Иоан 10:16 - Бур Юӧр 2019

¹⁶ Менам эмӧсь и мӧдік баляэз, нія мӧдік йӧрись. Меным колӧ и нійӧ вайӧтны. Нія кыласӧ Менчим шыӧс, сэк лоас ӧтік баля чукӧр да ны сьӧрын ӧтік видзӧтісь.

Иоан 10:16 Mawu Ofanana

Матвей 17:5

Петралӧн баитӧм коста нійӧ вевттис югыт кымӧр. Кымӧрсяняс кыліс баитан шы: «Сія Менам дона Зонӧ, сьӧлӧм гажӧ. Сійӧ кывзӧ!»

Лука 15:8

«Кытшӧм инька дас эзысь сьӧмись ӧтікӧ ӧштас кӧ, оз ӧзты би, оз понды чышкыны джоджсӧ да бура кошшыны сійӧ адззытӧдз?

Иоан 10:11

Ме ─ баляэз сьӧрын бур видзӧтісь. Баляэз сьӧрын бур видзӧтісьыс ассис ловсӧ пуктӧ баляэс понда.

Иоан 10:2

Ыбӧсӧт пырисьыс ─ баляэз сьӧрын видзӧтісь.

Иоан 10:27

Менам баляэзӧ кылӧны Менчим шыӧс да мунӧны Ме сьӧрӧ. И Ме тӧда нійӧ.

Иоан 10:3

Гид сьӧрын видзӧтісьыс сылӧ осьтӧ ыбӧссӧ. Баляэс кылӧны сылісь шысӧ. Сія кытсалӧ ассис баляэсӧ нимнаныс, лэдзалӧ нійӧ.

Иоан 10:4

Баляэсӧ лэдзалас да мунӧ одзас. Баляэс тӧдӧны сылісь шысӧ да мунӧны сы сьӧрӧ.

Иоан 10:5

Тӧдтӧм морт сьӧрын нія озӧ мунӧ, пышшӧны сы дынісь. Сылісь шысӧ эд нія озӧ тӧдӧ».

Иоан 11:52

Сія оз кув дзир иудей отир понда, но и медбы ӧтлаӧ ӧктыны Енлісь рознитчӧм челядьсӧ.

Иоан 17:20

Ме ог кор дзир ны понда. Кора и ны понда, кӧдна пондасӧ веритны Меным ны висьталӧмсянь.

Иоан 6:37

Быдӧнныс, кӧднӧ Меным сетӧ Айӧ, Ме дынӧ локтасӧ. Ме дынӧ локтӧм мортсӧ ог вашӧт дынсим.

Ап. керӧммез 15:14

Симоныс вежӧртӧтіс: Еныс ӧні медодззаись видзӧтӧм мӧдік отирыс вылӧ, медбы ны коласісь ӧктыны Аслыс отирсӧ.

Ап. керӧммез 18:10

Ме тэкӧт. Тэныт некин оз кер умӧльсӧ. Эта карын Менам отирӧ уна».

Ап. керӧммез 22:14

Ананийыс меным висьталіс: "Миян айезлӧн Ен бӧрйӧм тэнӧ, медбы вежӧртін, мый Сылӧ колӧ, адззылін Веськыта Олісьсӧ да кылін Сы ӧмись баитӧмсӧ.

Римын оліссезлӧ 11:25

Воннэзӧ, мӧда тіянлӧ висьтавны тӧдлытӧмсӧ, медбы тійӧ ас йывсиныт юраныт уна эдӧ пыртӧ. Тӧдлытӧмыс то мый: Израиль отирись кытшӧмкӧ тор чорзьӧтісӧ сьӧлӧммезнысӧ. Сія кыссяс сэтчӧдз, кытчӧдз озӧ локтӧ Еныс дынӧ быд отирись морттэс сымда, мымда Сылӧ колӧны.

2 Фессалоникаын оліссезлӧ 2:13

Воннэзӧ, миянлӧ пыр колӧ буркывтны Енсӧ тіян понда. Дӧсвидзисьыслӧ тійӧ ӧддьӧн донаӧсь. Сія одззасянь ни вӧлі бӧрйӧм тіянӧс мездыны. Лолыссянь эд тійӧ лоит вежа отирӧн да пондіт веритны быльыслӧ.

Еврейезлӧ 13:20

Лӧньсӧ сетісь Еныс ловзьӧтіс кулӧмись миянлісь Дӧсвидзись Кристос Исуссӧ, вына баля Видзӧтісьсӧ. Сы вирӧн миянлӧ керис пырся Йитӧт.

1 Петра 2:10

Одзжык тіянӧс отирӧ эзӧ пуктӧ, ӧні тійӧ Енлӧн отир. Одзжык тійӧ эдӧ тӧдӧ Еныслісь небыт сьӧлӧмсӧ, ӧні Сія Аслас небыт сьӧлӧмсянь тіянӧс проститіс.

1 Петра 2:25

Тійӧ вӧліт ӧшӧм баляэз кодьӧсь. Ӧні бертіт тіян сьӧрын Видзӧтісь дынӧ, тіянлісь ловнытӧ Видзись дынӧ.

1 Петра 5:4

Кӧр локтас тіян сьӧрын медвылісь Видзӧтісьыс, тійӧ босьтат югьялан юркытш. Сія некӧр оз рушмы.

Осьтӧм 3:20

То, Ме сулала ыбӧс одзас да ёркӧтча. Кылас кӧ кин Менчим шыӧс да осьтас ыбӧссӧ, Ме пыра сы ордӧ. Мийӧ ӧтлаын пондам рытйыны.