Иоан 1:14 - Бур Юӧр 2019

¹⁴ Кылыс пӧртчис мортӧ, оліс миянкӧт. Сія вӧлі тырӧм бурсетӧмнас да быльнас. Мийӧ адззылім Сылісь югьялӧмсӧ, ӧтка Зонлӧ сія югьялӧмыс сетӧм Айсянь.

Иоан 1:14 Mawu Ofanana

Матвей 1:16

Яковлӧн чужӧм Ӧсип. Ӧсиплӧн Мария иньыс вайӧм Исуссӧ, кӧдӧ шуисӧ Кристосӧн.

Лука 2:11

Ӧні Давид карын чужис Мездӧтісь. Сія ─ Дӧсвидзись Кристос.

Лука 2:7

Сія вайис Зонӧс, ассис медодзза кагаӧс, Сійӧ каттис да пуктіс яслиӧ. Нія эд эзӧ вермӧ сюрны сувтчан керкуӧ.

Лука 9:32

Петраыс мӧд велӧтчиссескӧт онмӧссис. Нія саймисӧ да казялісӧ Исуслісь югьялӧмсӧ да Сыкӧт кык мортӧс.

Иоан 1:1

Медодз вӧлі Кыв. Кылыс вӧлі Енкӧт. Кылыс вӧлі Ен.

Иоан 11:40

Исусыс шуис сылӧ: «Эг разь Ме тэныт висьтав: пондан кӧ веритны, адззылан Енлісь югьялӧмсӧ?»

Иоан 14:6

Исусыс сылӧ висьталіс: «Ме ─ туйыс, быльыс да оланыс. Дзир Ме пыр позьӧ локны Айӧ дынӧ, абу мӧдік туй.

Иоан 14:9

Исусыс шуис сылӧ: «Филип, сы дырна Ме тіянкӧт, и тэ он тӧд Менӧ! Кин адззыліс Менӧ, сія адззыліс Айӧс. Мыля нӧ тэ баитан, мыччав пӧ миянлӧ Айтӧ?

Иоан 17:22

Тэ Меным сетін югьялан вынтӧ. Сійӧ Ме сеті нылӧ. Миян моз ась и нія лоӧны ӧтвыв.

Иоан 17:24

Айӧ! Меным колӧ, медбы Меным Тэнат сетӧммес вӧлісӧ сэтчин, кытӧн Ме лоа. Нія ась адззӧны Менчим югьялӧмсӧ, кӧдӧ Тэ Меным сетін. Быдӧс аркмӧтӧмӧдз эд Тэ Менӧ радейтін ни.

Иоан 18:37

Пилатыс шуис Сылӧ: «Сідзкӧ, Тэ ─ Ӧксу?» Исусыс шуис: «Тэ ачыт висьталін: Ме ─ Ӧксу. Ме шогми да локті му вылас, медбы висьтасьны быльыс йылісь. Кин быльыслӧн, сія кывзӧ Менчим висьталӧмӧс».

Иоан 2:11

Сідз Галилея муись Кана карын Исусыс медодззаись керис адззывлытӧмсӧ. Сэтшӧма Сія мыччаліс Ассис югьялан вынсӧ, и велӧтчиссес пондісӧ Сылӧ веритны.

Иоан 3:16

Еныс эд сідз радейтӧ му вылісь отирсӧ, нельки сетіс Ассис ӧтка Зонсӧ, медбы Сылӧ быд веритісь эз кув, а сылӧн вӧлі пырся олан.

Иоан 3:18

Сылӧ веритісьсӧ озӧ пондӧ судитны. А кин оз верит, сія судитӧм ни. Сія эд эз верит Енлӧн ӧтка Зонлӧ.

Иоан 6:51

Ме ─ ловья нянь, лэдзчи енӧжись. Сійӧ няньсӧ сёйисьыс пондас овны пыр. Менам сетӧм няньӧ ─ Менам Вывтырӧ. Сійӧ Ме сета отир олан понда».

Иоан 8:32

Сэк тійӧ пондат тӧдны быльсӧ, и быльыс тіянӧс мездӧтас».

Ап. керӧммез 13:33

Мӧдік псаломын тай гижӧм: ─ Тэ Менам Зон, Ме талун Тэнӧ чужті.

Римын оліссезлӧ 8:3

Моисейлӧн Туйдӧтыс эз вермы миянӧс мездыны. Умӧляс кыскан вывтырным кузя Туйдӧтыслӧн мездан выныс эз тырмы. Мый Туйдӧтыс эз вермы керны, сійӧ керис Еныс. Сія ыстіс Ассис Зонсӧ му вылас вештісьны умӧль керӧммезным понда. Сылӧ сетіс сэтшӧм вывтыр, кытшӧм вывтырыс умӧль керись мортлӧн. Сідз Сія судитіс морт вывтырын поздісьӧм умӧль керӧмсӧ.

