Иоан 13:10 - Бур Юӧр 2019

¹⁰ Исусыс сылӧ висьталіс: «Миссьӧтӧмыслӧ дзир коккесӧ колӧ миссьӧтны. Сія эд быдсӧн сӧстӧм. Сідз и тійӧ сӧстӧмӧсь, но абу быдӧнныт».

Иоан 13:10 Mawu Ofanana

Иоан 15:3

Тійӧ Менам висьталӧм кыввезӧн весӧтӧмӧсь ни. Ӧні тійӧ сӧстӧмӧсь.

2 Коринфын оліссезлӧ 5:17

Сідзкӧ, кин ӧтлаасис Кристоскӧт, сія вились аркмӧтӧм. Важыс муніс, ӧні быдӧс виль.

2 Коринфын оліссезлӧ 7:1

Донаэзӧ, сымда бурсӧ Еныс кӧсйӧм миянлӧ сетны! Сідзкӧ, дзимлялам быдӧс, мый сэрпӧсьтӧ вывтырнымӧс да ловнымӧс. Пондам овны Енсис полӧмӧн, медбы миян оланным быдсӧн вӧлі вежа.

2 Коринфын оліссезлӧ 5:21

Кристосыслӧн эз вӧв ӧтік умӧль керӧм. Миянлісь умӧль керӧммесӧ Еныс пуктіс Сы вылӧ, медбы Сыкӧт ӧтлаасьӧмсянь мийӧ лоим Ен одзын веськыта оліссезӧн.

Яков 3:2

Мийӧ быдӧнным уна керам умӧльсӧ. Мортыс оз кӧ пыр умӧляс аслас кыв кузя, сія вермӧ асьсӧ быдсӧн видзны быд умӧль керӧмись. Сэтшӧмыс быд ладорсянь ни бур морт.

Еврейезлӧ 9:10

Эта быдӧс дзир вывтыр понда керӧм: сёяннэз, юаннэз, быдкодь миссьӧтӧммез, быдпӧлӧс керӧммез. Сідз коліс керны кытшӧмкӧ кадӧдз, виль моз лӧсьӧттӧдз.

1 Фессалоникаын оліссезлӧ 5:23

Лӧньсӧ сетісь Еныс ась керас тіянӧс быдсӧн вежаэзӧн. Дӧсвидзись Кристос Исусным локтік кежӧ ась видзас тіянӧс сӧстӧммезӧн: и ловнытӧ, и оланнытӧ, и вывтырнытӧ.

Матвей 6:12

Тэ простит миянлісь умӧль керӧммезнымӧс, кыдз и мийӧ проститам миянлӧ умӧльӧ кериссесӧ.

Иоан 13:9

Симон-Петра сэтчӧ шуис Сылӧ: «Дӧсвидзись! Сэк миссьӧт коккезӧс и киэзӧс, и юрӧс!»

Иоан 13:18

Ог висьтав быдӧнныт йылісь. Ме тӧда Ассим бӧрйӧммесӧ. Но ась лоас Вежа Гижӧтас висьталӧм сьӧрті: "Мекӧт няньсӧ сёйисьыс лэбтісис Ме вылӧ".