Исусыс пыр бурасис му вылын оліссескӧт. Ны вылӧ умӧль керӧммезнысӧ оз ни вайӧт. А миянлӧ тшӧктіс висьтасьны бурасьӧм йылісь Кыв.

Колосын оліссезлӧ 1:19

Айыс юрас видзӧм, медбы Зоныс быдӧсын вӧлі Сы кодь.

Колосын оліссезлӧ 2:9

Кристосыс пӧртчис мортӧ. Аслас вывтырын Сія мыччаліс Енлісь быдӧс тырмӧмсӧ.

1 Иоан 5:7

Енӧжас эта йылісь висьталӧны куимӧн: Ай, Кыв да Вежа Лов. Нія куимыс ─ ӧтік.