Иоан 11:4 - Бур Юӧр 2019

⁴ Сійӧ кылӧм бӧрын Исус шуис: «Сія шогӧтыс оз вайӧт кулӧмӧдз. Сія Енлӧ ваяс ошкӧмсӧ, медбы сы понда пондісӧ ошкыны и Енлісь Зонсӧ».

Иоан 11:4 Mawu Ofanana

Иоан 11:40

Исусыс шуис сылӧ: «Эг разь Ме тэныт висьтав: пондан кӧ веритны, адззылан Енлісь югьялӧмсӧ?»

Иоан 9:3

Исус висьталіс: «Сія эз шогмы синтӧмнас аслас да ай-мамыс умӧль керӧм кузя. Сія сэтшӧм шогмис, медбы сы вылын мыччавны Енлісь керӧмсӧ.

1 Петра 4:14

Кристос ним понда тіянӧс видӧны кӧ, тійӧ шудаӧсь. Еныслӧн югьялан Лолыс эд тіянкӧт. Отирыс Сійӧ видӧны, а тійӧ Сійӧ ошкат.

Иоан 5:23

медбы Айсӧ моз быдӧнныс бурӧ пуктісӧ Зонсӧ. Мортыс оз кӧ бурӧ пукты Зонсӧ, сэк оз бурӧ пукты и Айсӧ, Кӧда ыстіс Зонсӧ.

Иоан 17:5

Айӧ, ӧні босьт Менӧ дынат, сет Меным Ассит югьялӧмтӧ. Сія югьялӧмыс Менам вӧлі Тэ дынын эшӧ быдӧс аркмӧтӧмӧдз.

Иоан 2:11

Сідз Галилея муись Кана карын Исусыс медодззаись керис адззывлытӧмсӧ. Сэтшӧма Сія мыччаліс Ассис югьялан вынсӧ, и велӧтчиссес пондісӧ Сылӧ веритны.

1 Петра 4:11

Кин баитӧ, ась баитӧ Енлӧн сетӧм кыввезӧн. Кин мый керӧ, ась керӧ Енсянь сетӧм вынӧн. Кристос Исус пыр быдӧсісь ась петӧ ошкӧмыс Енлӧ. Сылӧн эд югьялӧмыс да юралӧмыс пырся-пыр. Аминь.

Филипын оліссезлӧ 1:20

Ме быд вынісь надейтча: меным немись оз понды ковны гӧрдӧтны, и ӧні ме верма, кыдз и пыр, овны повтӧг. Понда овны али кула, ме аслам вывтырӧн вая ошкӧмсӧ Кристослӧ.

Иоан 17:1

Сійӧ висьталӧм бӧрын Исусыс видзӧтіс енӧжӧ да шуис: «Айӧ! Локтіс кад мыччавны Зонытлісь югьялан вынсӧ, медбы Зоныт вермис мыччавны Тэнчит югьялӧмтӧ.

Иоан 9:24

Мӧдпырся корисӧ веськалӧм мортсӧ да висьталісӧ: «Ен одзын висьтав быльсӧ! Мийӧ эд тӧдамӧ: тэнӧ Веськӧтісьыс ─ умӧльсӧ керись морт».

Иоан 8:54

Исусыс нылӧ висьталіс: «Ачымӧс кӧ Ме ошка, сія ошкӧмыс абутӧм туйӧ. Менӧ ошкӧ Айӧ, Кӧда йылісь тійӧ шуат, Сія пӧ тіян Ен.

Римын оліссезлӧ 11:11

Сідзкӧ, юала тіянлісь: «Израиль отирыс падмисӧ кӧ, сэсся озӧ ни лэбтісьӧ, быдсӧн усясӧ?» Оз ло сэтшӧмыс. Ны усьӧм кузя мӧдік отирлӧ локтіс мезмӧмыс, медбы иудей отирыс пондісӧ завидуйтны мӧдік отирлӧ.

Иоан 17:10

Быдӧс, мый Менам эм, сія Тэнат. Быдӧс, мый Тэнат, сія Менам. Нія ваясӧ Меным ошкӧмсӧ.

Иоан 12:28

Айӧ, осьт Ассит югьялан нимтӧ!» Сэк енӧжсянь локтіс шы: «Осьті ни да эшӧ осьта».

1 Петра 1:21

Тійӧ Кристосыс пыр пондіт веритны Еныслӧ. Сія Кристоссӧ ловзьӧтіс да сетіс Сылӧ Ассис югьялӧмсӧ, медбы и тійӧ веритіт да надейтчит Еныс вылӧ.

Филипын оліссезлӧ 1:11

Кристос Исус отсӧтӧн Ен сьӧрті веськыта олӧмсяняныт ась лоас уна бур керӧмныт. Отирыс ась лэбтӧны-ошкӧны Енсӧ бурсӧ керӧмныт понда ─ Енлӧ бур воӧмсӧ вайӧмныт понда.

Иоан 10:38

Кера кӧ Айӧлісь уджсӧ, сэк веритӧ керӧмам, Меным кӧ одӧ веритӧ. Сэк пондат тӧдны да веритны: Айӧ ─ Меын, Ме ─ Сыын».