Иоан 13:8 - Бур Юӧр 2019

⁸ Петраыс шуис Сылӧ: «Тэнӧ некӧр ог лэдз миссьӧтны коккезӧс!» Исусыс сылӧ висьталіс: «Ог кӧ миссьӧт тэнӧ, сэк тэ он ло Мекӧт».

Иоан 13:8 Mawu Ofanana

Матвей 16:22

Петра кежӧтіс Исуссӧ да пондіс ӧвны: «Дӧсвидзисьӧ, Еныс ась видзас Тэнӧ, медбы эз ло Тэкӧт сэтшӧмыс!»

Матвей 21:29

Зоныс висьталас: "Ме ог мун". Сэсся сылӧ умӧль лоас сьӧлӧм вылас и сія мунас уджавны.

Матвей 26:33

Петраыс Сылӧ шуис: «Быдӧнныс кӧ Тэнӧ колясӧ, ме ог коль».

Матвей 26:35

Петраыс шуис: «Нельки и кувны меным Тэкӧт ковсяс кӧ, ог суськись». Сідз шуисӧ и мӧд велӧтчиссес.

Иоан 13:6

Исусыс сибӧтчис Симон-Петра дынӧ. Петраыс шуис Сылӧ: «Дӧсвидзись! Тэныт я миссьӧтны менчим коккезӧс?»

Иоан 13:9

Симон-Петра сэтчӧ шуис Сылӧ: «Дӧсвидзись! Сэк миссьӧт коккезӧс и киэзӧс, и юрӧс!»

Иоан 3:5

Исусыс висьталіс: «Тэныт быльсӧ веськыта висьтала: оз кӧ мортыс шогмы васянь да Ловсянь, сія оз вермы пырны Енлӧн Юраланінӧ.

Ап. керӧммез 22:16

Сідзкӧ, эн падмӧтчы! Чеччы, Дӧсвидзись Исуслісь нимсӧ корӧмӧн пыртчы да лэдз миссьӧтны ассит умӧль керӧмметӧ".

1 Коринфын оліссезлӧ 6:11

И тіян коласісь мукӧдыс вӧлісӧ сэтшӧмӧсь. Ӧні миян Дӧсвидзись Кристос Исус нимӧн да миян Енлӧн Лов вынӧн тійӧ лоит сӧстӧм да вежа отирӧн, Ен сьӧрті веськыта оліссезӧн.

Ефесын оліссезлӧ 5:26

медбы сӧстӧмтны сійӧ. Вичкусӧ сӧстӧмтіс ваӧн да кылӧн.

Колосын оліссезлӧ 2:18

Эд лэдзӧ асьнытӧ бӧбӧтлыны ас мывкыдсянь рама видзсись отирлӧ, ангеллэзлӧ копрасиссеслӧ. Нія ошшасьӧны адззылӧммезӧн, кӧдна ылӧтӧны. Весись нія асланыс морт мывкыдӧн асьнысӧ лэбтӧны.

Колосын оліссезлӧ 2:23

Отирыс ас мознаныс керӧны, жыв нія Ен сьӧрті олӧны, ас мывкыдсянь рама видзсьӧны да тшыгьялӧны. Этадз олӧмныс мыччалӧ, жыв нія бур мывкыдаӧсь, но сэтісь абу бурыс. Сія оз отсав нылӧ вермыны вывтырныслісь умӧльсӧ керны ӧзйӧтчӧммесӧ.

Титлӧ 3:5

Сія мездіс миянӧс Аслас небыт сьӧлӧм кузя, эз кытшӧмкӧ бур керӧмным понда. Еныс миянӧс миссьӧтіс, сетіс вились шогмыны да вильмӧтіс Вежа Ловнас.

Еврейезлӧ 10:22

Сійӧн сибӧтчам Еныс дынӧ осьта сьӧлӧмӧн, ёна веритӧмӧн, быдӧс умӧльсис сӧстӧммӧм сьӧлӧммезӧн, сӧстӧм ваӧн миссьӧтӧм вывтырӧн.

Осьтӧм 1:5

да Кристос Исуссянь. Сія Висьталісьыс надейнӧй. Медодз Сія ловзис кулӧммес коласісь да юралӧ му вылас юраліссез вылын. Сія радейтӧ миянӧс. Аслас вирӧн Сія мездіс миянӧс умӧль керӧммезсиным,

Осьтӧм 7:14

Ме сылӧ шуи: «Бур мортӧй, ог тӧд, но тэ тӧдан». Сэк сія висьталіс меным: ─ Этна морттэс ёна пессьӧм-мырсьӧмись локтісӧ. Дзель вирӧн нія паськӧмнысӧ миссьӧтісӧ. Паськӧмныс нылӧн лоис чочком.