Филипын оліссезлӧ 3:19 - Бур Юӧр 2019

¹⁹ Нія мунӧны кулӧмас, нылӧн енныс ─ гыркныс, нія ошшасьӧны рожа кулян керӧмнаныс. Юраныс видзӧны дзир му вылісьсӧ.

Филипын оліссезлӧ 3:19 Mawu Ofanana

Матвей 16:23

Петралань бергӧтчӧмӧн Исусыс шуис: «Вешшы Ме дынісь, сотана! Тэ Менӧ ылӧтан! Тэнат юрат пыртӧмыт мортлӧн, абу Енлӧн».

Матвей 25:41

Сэсся шульгаланьын сулаліссеслӧ Сія шуас: "Мунӧ Ме дынісь, ёрдӧммез. Мунӧ куслытӧм биӧ, кульлӧ да сы ангеллэзлӧ ӧзтӧм биӧ.

Лука 12:19

Висьтала аслым: лолӧй, уна кад кежӧ куйлӧ тэнат ӧктӧмыт. Ӧні шоччись, сёй, ю, гажӧтчы!"

Лука 16:19

«Ӧтік морт оліс ӧддьӧн бура. Пасьтасис сія дона бур паськӧмӧ, быд луныс сылӧ вӧлі гажа вежалун.

Лука 18:4

Судитісьыс дыр абу мӧдӧм дорйыны. Сэсся аслыс висьталас: "Енісь ме ог пов да и отирсӧ абутӧм туйӧ пукта.

Римын оліссезлӧ 16:18

Сэтшӧммес озӧ уджалӧ миян Дӧсвидзись Кристос Исуслӧ. Нія уджалӧны асланыс гырклӧ. Басӧка да ылӧтлӧмӧн баитӧмнаныс нія бӧбӧтлӧны кокнита веритіссесӧ.

Римын оліссезлӧ 6:21

Кытшӧм воӧм сэк тіян вӧлі? Тійӧ сійӧ керліт, кӧднасянь ӧні асьныт гӧрдӧтат. Сія эд вайӧтӧ кулӧмӧ.

1 Коринфын оліссезлӧ 3:3

Тійӧ кытчӧдз эшӧ олатӧ вывтырныт кыскӧм сьӧрті. Тійӧ ӧтамӧднытлӧ завидуйтат кӧ, ас коласаныт етшасят да одӧ вермӧ ӧтмоза вежӧртны, сэк тійӧ олатӧ вывтырныт кыскӧм сьӧрті, кератӧ Ентӧг олісь отир моз.

1 Коринфын оліссезлӧ 5:2

Тіянлӧ колӧ горзыны да дынсиныт вашӧтны сідз керисьсӧ. Но тійӧ тай сы туйӧ вышитчат.

1 Коринфын оліссезлӧ 5:6

Немӧн тіянлӧ ошшасьны. Одӧ разь тійӧ тӧдӧ: етша майӧлыс быдсӧн кӧтассӧ шӧммӧтӧ.

2 Коринфын оліссезлӧ 11:12

Сідз кера, медбы ошшасиссес эзӧ вермӧ висьтавны, нія пӧ керӧны Еныслісь уджсӧ миян моз жӧ.

2 Коринфын оліссезлӧ 11:15

Сійӧн эта абу ыджыт удж, кульыслӧн ангеллэс пӧртчӧны кӧ Енлӧн уджаліссезӧ. Нылӧ эд медбӧрын лоас сетӧм асланыс удж сьӧрті.

Галатияын оліссезлӧ 6:13

Вундыштыштӧммес асьныс озӧ олӧ Туйдӧтыс сьӧрті. Нылӧ колӧ, медбы тіянӧс вундыштыштісӧ, сэсся нія вермасӧ сійӧн ошшасьны отирыс одзын.

Филипын оліссезлӧ 2:21

Быдӧнныс эд кошшӧны ас пондасиныс, озӧ кошшӧ сійӧ, мый Кристос Исуслӧ колӧ.

Колосын оліссезлӧ 3:2

Енӧж вылісьсӧ юраныт видзӧ, эдӧ му вылісьсӧ.

2 Фессалоникаын оліссезлӧ 1:9

Нійӧ мыжьясӧ, пырся кулӧмас иньдасӧ. Нія лоасӧ пыр кежӧ янсӧтӧмӧсь Дӧсвидзись дынісь да Сылӧн югьялан вынісь.

2 Фессалоникаын оліссезлӧ 2:12

Быдӧннысӧ, кӧдна эзӧ веритӧ быльыслӧ, а радейтӧны бӧбӧтӧмсӧ, Еныс судитас.

2 Фессалоникаын оліссезлӧ 2:8

Сэк вӧлись оссяс Ен Туйдӧт вылӧ лэбтісисьыс. Но Кристос Исусыс локтікас пӧльыштӧмнас вияс сійӧ, югьялӧмнас паздас.