Римын оліссезлӧ 9:5

Эта увтырлісь айесӧ быдӧнныс тӧдӧны. Ны увтырись морт моз чужис и Кристосыс. Сія ─ быдӧс вылын Ен. Сылӧ пырся-пыр ошкӧм! Аминь.

1 Коринфын оліссезлӧ 15:47

Одзза мортыс аркмӧтӧм муись, сія му вылісь. Мӧд мортыс ─ Дӧсвидзись. Сія локтіс енӧжсянь.

2 Коринфын оліссезлӧ 12:9

Дӧсвидзисьыс тай меным висьталіс: «Менам вынӧ ӧддьӧнжык тыдалӧ вынтӧммезас. Сійӧн тэныт тырмас Менам бурсетӧмӧ». Ӧні ме вынтӧм да сійӧн понда ошшасьны, медбы меын оліс Кристослӧн выныс.

Галатияын оліссезлӧ 4:4

Сувтӧтӧм кадыс локтӧм бӧрын Еныс ыстіс Ассис ӧтка Зонсӧ. Сія чужис инькасянь да оліс Туйдӧтыс сьӧрті.

Ефесын оліссезлӧ 3:8

Ме вежа отирыс коласісь медучӧтыс, но меным сетӧм эта бурыс: ентӧдтӧммезлӧ висьтасьны Кристослӧн донася-дона бурсетӧм йылісь Бур Юӧрсӧ.

Колосын оліссезлӧ 1:19

Айыс юрас видзӧм, медбы Зоныс быдӧсын вӧлі Сы кодь.

Колосын оліссезлӧ 2:3

Сы пытшкын меддонаыс ─ адззывлытӧм мывкыдыс да быдӧс тӧдӧмыс.

Колосын оліссезлӧ 2:9

Кристосыс пӧртчис мортӧ. Аслас вывтырын Сія мыччаліс Енлісь быдӧс тырмӧмсӧ.

1 Тимофейлӧ 3:16

Висьтавтӧг быдыс тӧдӧ, миян веритӧмын тӧдлытӧмыс былись ыджытся-ыджыт: Еныс локтіс морт вывтырын, Лолыс осьтіс: Сія веськыта Олісь, Сійӧ адззылісӧ ангеллэз, Сы йылісь висьтасисӧ быдпӧлӧс отирлӧ, му вылын пондісӧ Сылӧ веритны, Сія лэбтісис югьяланінас.

Еврейезлӧ 1:3

Зоныс ─ Айыслӧн ошкӧм-югьялӧмыс. Сія быдӧсын Айыс кодь, быдӧс видзӧ Аслас вына кылӧн. Сія сӧстӧмтіс миянӧс умӧль керӧммезсиным да пуксис енӧжас вына Еныскӧт ордчӧн веськыт ладорас.

Еврейезлӧ 1:5

Кӧр кытшӧм ангеллӧ Еныс висьталіс: ─ Тэ Менам Зон, Ме талун Тэнӧ чужті? Некытшӧм ангеллӧ Еныс эз висьтав: ─ Ме сылӧ лоа Айӧн. Сія Меным лоас Зонӧн.

Еврейезлӧ 10:5

Сійӧн му вылас локтікӧ Кристосыс шуӧ: ─ Езъяланнэз да козиннэз Тэныт озӧ колӧ. Тэ лӧсьӧтін Меным вывтыр.

Еврейезлӧ 2:11

Отирсӧ вежаӧн Керисьыс да вежа отирыс ӧтік Айсянь. Сійӧн Сылӧ абу рожа кулян шуны нійӧ Аслас воннэзӧн.

Еврейезлӧ 5:5

Сідз и Кристосыс Ачыс Асьсӧ эз сувтӧт эта ыджыт удж вылӧ ─ лоны Аркирейнас. Сувтӧтіс этадз Висьталісьыс: ─ Тэ Менам Зон, Ме талун Тэнӧ чужті.

1 Иоан 4:14

Мийӧ адззылімӧ да висьталамӧ: Айыс ыстіс Зонсӧ мездыны отирсӧ.

1 Иоан 4:9

Еныс миянлӧ мыччаліс Ассис радейтӧмсӧ. Сія ыстіс му вылас Ассис ӧтка Зонсӧ, медбы Сы пыр сетны миянлӧ олан.

2 Иоан 1:7

Уна эд ылӧтліссес ӧні отирыс коласын лэбтісисӧ. Нія озӧ веритӧ Кристос Исуслӧн морт вывтырын локтӧмӧ. Сэтшӧм мортыс отирсӧ ылӧтлісь, Кристос вылӧ лэбтісись.

Осьтӧм 19:13

Сы вылын паськӧмыс вӧлі вирӧсь. А нимыс Сылӧн ─ Енлӧн Кыв.

Осьтӧм 21:3

Сэк ме кылі енӧжсяняс горӧн висьталӧм: ─ То, Енлӧн оланіныс отирыс коласын! Сія пондас овны ныкӧт, нія лоасӧ Сылӧн отир. Еныс Ачыс лоас ныкӧт, да лоас нылӧн Ен.