Филипын оліссезлӧ 4:17 - Бур Юӧр 2019

¹⁷ Этадз ог баит сы понда, жыв видзчися тіянсянь козиннэз. Меным колӧ, медбы керӧмсяняныт тіянлӧ бурыс локтіс.

Филипын оліссезлӧ 4:17 Mawu Ofanana

Иоан 15:16

Тійӧ эдӧ бӧрйӧ Менӧ, Ме бӧрйи тіянӧс. Ме сувтӧті тіянӧс да иньді вайны воӧм. Тіян воӧмныт ась пыр олӧ. Сідз кӧ пондат керны, сэк Менам нимӧн мый корат, Айӧ сетас тіянлӧ.

Иоан 15:8

Лоат кӧ Менам велӧтчиссезӧн да ваят уна воӧмсӧ, сы понда ошкасӧ Менчим Айӧс.

Римын оліссезлӧ 15:28

Ӧктӧм отсӧтсӧ Ерусалимас вайӧмӧ бӧрын тіян дынӧт иньдӧтча Испанияӧ.

2 Коринфын оліссезлӧ 11:16

Сэтчӧ содта: эдӧ пуктӧ менӧ мывкыдтӧм мортӧ. А лыддят кӧ сэтшӧмӧн, то кывзӧ менӧ мывкыдтӧмӧс моз. Лэдзӧ менӧ невна ошшасьыштны.

2 Коринфын оліссезлӧ 9:5

Воннэзӧс тшӧкті вовлыны тіян дынӧ одзжык. Ась видзӧтӧны, медбы тіян кӧсйӧм отсӧтныт вӧлі лӧсьӧтӧм. Сэк сія лоӧ сьӧлӧмсянь сетӧм бур отсӧт, абу тшӧктӧмсянь.

Филипын оліссезлӧ 1:11

Кристос Исус отсӧтӧн Ен сьӧрті веськыта олӧмсяняныт ась лоас уна бур керӧмныт. Отирыс ась лэбтӧны-ошкӧны Енсӧ бурсӧ керӧмныт понда ─ Енлӧ бур воӧмсӧ вайӧмныт понда.

Филипын оліссезлӧ 4:11

Этадз баита не сысянь, жыв меным колӧ отсӧт. Ме велалі овны сійӧн, мый менам эм.

1 Фессалоникаын оліссезлӧ 2:5

Тійӧ тӧдат: мийӧ некӧр эгӧ баитӧ виа бордӧн мавтӧмӧн моз. Мийӧ нем эгӧ керӧ аслыным мыйкӧ босьтӧм могись, Еныс тӧдӧ.

1 Тимофейлӧ 3:3

оз кодав, оз тышкась, отиркӧт бура лӧсялӧ, оз горшав, рам сьӧлӧма, оз етшась, сьӧм понда оз пукты ловсӧ.

1 Тимофейлӧ 6:10

Быд умӧльыслӧн вуджыс ─ сьӧм радейтӧм. Мукӧдыс сьӧм ӧктӧмас ловнысӧ пуктӧм кузя веритӧмсис ылалісӧ мӧдӧрӧ. Нія асьнысӧ воштісӧ быдкодь мырсьӧм-тӧждісьӧмӧдз.

Титлӧ 1:7

Вичкуын веськӧтлісь ─ Енлӧн уджалісь. Сідзкӧ, колӧ, медбы сы йылісь некин эз вермы висьтавны ӧтік умӧль керӧм. Сылӧ колӧ лоны сэтшӧмӧн: абу асныра, оз лӧгав, оз кодав, оз тышкась, оз горшась.

Титлӧ 3:14

Ась и мияніссес велӧтчӧны керны бурсӧ, отсасьны быд колан торын. Сэк озӧ кольччӧ бур воӧмтӧг.

Еврейезлӧ 6:10

Еныс эд веськыта керӧ. Сія оз вунӧт тіянлісь уджнытӧ, радейтӧмӧн керӧмнытӧ. Сы нимӧн тійӧ отсавліт да и отсалат вежа отирлӧ.

1 Петра 5:2

видзӧтӧ тіян киӧ сетӧм Енлӧн отир сьӧрын, кыдз баля видзӧтісь видзӧтӧ баля чукӧрыс сьӧрын. Эд тӧждісьӧ ны понда дзир тшӧктӧмсянь, ась сія Ен сьӧрті керӧмыс петӧ ассяняныт. Эд лӧсьӧтчӧ сэтісь мыйкӧ аслыныт босьтны, быдӧс керӧ радейтан сьӧлӧмсянь.

2 Петра 2:15

Нія колисӧ веськыт туйсӧ да ӧшисӧ, Восорлӧн Валаам зоныс сьӧрӧ мунӧны. Сылӧ тай умӧльсӧ керӧмыс понда вештӧмыс вӧлӧм сьӧлӧмви.

2 Петра 2:3

Горшасьӧмныс кузя басӧка баитӧмнаныс пондасӧ бӧбӧтлыны тіянлісь, мый нылӧ колӧ. Енлӧн судыс важын ни лӧсьӧтӧм мыжйыны нійӧ. Нылӧн изводасьӧмныс оз сунась.

Иуда 1:11

Ӧддьӧн умӧль нылӧ лоас! Нія мунӧны Каиныс сьӧрӧ. Сьӧмыс кузя нія ылалісӧ Валаамыс моз. Корейыс моз асныралӧмныс кузя асьнысӧ вийсьӧмӧдз вайӧтӧны.