1 Тимофейлӧ 6:5

да тшыксьӧм вежӧра отир коласын дугдывтӧг пинясьӧм. Нія эд вунӧтісӧ быльсӧ. Енлӧ юрбитӧмыссянь нія мӧдӧны богатсявны. Сэтшӧм отир дынісь ылынжыка видзсьы.

2 Тимофейлӧ 3:4

ӧта-мӧднысӧ вузалӧны, нійӧ нем оз видз, нырнысӧ лэбталӧны. Енӧсся буржыка нія пондасӧ радейтны чӧскыта олӧмсӧ,

Яков 4:16

Тійӧ асьнытӧ вылына лэбтӧмсянь ошшасят. Сэтшӧм быд ошшасьӧмыс ─ умӧль керӧм.

2 Петра 2:1

Израиль отир коласын вӧлӧмась бӧбӧтчиссез, кӧдна асьнысӧ пуктывлӧмась Енсянь юӧртіссезӧ. И тіян коласісь лэбтісясӧ бӧбӧтӧмӧн велӧтіссез. Нія пыртасӧ ылӧтан велӧтӧммезнысӧ, кӧдна кулӧмӧдз вайӧтасӧ. Нія нельки нійӧ небись Юралісьсӧ абутӧм туйӧ пуктасӧ. Сійӧн нія асьнысӧ чожа вайӧтасӧ кулӧмӧдз.

2 Петра 2:13

Нія умӧль керӧмныс понда босьтасӧ вештісьӧмсӧ. Лунісь лунӧ нія гажӧтчӧны да чӧскыта олӧны. Нія лэдзчисьӧмась да сэрпас пырӧмась. Тіянкӧт ӧтлаын пызан саяс пукавтӧн асланыс бӧбӧтчӧмӧн сьӧлӧмнысӧ бурмӧтӧны.

2 Петра 2:3

Горшасьӧмныс кузя басӧка баитӧмнаныс пондасӧ бӧбӧтлыны тіянлісь, мый нылӧ колӧ. Енлӧн судыс важын ни лӧсьӧтӧм мыжйыны нійӧ. Нылӧн изводасьӧмныс оз сунась.

Иуда 1:10

А этна эд умӧльсӧ баитӧны сы йылісь, мый озӧ тӧдӧ. Нылӧ шогмӧмсянь сетӧм тӧдны мукӧдсӧ мывкыдтӧм подалӧ моз. Этӧн нія асьнысӧ изводалӧны.

Иуда 1:16

Нія пыр боньгӧны да норасьӧны. Керӧны дзир асланыс ӧзйӧтчӧм сьӧрті: Ентӧг олӧны, Сылісь Туйдӧтсӧ абутӧм туйӧ пуктӧны, баитӧмнаныс асьнысӧ лэбтӧны. Колӧ кӧ мыйкӧ мортыссянь, сійӧ бура ошкӧны. Нысянь эд эм мый босьтны.

Иуда 1:4

Тіян коласӧ эд казявтӧг пырисӧ Ентӧг оліссез. Миян Енным отирыс дынӧ небыт сьӧлӧма, сійӧн нія шуӧны, лэдзчисьӧмӧдз пӧ быдӧс позьӧ керны. Ӧтік Юралісь Енсӧ да миянлісь Дӧсвидзись Кристос Исуссӧ нія абутӧм туйӧ пуктӧны. Кӧркӧсянь эд вӧлі гижӧм: сэтшӧм отирсӧ лӧсьӧтӧмась Енлӧн суд вылын мыжйыны.

Осьтӧм 18:7

Сетӧ сылӧ шогсӧ да мырсьӧмсӧ сымда, мымда сылӧн вӧлі гажӧтчӧмыс да ошкӧмыс. Сія эд ас йывсис баитӧ: ме пукала инь ӧксу моз, ме абу дӧва и некӧр ог понды тӧждыны.

Осьтӧм 19:20

Вӧрпасӧ ӧтлаын бӧбӧтчись юӧртісьыскӧт кутісӧ. Бӧбӧтчись юӧртісьыс керліс адззывлытӧммесӧ вӧрпаыс нимӧн. Нійӧн сія ылӧтліс быдӧннысӧ, кӧдна вылын вӧлі вӧрпаыслӧн пасыс да кӧдна копрасисӧ сы вылӧ вачкисяна керӧмыслӧ. Кыкнаннысӧ нійӧ ловйӧн шентісӧ биӧн сотчан истӧгись тыӧ.

Осьтӧм 21:8

Поліссес, мӧдӧрӧ ылаліссес, сэрпӧссес, морт вийиссес, кыскасиссес, тшыкӧтчиссес, ас керӧм еннэзлӧ копрасиссес да быдӧс бӧбӧтчиссес сюрасӧ биӧн сотчан истӧгись тыӧ. Сія ─ мӧдпырись кулӧмыс».

Осьтӧм 22:15

Сэрпӧсь поннэс, тшыкӧтчиссес, кыскасиссес, морт вийиссес, ас керӧм еннэзлӧ копрасиссес, ылӧтлӧмсӧ радейтіссес да бӧбӧтчиссес карас озӧ пырӧ.