Филипын оліссезлӧ 2:16 - Бур Юӧр 2019

¹⁶ Тійӧ видзсят олан сетан Кыв бердӧ. Сійӧн ме понда ошшасьны Кристослӧн локтан лунӧ: ме ассим олан туйӧс эг мун весись, эг весись мырсьы.

Филипын оліссезлӧ 2:16 Mawu Ofanana

Матвей 10:27

Мый Ме тіянлӧ висьтала пемытӧн, тійӧ висьталӧ югытӧн. Пеллезаныт шушкӧмсӧ отирлӧ висьтасьӧ керку вывсянь.

Лука 12:8

«Висьтала тіянлӧ: кин отир одзын оз повзьы Менӧ тӧдӧм йылісь висьтасьны, сійӧ Морт Зоныс пуктас Аслас мортӧ Енлӧн ангеллэз одзын.

Иоан 6:63

Лов сетӧ олан, а морт сійӧ керны оз вермы. Менам висьталӧм кыввезӧ сетӧны тіянлӧ лов да олан.

Иоан 6:68

Симон-Петра шуис Сылӧ: «Дӧсвидзисьӧ! Кин дынӧ миянлӧ мунны? Тэнат кыввет сетӧны пырся олан.

Ап. керӧммез 13:26

Воннэзӧ, Авраам увтырись челядь да Енсис поліссез! Тіянлӧ ыстӧм эта мездан юӧрыс.

1 Коринфын оліссезлӧ 1:8

Еныс вынсьӧтас тіянӧс видзсьыны медбӧрӧдз, медбы миян Дӧсвидзись Кристос Исуслӧн локтан Лунӧ тіян эз вӧв ӧтік умӧль керӧм.

1 Коринфын оліссезлӧ 9:26

Сійӧн ме ог котӧрт весись. Пессьӧмӧ коста киэзнам ог ӧвтчы весись.

2 Коринфын оліссезлӧ 1:14

А ӧні тійӧ эстісь мымдакӧ вежӧртіт ни. Сідзкӧ, миян Дӧсвидзись Кристос Исуслӧн бертан лунӧ пондам ошшасьны ӧтамӧднаным.

Галатияын оліссезлӧ 2:2

Ме сэтчин муні Енлӧн осьтӧм сьӧрті. Вичкуын ыджытжыккезӧ пуктӧммезлӧ висьтаси, кыдз висьтася Бур Юӧрсӧ мӧдік отирлӧ. Меным коліс нысянь тӧдны, эг я ме весь кутчы эта удж бердӧ, кӧдӧ ӧнӧдз кера.

Галатияын оліссезлӧ 4:11

Тіян понда менӧ полӧм кутӧ. Эг я ме весись уджав тіян дынын?

Филипын оліссезлӧ 1:10

Кристослӧн бертан лунӧ сэк буржыксӧ тӧдӧмсянь тійӧ лоат сӧстӧмӧсь. Сэк некин оз вермы висьтавны тіян йылісь умӧльсӧ.

Филипын оліссезлӧ 1:6

Ме бура тӧда: тіян пытшкын бур уджсӧ Пондӧтісьыс пондас сійӧ керны медбӧрӧдз, Кристос Исуслӧн бертан лунӧдз.

1 Фессалоникаын оліссезлӧ 2:19

Кин миян гажыс, надеяыс да ошкан юркытшыс? Этӧ тійӧ. Мийӧ пондам ошшасьны тіянӧн Дӧсвидзись Кристос Исусным одзын Сылӧн локтӧм коста.

1 Фессалоникаын оліссезлӧ 3:5

Ме эг ни вермы видзсьыны, сійӧн ысті Тимофейсӧ тӧдны тіян веритӧм йылісь. Ме полі, ылӧтлісьыс эз жӧ бы ылӧт тіянӧс, да миян уджным эз ло весись.

Еврейезлӧ 4:12

Енлӧн Кылыс ловья, сія керӧ Ассис вына уджсӧ. Еныслӧн Кылыс лэчытжык кыкнан дорсӧ кеслӧм шыпуртся. Сія йиджӧ пытшкӧдззас, олӧмсӧ ловкӧт да лысӧ вемкӧт торйӧтӧ. Сія осьтӧ юрын видзӧмсӧ да сьӧлӧм вылӧ пуктӧмсӧ.

1 Петра 1:23

Тійӧ вились чужит Ен Кывсянь, эдӧ чужӧ сісьман кӧдзыссянь. А Енлӧн Кылыс ловья да пыр олӧ.

1 Иоан 1:1

Мийӧ висьтасям сы йылісь, мый вӧлі одззасянь, мый мийӧ кылім, мый адззылім асланым синнэзӧн, мый видзӧтім, мый бердӧ киэзнаным павкӧтчылім. Висьтасям Олан Кыв йылісь.

Осьтӧм 22:17

Лолыс да невестаыс шуӧны: «Лок!» Кылісьыс ась висьталӧ: «Лок!» Кинлӧн косьмӧ горшыс ─ ась локтӧ. Кинлӧ колӧ, ась вештісьтӧг босьтӧ олан васӧ.