Иоан 13:14 - Бур Юӧр 2019

¹⁴ Сідзкӧ, Ме кӧ тіян Дӧсвидзись да Велӧтісь миссьӧті коккезнытӧ, сідз и тіянлӧ колӧ ӧтамӧднытлісь миссьӧтны коккезнытӧ.

Иоан 13:14 Mawu Ofanana

Иоан 11:2

Сія Марияыс и мавтіс сэсся Исуслісь коккесӧ чӧскыт руа винас да чышкис юрсинас. Сылӧн Лазар воныс шогаліс.

Ап. керӧммез 20:35

Быдӧсын ме тіянлӧ мыччалі, кыдз колӧ уджавны да отсавны вынтӧммеслӧ. Тӧдвыланыт видзӧ Дӧсвидзись Исуслісь кыввесӧ. Сія эд Ачыс висьталіс: сетавны босьтӧмысся буржык».

Римын оліссезлӧ 12:10

Ӧтамӧднытӧ радейтӧ сьӧлӧмсянь, сой-вонӧс моз. Вынсьӧтчӧ ӧтамӧднытӧ бурӧ пуктыны.

Римын оліссезлӧ 12:16

Ӧтамӧдныткӧт лӧсялӧ. Асьнытӧ вылына эд лэбтӧ, умӧля олісь отирлӧ ёрттэз моз отсалӧ. Эд пуксьӧ уна тӧдіссезӧ.

1 Коринфын оліссезлӧ 12:3

Сійӧн висьтала тіянлӧ: мортсӧ баитны ӧзйӧтӧ кӧ Енлӧн Лов, сэк сія оз вермы висьтавны Исусыс вылӧ ёрдан кывсӧ. Мортыс вермас пуктыны Исуссӧ Дӧсвидзисьӧ дзир сэк, ӧзйӧтӧ кӧ сійӧ Вежа Лов.

1 Коринфын оліссезлӧ 8:13

Сійӧн, менам сёянӧ вайӧтӧ кӧ вонӧс ылалӧмӧдз, ог понды сёйны яйсӧ, медбы вонӧ эз ылав.

2 Коринфын оліссезлӧ 10:1

Кинкӧ ме йылісь шуӧ, сія пӧ тіян коласын лӧнь, а ылісянь гижны дак оз пов. Ме, Павел, Кристослӧн лӧнь да рам сьӧлӧмсянь ӧні баита тіянлӧ.

2 Коринфын оліссезлӧ 8:9

Миян Дӧсвидзись Кристос Исуслісь радейтӧмсӧ тійӧ тӧдат. Сылӧн вӧлі быдӧс. Но тіян понда Сія быдӧс колис, медбы Сылӧн быдӧс кольӧмсянь тіян быдӧс вӧлі.

Галатияын оліссезлӧ 5:13

Воннэзӧ, Еныс тіянӧс корис мездӧтчӧмас. Ӧні тіянӧс нем оз видз. Мездӧтчӧмас олӧмнытсянь эд лэдзчисьӧ быдӧс керны вывтырлӧ колӧм сьӧрті, но радейтӧмӧн кысъялӧ ӧтамӧднытлӧ.

Филипын оліссезлӧ 2:11

Ен Айсӧ ошкӧм могись ась быд морт висьталӧ: «Кристос Исусыс ─ Дӧсвидзись!»

1 Тимофейлӧ 5:10

Отирыс нійӧ тӧдӧны бурсӧ керӧмныс сьӧрті: нія бытшӧма быдтісӧ-велӧтісӧ челядьсӧ, гортаныс рочавлісӧ мунісь-локтіссесӧ, миссьӧтлісӧ вежа отирлісь коккезнысӧ, отсасисӧ пессись-мырсиссеслӧ, отирлӧ керлісӧ быдпӧлӧс бурсӧ.

Еврейезлӧ 12:2

Пондам видзӧтны Исусыс вылӧ. Сія ─ веритӧмсӧ Сетісь да быдсӧн бура веритӧмӧдз Вайӧтісь. Локтан гажыс понда Сія куліс крест вылын. Сія эз видзӧт и отирлӧн сералӧм вылӧ. Ӧні Сія пукалӧ Енлӧн юралан пукӧскӧт веськыт ладорас.

1 Петра 4:1

Кристосыс миян понда Аслас вывтырӧн уна пессис-мырсис. Сідзкӧ, и тійӧ лоӧ лӧсьӧтчӧмӧсь пессьыны-мырсьыны. Вывтырнас пессись-мырсись мортыс дугдӧ керны умӧльсӧ.

1 Петра 5:5

Сідз и томжыккез, кывзісьӧ вичкуас веськӧтліссезнытӧ. Ӧтамӧдныткӧт лӧсялӧ, ӧтамӧднытӧ кывзісьӧ. Асьнытӧ видзӧ рама. Вежа Гижӧтас висьталӧм: ─ Асьнысӧ вылына лэбтіссеслӧ Еныс паныт сувтӧ, а рам сьӧлӧмаэслӧ козьналӧ бурсетӧмсӧ.