Иоан 13:5 - Бур Юӧр 2019

⁵ Кисьтіс дозӧ ва. Сэсся пондіс миссьӧтны велӧтчиссеслісь коккезнысӧ да чышкыны косас домалӧм чышкӧтӧн.

Иоан 13:5 Mawu Ofanana

Лука 7:38

Исуслӧн коккез дынӧ сувтӧмӧн инькаыс горзіс, кисьтіс синвасӧ Сы коккез вылӧ да чышкис аслас юрсиӧн. Сія окаліс Исуслісь коккесӧ да мавтіс чӧскыт руа винас.

Лука 7:44

Инькаыслань бергӧтчӧмӧн Симоныслӧ висьталіс: «Адззан инькасӧ? Керкуат локтӧмӧ коста тэ васӧ эн сет миссьӧтны коккезӧс. Сія жӧ синванас киськаліс Менчим коккезӧс, аслас юрсиӧн чышкис.

Иоан 13:10

Исусыс сылӧ висьталіс: «Миссьӧтӧмыслӧ дзир коккесӧ колӧ миссьӧтны. Сія эд быдсӧн сӧстӧм. Сідз и тійӧ сӧстӧмӧсь, но абу быдӧнныт».

Иоан 13:6

Исусыс сибӧтчис Симон-Петра дынӧ. Петраыс шуис Сылӧ: «Дӧсвидзись! Тэныт я миссьӧтны менчим коккезӧс?»

Иоан 13:8

Петраыс шуис Сылӧ: «Тэнӧ некӧр ог лэдз миссьӧтны коккезӧс!» Исусыс сылӧ висьталіс: «Ог кӧ миссьӧт тэнӧ, сэк тэ он ло Мекӧт».

Иоан 19:34

Ӧтікыс ны коласісь шысӧ мӧртіс Исусыслӧ ордлыэс коласӧ. Сэтісь петіс вир да ва.

Ап. керӧммез 22:16

Сідзкӧ, эн падмӧтчы! Чеччы, Дӧсвидзись Исуслісь нимсӧ корӧмӧн пыртчы да лэдз миссьӧтны ассит умӧль керӧмметӧ".

1 Коринфын оліссезлӧ 6:11

И тіян коласісь мукӧдыс вӧлісӧ сэтшӧмӧсь. Ӧні миян Дӧсвидзись Кристос Исус нимӧн да миян Енлӧн Лов вынӧн тійӧ лоит сӧстӧм да вежа отирӧн, Ен сьӧрті веськыта оліссезӧн.

Ефесын оліссезлӧ 5:26

медбы сӧстӧмтны сійӧ. Вичкусӧ сӧстӧмтіс ваӧн да кылӧн.

1 Тимофейлӧ 5:10

Отирыс нійӧ тӧдӧны бурсӧ керӧмныс сьӧрті: нія бытшӧма быдтісӧ-велӧтісӧ челядьсӧ, гортаныс рочавлісӧ мунісь-локтіссесӧ, миссьӧтлісӧ вежа отирлісь коккезнысӧ, отсасисӧ пессись-мырсиссеслӧ, отирлӧ керлісӧ быдпӧлӧс бурсӧ.

Еврейезлӧ 10:22

Сійӧн сибӧтчам Еныс дынӧ осьта сьӧлӧмӧн, ёна веритӧмӧн, быдӧс умӧльсис сӧстӧммӧм сьӧлӧммезӧн, сӧстӧм ваӧн миссьӧтӧм вывтырӧн.

1 Иоан 1:7

Еныс олӧ югытас. Сы моз олам кӧ югытас, сэк мийӧ ӧтамӧднымкӧт ӧтвылісь. Ен Зон Кристос Исуслӧн вирыс сӧстӧмтӧ миянӧс быдкодь умӧль керӧмись.

1 Иоан 5:6

Кристос Исусыс локтіс ваӧн, вирӧн да Лолӧн. Эз лок ӧтік ваӧн, локтіс ваӧн да вирӧн. Сы йылісь висьталӧ Лолыс, а Лолыс ─ быльыс.

Осьтӧм 1:5

да Кристос Исуссянь. Сія Висьталісьыс надейнӧй. Медодз Сія ловзис кулӧммес коласісь да юралӧ му вылас юраліссез вылын. Сія радейтӧ миянӧс. Аслас вирӧн Сія мездіс миянӧс умӧль керӧммезсиным,

Осьтӧм 7:14

Ме сылӧ шуи: «Бур мортӧй, ог тӧд, но тэ тӧдан». Сэк сія висьталіс меным: ─ Этна морттэс ёна пессьӧм-мырсьӧмись локтісӧ. Дзель вирӧн нія паськӧмнысӧ миссьӧтісӧ. Паськӧмныс нылӧн лоис чочком.