Филипын оліссезлӧ 4:19 - Бур Юӧр 2019

¹⁹ И менам Енӧ сетас тіянлӧ быдӧс коланасӧ Кристос Исус отсӧтӧн. Югьялан Еныслӧн эд быдӧс эм.

Филипын оліссезлӧ 4:19 Mawu Ofanana

1 Петра 5:10

Тійӧ ӧні мыйкӧ дырна пессят-мырсят. Но быдӧс бурсетӧмыс локтӧ Енсянь. Сія тіянӧс Кристос Исусыс пыр корис Аслас пырся югьяланінӧ. Ӧні Сія Ачыс керас тіянӧс быдсӧн бурресӧн, лэбтас да вынсьӧтас, велӧтас чорыта видзсьыны.

1 Тимофейлӧ 6:17

Ӧння кадӧ бура оліссесӧ велӧт, ась нія асьнысӧ вылына озӧ лэбтӧ. Ась надейтчӧны Еныс вылӧ, озӧ сьӧмныс вылӧ. Сія эд быдӧс сетӧ тырмӧмви, медбы миянлӧ долыта овны.

Колосын оліссезлӧ 1:27

Ачыс Еныс нылӧ сетіс тӧдны, мымда бурыс да югьялӧмыс эта тӧдлытӧмын быд отирлӧ. Тӧдлытӧмыс то мый: Кристосыс олӧ тіян пытшкын. Сэтӧн и надеяныт локтан югьялӧм вылӧ.

Ефесын оліссезлӧ 3:16

Сія Аслас Лолӧн ась вынсьӧтас тіянӧс пытшксяняныт. Сылӧн югьялан выныс эд ыджытся-ыджыт.

Колосын оліссезлӧ 3:16

Кристослӧн кылыс ась тыртӧ тіянӧс. Быдсӧн мывкыднаныт велӧтӧ, вежӧрсьӧтӧ ӧтамӧднытӧ Енсӧ ошкан кыввезӧн, сьыланкыввезӧн, Ловсянь сетӧм сьылӧтаннэзӧн. Енлӧн бурсетӧм понда сьӧлӧмсянь ошкӧ-сьылӧтӧ Дӧсвидзисьсӧ.

Римын оліссезлӧ 8:18

Ме юрам видза: ӧнняся пессьӧм-мырсьӧмным одзланься югьялӧмыс сьӧрті абутӧм туйӧ. Сія югьялӧмыс миянӧс видзчисьӧ.

Ефесын оліссезлӧ 1:7

Кристосыс Аслас вирӧн вештісис миян понда. Ӧні миян умӧль керӧммезным проститӧмӧсь. Сэтшӧм Сылӧн ыджытся-ыджыт бурсетӧмыс!

2 Коринфын оліссезлӧ 4:17

Мийӧ ӧні мымдакӧ пессям-мырсям. Пессьӧм-мырсьӧмным абу сьӧкыт, а вайӧ миянлӧ лыдтӧм пырся ошкӧм-югьялӧм.

Римын оліссезлӧ 9:23

Но Ассис вынася-вына югьялӧмсӧ Сія лӧсьӧтчӧм мыччавны нія доззэз вылын, кӧдна дынӧ Сія небыт сьӧлӧма. Нійӧ доззэсӧ Еныс одзжык ни лӧсьӧтчӧм тыртны Аслас югьялӧмӧн.

Ефесын оліссезлӧ 3:8

Ме вежа отирыс коласісь медучӧтыс, но меным сетӧм эта бурыс: ентӧдтӧммезлӧ висьтасьны Кристослӧн донася-дона бурсетӧм йылісь Бур Юӧрсӧ.

