Филипын оліссезлӧ 3:15 - Бур Юӧр 2019

¹⁵ Сідзкӧ, кин миян коласісь быдсӧн вежсис бурланьӧ, сылӧ сідз и колӧ авйыны. А мӧдмоза кӧ мыйкӧ авйатӧ, сійӧ тіянлӧ Еныс осьтас.

Филипын оліссезлӧ 3:15 Mawu Ofanana

Матвей 5:48

Енӧжись Айныт быдсӧн бур! Сы моз и тійӧ лоӧ быдсӧн бурӧсь».

Лука 11:13

Тійӧ морттэс лӧгӧсь, а челядьнытлӧ кужат керны бур козиннэз. А Енӧжись Айныт эд сетас ни Вежа Ловсӧ Сылісь кориссезлӧ».

Иоан 6:45

Енсянь юӧртіссес гижӧмась: "Еныс быдӧннысӧ велӧтас". Быдыс, кин Айӧс кывзӧ да Сысянь велӧтчӧ, локтӧ Ме дынӧ.

Иоан 7:17

Кин лӧсьӧтчис керны Ен сьӧрті, сія вежӧртас, Енсянь я эта велӧтӧмыс, али Ассяням Ме баита.

Римын оліссезлӧ 15:1

Миянлӧ, веритӧмас вынаэслӧ, колӧ ыджыт мылаӧн видзсьыны веритӧмас вынтӧммескӧт сорасьӧмныс коста. Оз ков тӧждісьны дзир ас пондасиным.

1 Коринфын оліссезлӧ 14:20

Воннэзӧ! Эд лоӧ челядь мывкыдаӧсь. Умӧльсӧ керны лоӧ учӧтӧсь, а мывкыднаныт ыджытӧсь.

1 Коринфын оліссезлӧ 2:6

Мывкыдыс йылісь мийӧ висьтасям веритӧмас зорамӧммезлӧ. Сія мывкыдыс абу эта кадлӧн. Абу ӧння кадӧ юраліссезлӧн, кӧдна вежсьӧны.

Галатияын оліссезлӧ 5:10

Дӧсвидзисьлӧ веритӧмсянь ме тӧда: тійӧ мӧдіксӧ юраныт одӧ пыртӧ. А тіянӧс падмӧтісьыс, кин бы сія эз вӧв, лоас мыжйӧм.

Ефесын оліссезлӧ 1:17

Миян Дӧсвидзись Кристос Исуслӧн Еныс, вына югьялан Айыс, ась сетас тіянлӧ осьтӧмыслісь да мывкыдыслісь Ловсӧ, медбы буржыка тӧдіт Енсӧ.

Колосын оліссезлӧ 1:28

Мийӧ ӧні Сы йылісь висьтасям. Отирсӧ туйдӧтам да велӧтам быдсӧн мывкыднаным. Сідз керам, медбы Кристос Исускӧт ӧтлаасьӧм отирсӧ вайӧтны Еныс одзӧ быдсӧн буррезӧн.

Колосын оліссезлӧ 4:12

Пым юӧр ыстӧ тіян Епафрас, Кристос Исуслӧн раб. Сія дугдывтӧг кеймӧ, пессьӧ тіян понда, медбы тійӧ вынсяліт да лоит быдсӧн бурӧсь и медбы тіян быдӧс вӧлі Еныс сьӧрті.

1 Фессалоникаын оліссезлӧ 4:9

Веритіссез коласын ӧтамӧдӧс радейтӧм йылісь тіянлӧ оз ков гижны. Тіянӧс Ачыс Еныс велӧтіс радейтны.

2 Тимофейлӧ 3:17

медбы Енлӧн мортыс вӧлі быдсӧн бурӧн да вӧлі лӧсьӧтчӧм керны быдпӧлӧс бурсӧ.

Еврейезлӧ 5:14

Чорыт сёяныс ─ веритӧмас зорамӧммезлӧ. Нія овтӧнняныс велалӧмась тӧдны да янсӧтны бурсӧ умӧльыс дынісь.

1 Иоан 2:5

Ен кыв сьӧрті олісь мортын Еныслӧн радейтӧмыс поздісьӧм ни. Сідз мийӧ тӧдамӧ: мийӧ Сыкӧт ӧтлаасим.