Иоан 1:21 - Бур Юӧр 2019

²¹ Сэк сылісь юалісӧ: «Тэ сэк Илля?» Сія шуис: «Ме абу Илля». Бӧра юалісӧ: «Тэ сэк Енсянь юӧртісь?» Сія шуис: «Абу».

Иоан 1:21 Mawu Ofanana

Матвей 11:14

Вермат кӧ веритны, сія Илляыс, кӧдалӧ коліс локны.

Матвей 16:14

Нія висьталісӧ: «Ӧтіккез Пыртісь Иоан туйӧ пуктӧны, мӧдіккез ─ Илля туйӧ, мукӧдыс Иеремия туйӧ пуктӧны, кӧдна и мӧдік Енсянь юӧртісь туйӧ».

Матвей 21:11

Отирыс висьтавлісӧ: «Сія Галилея муись, Назарет карись Енсянь юӧртісь Исус».

Лука 1:17

Иллялӧн кодь лолӧн да вынӧн мунас Дӧсвидзись одзын. Мунас айезлісь сьӧлӧммезнысӧ бергӧтны челядьланьӧ, кывзісьтӧммеслӧ сетны мывкыдсӧ Ен сьӧрті веськыта оліссезлісь, медбы Дӧсвидзись одзӧ сувтӧтны туйдӧтӧм-лӧсьӧтӧм отирӧс».

Иоан 1:22

Сэк сылісь юалісӧ: «Кин нӧ сэк тэ? Мый висьталам миянӧс ыстіссеслӧ? Мый тэ висьталан ас йывсит?»

Иоан 1:25

Иоаныслісь нія юалісӧ: «Абу кӧ тэ Кристос-Мездӧтісь, абу Илля, абу Енсянь юӧртісь, мыля нӧ сэк тэ отирсӧ пыртан?»

Иоан 6:14

Исуслісь адззывлытӧм керӧмсӧ адззыліссес шуисӧ: «Сія былись Енсянь Юӧртісьыс, Кӧдалӧ коліс локны му вылас».

Иоан 7:40

Отирыс коласісь унаӧн кылісӧ этнӧ кыввесӧ да висьталісӧ: «Сія эд былись Енсянь юӧртісь».