Иоан 11:42 - Бур Юӧр 2019

⁴² Ме тӧда: Тэ пыр кылан Менӧ. Сідз висьталі татӧн сулалісь отир понда, медбы нія пондісӧ веритны: Тэ ыстін Менӧ».

Иоан 11:42 Mawu Ofanana

Иоан 3:17

Еныс эд Ассис Зонсӧ эз ысты му вылас отирсӧ судитны, а ыстіс мездыны.

Иоан 17:21

Нія ась лоасӧ ӧтлаасьӧмӧсь миян пытшкын, кыдз Тэ, Айӧ, Ме пытшкын, а Ме ─ Тэ пытшкын. Отирыс ась пондӧны веритны: Тэ Менӧ ыстін.

1 Иоан 4:14

Мийӧ адззылімӧ да висьталамӧ: Айыс ыстіс Зонсӧ мездыны отирсӧ.

Еврейезлӧ 7:25

Сійӧн Сія вермӧ мездыны Еныс дынӧ Сы пыр быд локтісьсӧ. Сія эд пыр олӧ, медбы Еныс одзын кеймисьны ны понда.

Еврейезлӧ 5:7

Му вылас овтӧн Исусыс синва пыр да гора шыӧн кеймисис Сылӧ, Кӧда вермис мездыны кулӧмись. Еныс кывзісьӧмыс понда Сійӧ кыліс.

Римын оліссезлӧ 8:3

Моисейлӧн Туйдӧтыс эз вермы миянӧс мездыны. Умӧляс кыскан вывтырным кузя Туйдӧтыслӧн мездан выныс эз тырмы. Мый Туйдӧтыс эз вермы керны, сійӧ керис Еныс. Сія ыстіс Ассис Зонсӧ му вылас вештісьны умӧль керӧммезным понда. Сылӧ сетіс сэтшӧм вывтыр, кытшӧм вывтырыс умӧль керись мортлӧн. Сідз Сія судитіс морт вывтырын поздісьӧм умӧль керӧмсӧ.

Иоан 20:31

Быдӧс эстӧн гижӧм сэтшӧм могӧн, медбы тійӧ пондіт веритны: Исусыс ─ Кристос-Мездӧтісь, Енлӧн Зон. Веритат кӧ Сылӧ, сэк Сы нимӧн тіян лоас олан.

Иоан 17:25

Веськыта олісь Айӧ! Отирыс Тэнӧ озӧ тӧдӧ, а Ме Тэнӧ тӧда. Пондісӧ тӧдны и Тэнат сетӧммес: Тэ ыстін Менӧ.

Иоан 17:8

Тэнчит кывветӧ Ме нылӧ висьталі. Нія кывветӧ босьтісӧ да вежӧртісӧ: Ме былись локті Тэ дынісь. Нія пондісӧ веритны: Тэ Менӧ ыстін.

Иоан 11:22

Да и ӧні тӧда: коран кӧ мыйкӧ Еныслісь, Сія Тэныт сетас».

Матвей 26:53

Тэ поди юрат видзан, Ме Айӧлісь отсӧт ог вермы корны? Сія бы сэк жӧ ыстіс ангеллэсӧ даскык сюрсся унажык.

Галатияын оліссезлӧ 4:4

Сувтӧтӧм кадыс локтӧм бӧрын Еныс ыстіс Ассис ӧтка Зонсӧ. Сія чужис инькасянь да оліс Туйдӧтыс сьӧрті.

Иоан 11:31

Марияыскӧт керкуас вӧлісӧ иудейез, кӧдна бурӧтісӧ сійӧ. Нія казялісӧ Мариялісь керкуись перыта петӧмсӧ да мунісӧ сы сьӧрӧ. Нія шуисӧ, сія пӧ, натьтӧ, муніс дзебсянінас герьявны.

Иоан 8:42

Исусыс висьталіс нылӧ: «Вӧлі бы Еныс тіян Ай, сэк и Менӧ радейтіт бы. Ме Еныс дынсянь петі да локті. Ме эг лок Ассяням, Сія Менӧ ыстіс.

Иоан 8:29

Менӧ Ыстісьыс Мекӧт. Айӧ эз коль Менӧ ӧтнамӧс. Ме эд быдӧс кера Сы сьӧрті».

Иоан 8:16

Ме кӧ судита, судита веськыта. Ме эд абу ӧтнам. Мекӧт ӧтлаын Менӧ ыстісь Айӧ.

Иоан 11:43

Сідз висьталӧм бӧрын Исусыс горӧн корис: «Лазар! Пет сэтчинісь!»

Иоан 12:11

мыля сы кузя иудейес унаӧн вовлывлісӧ Исусыс дынӧ да пондісӧ веритны Сылӧ.

Иоан 12:17

Сэтӧн вӧлісӧ отир, кӧдна адззылісӧ, кыдз Сія корис Лазарсӧ петны дзебсянінсис, ловзьӧтіс сійӧ. Нія висьтасисӧ лоӧмыс йылісь.