Иоан 12:26 - Бур Юӧр 2019

²⁶ Меным кысъялісьыс ась локтӧ Ме сьӧрӧ. Кытӧн Ме лоа, сэтӧн лоас и кысъялісьӧ. И Меным кысъялісьсӧ Айӧ бурӧ пуктас.

Иоан 12:26 Mawu Ofanana

Матвей 16:24

Исусыс висьталіс велӧтчиссеслӧ: «Кин мӧдӧ мунны Ме сьӧрӧ, ась вунӧтӧ асьсӧ, босьтӧ ассис крестсӧ да мунӧ Ме бӧрсянь.

Матвей 25:21

Мортыс сылӧ шуас: "Бура керин! Тэ бур надейнӧй раб! Учӧтас тэ вӧлін надейнӧй, тэнат кипод увтӧ уна сета. Лок, ӧтлаын гажӧтчам".

Марк 8:34

Исусыс корис отирсӧ да Ассис велӧтчиссесӧ. Нылӧ висьталіс: «Кин мӧдӧ мунны Ме сьӧрӧ, ась вунӧтӧ асьсӧ, босьтӧ ассис крестсӧ да мунӧ Ме бӧрсянь.

Лука 12:37

Шудаӧсь нія раббес, кӧзяинныс локтӧм коста нія видзчисьӧны кӧ сійӧ. Веськыта висьтала тіянлӧ: сія лӧсьӧтчас, пуксьӧтас нійӧ пызан сайӧ да пондас потшуйтны.

Лука 6:46

«Мый тійӧ Менӧ коратӧ: "Дӧсвидзись, Дӧсвидзись", а Менам баитӧм сьӧрті одӧ керӧ?

Лука 9:23

Исусыс быдӧнныслӧ висьталіс: «Кин мӧдӧ мунны Ме сьӧрӧ, ась вунӧтӧ асьсӧ, босьтӧ ассис крестсӧ да мунӧ Ме бӧрсянь.

Иоан 10:27

Менам баляэзӧ кылӧны Менчим шыӧс да мунӧны Ме сьӧрӧ. И Ме тӧда нійӧ.

Иоан 13:16

Тіянлӧ быльсӧ веськыта висьтала: раб абу ыджытжык аслас кӧзяинся, ыстӧмыс абу ыджытжык сійӧ ыстісься.

Иоан 14:15

«Радейтат кӧ Менӧ, олӧ Менам тшӧктӧммез сьӧрті.

Иоан 14:3

Муна, лӧсьӧта тіянлӧ оланінсӧ да локта бӧр, босьта тіянӧс дынам.

Иоан 15:20

Видзӧ юраныт Менчим висьталӧмӧс: раб абу ыджытжык аслас кӧзяинся. Менӧ кӧ вашӧтлісӧ, пондасӧ вашӧтлыны и тіянӧс. Керисӧ кӧ Менам висьталӧм кыв сьӧрті, пондасӧ керны и тіян кыв сьӧрті.

Иоан 17:24

Айӧ! Меным колӧ, медбы Меным Тэнат сетӧммес вӧлісӧ сэтчин, кытӧн Ме лоа. Нія ась адззӧны Менчим югьялӧмсӧ, кӧдӧ Тэ Меным сетін. Быдӧс аркмӧтӧмӧдз эд Тэ Менӧ радейтін ни.

Иоан 21:22

Исусыс Петраыслӧ висьталіс: «Меным колӧ кӧ, медбы сія оліс локтытӧдззам, мый тэныт сы дорӧдз? Тэ мун Ме бӧрсянь».

Римын оліссезлӧ 1:1

Гижӧ Павел, Кристос Исуслӧн раб. Менӧ бӧрйис Еныс. Сія сувтӧтіс менӧ нуӧтны апостоллісь удж ─ юӧртны отирлӧ Ассис Бур Юӧрсӧ.

Римын оліссезлӧ 14:18

Кин этадз кысъялӧ Кристосыслӧ, сія мортыс Еныс сьӧрті, да и отирыс сійӧ бурӧ пуктӧны.

2 Коринфын оліссезлӧ 4:5

Мийӧ огӧ висьтасьӧ ас йывсиным. Юӧртам Кристос Исус йылісь: Сія ─ Дӧсвидзись. А мийӧ тіянлӧ раббез Исусыс понда.

2 Коринфын оліссезлӧ 5:8

Мийӧ огӧ полӧ. Асьным юраным видзам, миянлӧ буржык петны вывтырсиным да пырны Дӧсвидзись дынӧ.

Галатияын оліссезлӧ 1:10

Кинсянь ме видзчися ошкӧмсӧ: отирсянь али Енсянь? Поди, вынсьӧтча керны отирыс сьӧрті? Ӧнӧдз кери бы ме отирыс сьӧрті кӧ, сэк эг бы вӧв Кристослӧн раб.

Филипын оліссезлӧ 1:23

Меным колӧ и ӧтыс, и мӧдыс. Ме му вывсис бы муна ни, медбы овны Кристосыскӧт. Эта меным медбур.

Колосын оліссезлӧ 3:24

Тӧдат эд, Дӧсвидзисьыс козьналас тіянлӧ лӧсьӧтӧм пайсӧ. Тійӧ эд кысъялат Дӧсвидзись Кристослӧ.

Колосын оліссезлӧ 4:12

Пым юӧр ыстӧ тіян Епафрас, Кристос Исуслӧн раб. Сія дугдывтӧг кеймӧ, пессьӧ тіян понда, медбы тійӧ вынсяліт да лоит быдсӧн бурӧсь и медбы тіян быдӧс вӧлі Еныс сьӧрті.

2 Петра 1:1

Гижӧ Симон-Петра, Кристос Исуслӧн апостол да раб. Гижӧмӧс ыста тіянлӧ, дона веритӧмсӧ миян моз сьӧлӧманыт босьтіссезлӧ. Веритӧмыс миянлӧ вӧлі сетӧм Ен да Мездӧтісь Кристос Исуснымлӧн веськыта керӧмсянь.

1 Иоан 5:3

Енлӧн тшӧктӧммез сьӧрті олӧмным мыччалӧ Сійӧ радейтӧмнымӧс. Еныслӧн тшӧктӧммес эд абу сьӧкытӧсь.

Иуда 1:1

Гижӧ Иуда, Кристос Исуслӧн раб, Яковлӧн вон. Гижӧмӧс ыста Енлӧн корӧммезлӧ. Ен Айным керис тіянӧс вежа отирӧн, а Кристос Исусыс видзӧ тіянӧс.

Осьтӧм 14:4

Нія инькаэзкӧт узьлӧмӧн асьнысӧ эз сэрпӧсьтӧ, нія сӧстӧмӧсь. Нія мунӧны Дзельыс сьӧрӧ, кытчӧ бы Сія эз мун. Му вылісь отир коласісь нія медодзза небӧммез Еныслӧ да Дзельыслӧ.