Иоан 10:31 - Бур Юӧр 2019

³¹ Сэк иудейес бӧра босьтісӧ иззэз, медбы нійӧн шупкавны Исуссӧ.

Иоан 10:31 Mawu Ofanana

Иоан 8:59

Сэк нія босьтісӧ иззэз да мӧдісӧ Сійӧ шупкавны, но Исусыс сайӧвтчис да петіс Вежа Керкусис. Сія муніс иудейес коласӧт да иньдӧтчис одзлань.

Иоан 5:18

Сэк иудейес ӧддьӧнжык пондісӧ кошшыны, кыдз бы Сійӧ вийны. Сія эд керис сійӧ, мый оз туй керны шоччисян лунӧ. Енсӧ Сія шуис Аслас Айӧн, сідз Асьсӧ Еныскӧт ӧтвесьтӧ пуктіс.

Иоан 11:8

Велӧтчиссес шуисӧ Сылӧ: «Велӧтісь! Важын я иудейес кошшисӧ Тэнӧ шупкавны иззэзнас? И Тэ бӧра мунан сэтчин?»

Ап. керӧммез 7:52

Енсянь юӧртіссез коласісь кинӧс эзӧ вашӧтлӧ тіян айезныт? Нія вийлісӧ Енсянь юӧртіссесӧ, Ен сьӧрті веськыта Олісьлісь локтӧмсӧ висьтавліссесӧ. Ӧні тійӧ Сійӧ вузаліт да вийит.

Матвей 23:35

Ен сьӧрті веськыта оліссеслӧн му вылас быдӧс кисьтӧм вирыс локтас тіян вылӧ: Авель вирсянь Вараклӧн Закар зон вирӧдз. Закарсӧ тійӧ вийит Вежа Керку да езъяланін коласын.

Матвей 21:35

Виноград вӧдитіссес раббесӧ кутасӧ: ӧтікӧс вартласӧ, мӧдікӧс ─ виясӧ, мукӧдсӧ ─ иззэзӧн шупкаласӧ.

Матвей 12:14

Фарисейес сэтісь петісӧ. Нія баитчӧмась, кыдз бы вийны Исуссӧ. Этія йылісь тӧдікӧ Исусыс сэтісь муніс.

Иоан 1:19

Ерусалимись иудейес ыстісӧ вежауджаліссезӧс да левиттэзӧс юавны Иоанлісь, кин сія. И Иоаныс нылӧ висьталіс ас йывсис.

Иоан 10:24

Сэтӧн иудейес кытшӧвтісӧ Сійӧ. Нія юалісӧ: «Дыр я Тэ пондан миянӧс ылӧтлыны? Тэ кӧ Кристос-Мездӧтісь, веськыта висьтав».

Иоан 10:32

Исусыс шуис нылӧ: «Уна бурсӧ Ме кери тіянлӧ Айӧ тшӧктӧм сьӧрті. Кӧда бур керӧм понда мӧдат Менӧ шупкавны иззэзнас?»