Ефесын оліссезлӧ 1:18

Сія ась югдӧтас тіянлісь сьӧлӧммезнытӧ, медбы вежӧртны, мый вылӧ тійӧ надейтчат. Сія надейтчӧмӧ Еныс тіянӧс и корис. Тіянлӧ колӧ вежӧртны, кытшӧм ыджыт да югьялан пай Сія лӧсьӧтӧм вежа отирлӧ

Ефесын оліссезлӧ 2:7

Локтан каддэзас Еныс лӧсьӧтчӧм Кристос отсӧтӧн мыччавны миянлӧ Ассис унася-уна бурсетӧмсӧ да радейтӧмсӧ.

Римын оліссезлӧ 2:4

Поди, тэ абутӧм туйӧ пуктан Еныслісь небыт сьӧлӧмсянь бур керӧмсӧ да мылаыс быртӧг дыр видзчисьӧмсӧ, а ачыт тай он вежӧрт керсьӧмсӧ. Еныслӧн небыт сьӧлӧмсянь керӧмыс эд вайӧтӧ тэнӧ умӧль керӧммет дынісь Енлань бергӧтчӧмӧдз.

Римын оліссезлӧ 11:33

Еныслӧн эд унася-уна бурыс, адззывлытӧм мывкыдыс да быдӧс тӧдӧмыс! Сылісь лӧсьӧтӧм-керӧмсӧ он вермы вежӧртны! Сылӧн туйес тӧдтӧмӧсь!

1 Петра 5:1

Гижа вичкуын веськӧтліссезлӧ. Ме и ачым тіян кодь веськӧтлісь. Ачым адззылі Кристослісь пессьӧм-мырсьӧмсӧ. Ме лоа Сыкӧт ӧтлаын югьялӧмас, кӧда чожа оссяс. Ме кеймися тіянлӧ:

1 Фессалоникаын оліссезлӧ 2:12

Мийӧ тіянӧс туйдӧтім, ӧзйӧтім, кеймисьӧмӧн корим овны сідз, кыдз колӧ Енлӧ. Сія тіянӧс корӧ эд Аслас Юраланінӧ да югьяланінӧ.

Римын оліссезлӧ 1:8

Медодз висьтала: Кристос Исус нимӧн буркывта ассим Енӧс быдӧнныт понда. Кристослӧ веритӧмныт йылісь юӧрыс паськалӧ эд муыс пасьта.

Иоан 20:27

Сэсся горӧтчис Фомаыслӧ: «Вай татчӧ чуньтӧ да видзӧт Менчим киэзӧс, вай китӧ да пешлы ордлыэзӧс. Эн ло вериттӧмӧн, но ло веритісьӧн».

Иоан 20:17

Исусыс горӧтчис сылӧ: «Эн павкӧтчы Ме бердӧ. Ме эд эг на лэбтісь Айӧ дынӧ. Мун Менам воннэз дынӧ да висьтав нылӧ: Ме лэбтіся Аслам Ай дынӧ да тіян Ай дынӧ. Лэбтіся Аслам Ен дынӧ да тіян Ен дынӧ».

Филимонлӧ 1:4

Кеймикам пыр касьтывла тэнӧ да буркывта ассим Енӧс.

2 Коринфын оліссезлӧ 12:21

Кӧр бӧр локта, ась оз ковсьы меным гӧрдӧтны тіян кузя Еныс одзын. Ась оз ковсьы меным синва кисьтны ны понда, кӧдна лэдзчисисӧ керны сэрпӧсьсӧ, кыскасисӧ да эзӧ тӧждісьӧ асланыс умӧль керӧммез кузя.

Матвей 6:32

Ентӧг оліссес эд сы понда пыр и тӧждісьӧны. Енӧжись Айныт эд тӧдӧ, мый тіянлӧ колӧ.

Филипын оліссезлӧ 4:7

Сэк Еныслӧн сетӧм лӧньыс видзас тіянлісь сьӧлӧммезнытӧ да мывкыднытӧ Кристос Исусыскӧт ӧтлаасьӧмӧн. Еныслісь сійӧ сетӧм лӧньсӧ мортыс и вежӧртны оз вермы.