Иоан 1:18 - Бур Юӧр 2019

¹⁸ Енсӧ отирыс некӧр эзӧ адззывлӧ. Сійӧ миянлӧ мыччаліс Айыскӧт ӧтлаын олісь ӧтка Зоныс.

Иоан 1:18 Mawu Ofanana

Колосын оліссезлӧ 1:15

Зоныс быдӧсын тыдавтӧм Еныс кодь. Быдӧс аркмӧтӧмӧдз Сія вӧлӧм ни.

Иоан 6:46

Енсянь Локтӧмся Айсӧ некин эз адззыв. Дзир Сія адззыліс Айсӧ.

Матвей 11:27

Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.

Лука 10:22

Велӧтчиссеслӧ Сія висьталіс: «Айӧ быдӧс сетіс Меным. Дзир Айыс тӧдӧ, кин Зоныс. Дзир Зоныс тӧдӧ, кин Айыс. Тӧдӧ и сія, кинлӧ Зоныс осьтас».

1 Иоан 4:12

Енсӧ некӧр некин эз адззыв. Радейтам кӧ ӧтамӧднымӧс, сэк Еныс олӧ миян пытшкын. Сэк и Сылӧн радейтӧмыс поздісьӧм ни миян пытшкын.

1 Тимофейлӧ 6:16

Сія эд ӧтнас Пырсяыс. Сылӧн югыт оланін дынӧ оз позь сибӧтчыны. Сійӧ отирыс коласісь некин эз адззыв, да и адззывны оз вермы. Сылӧ вылына лэбтӧмыс, Сылӧн юралӧмыс пырся-пыр. Аминь.

1 Иоан 4:9

Еныс миянлӧ мыччаліс Ассис радейтӧмсӧ. Сія ыстіс му вылас Ассис ӧтка Зонсӧ, медбы Сы пыр сетны миянлӧ олан.

1 Иоан 5:20

Мийӧ тӧдам: Еныслӧн Зоныс локтіс, югдӧтіс миянӧс да сетіс мывкыдсӧ, медбы пондім тӧдны былись Енсӧ да ӧтлаасим Сылӧн былись Зонкӧт, Кристос Исускӧт. Сія и эм эд былись Еныс да пырся оланыс.

1 Иоан 4:20

Баитӧ кӧ кин, ме пӧ радейта Енсӧ, а ачыс тай синӧн оз вермы видзӧтны воныс вылӧ, сія мортыс бӧбӧтчись. Сія оз радейт син одзас олісь вонсӧ. Вермас я сія радейтны адззывлытӧм Енсӧ?

Иоан 17:26

Ме велӧті нійӧ тӧдны Тэнӧ и эшӧ велӧта, медбы сэтшӧм радейтӧмыс, кыдз Тэ Менӧ радейтан, вӧлі ны пытшкын, и медбы Ме ны пытшкын олі».

Иоан 17:6

Ме осьті Тэнчит нимтӧ отирыслӧ, кӧднӧ Тэ сетін Меным му вылас. Нія вӧлісӧ Тэнат, Тэ нійӧ сетін Меным. Нія видзсьӧны Тэнат Кыв бердӧ.

Иоан 14:9

Исусыс шуис сылӧ: «Филип, сы дырна Ме тіянкӧт, и тэ он тӧд Менӧ! Кин адззыліс Менӧ, сія адззыліс Айӧс. Мыля нӧ тэ баитан, мыччав пӧ миянлӧ Айтӧ?

Иоан 1:14

Кылыс пӧртчис мортӧ, оліс миянкӧт. Сія вӧлі тырӧм бурсетӧмнас да быльнас. Мийӧ адззылім Сылісь югьялӧмсӧ, ӧтка Зонлӧ сія югьялӧмыс сетӧм Айсянь.

Иоан 12:41

Исайыс адззылӧм Исусыслісь югьялӧмсӧ, сійӧн сідз и висьтавлӧм, Сы йылісь и баитӧм.

1 Тимофейлӧ 1:17

Пыр олісь да юралісь Ӧксулӧ ─ ыджыт мывкыда тыдавтӧм ӧтка Енлӧ ─ вылына лэбтӧмыс да югьялӧмыс пырся-пыр! Аминь.

Иоан 13:23

Исуслӧн ӧтік велӧтчись, кӧдӧ Сія радейтіс, пукаліс Сыкӧт ордчӧн.

Иоан 3:11

Тэныт быльсӧ веськыта висьтала: мийӧ баитам сы йылісь, мый тӧдам. Висьтасям сы йылісь, мый адззылім. Тійӧ тай миян висьталӧмӧ одӧ веритӧ.

2 Коринфын оліссезлӧ 4:4

Нія озӧ веритӧ. Му вылас ыждалісь кульыс нёрӧм нылісь вежӧрнысӧ, медбы нія эзӧ адззӧ Бур Юӧрлісь югдӧтӧмсӧ, кӧда осьтӧ Кристослісь югьялӧмсӧ. Кристосыс эд Асьнас мыччаліс миянлӧ Енсӧ.