Филипын оліссезлӧ 2:13 - Бур Юӧр 2019

¹³ Ачыс Еныс эд уджалӧ тіян пытшкын, ӧзйӧтӧ тіянӧс Ас сьӧртӧттяс керны бурсӧ.

Филипын оліссезлӧ 2:13 Mawu Ofanana

Лука 12:32

Эд полӧ, учӧт чукӧр! Айныт шуис сетны тіянлӧ Юралӧм.

Лука 2:14

─ Ошкӧм Еныслӧ вылын енӧжас! Лӧнь олан му вылын отирлӧ, кӧднӧ Сія радейтӧ!

Иоан 3:27

Иоаныс нылӧ висьталіс: «Мортыс ас вылас босьтны нем оз вермы, абу кӧ сылӧ сетӧм енӧжсянь.

Иоан 6:45

Енсянь юӧртіссес гижӧмась: "Еныс быдӧннысӧ велӧтас". Быдыс, кин Айӧс кывзӧ да Сысянь велӧтчӧ, локтӧ Ме дынӧ.

Иоан 6:65

Сэк Сія шуис: «Сы понда Ме и висьталі тіянлӧ, некин оз вермы локны Ме дынӧ, оз кӧ ло сылӧ сетӧм Айӧсянь».

Ап. керӧммез 11:21

Дӧсвидзисьлӧн киыс нійӧ вынсьӧтӧм. Сійӧн ӧддьӧн унаӧн веритӧмась да бергӧтчӧмась Дӧсвидзисьлань.

Римын оліссезлӧ 12:3

Менам уна Еныслӧн бурсетӧмыс. Сійӧн ме тіянлӧ быдӧннытлӧ висьтала: юраныт ас йывсиныт уна эд пыртӧ, асьнытӧ эд лэбтӧ. Юраныт видзӧ веритӧмныт сьӧрті дзир коланасӧ, мымда веритӧмсӧ быднытлӧ сетіс Еныс.

Римын оліссезлӧ 9:11

Зонкаэс абу керӧмась бурсӧ, абу керӧмась умӧльсӧ, абу на вӧлі шогмӧмась да. Эшӧ сэк Еныс вӧлі висьталӧм Ревеккаыслӧ: «Ыджытжыкыс лоас учӧтжыкыс кипод увтын». Сідз висьталӧмнас Еныс мыччалӧм: бӧрйӧмыс Сы сайын. Сія мортсӧ оз кор сылӧн керӧммез сьӧрті, корӧ Аслас бӧрйӧм сьӧрті.

Римын оліссезлӧ 9:16

Сідзкӧ, быдӧс керсьӧ Енлӧн небыт сьӧлӧмсянь, оз мортлӧ колӧмсянь да сылӧн вынсьӧтчӧмсянь.

1 Коринфын оліссезлӧ 12:6

Еныс ӧтік, и Сія Ассис уджсӧ быд морт пытшкын вермӧ керны быдмоза.

1 Коринфын оліссезлӧ 15:10

Енлӧн бурсетӧмсянь ме ӧні сэтшӧм, кытшӧмӧн менӧ тӧдат. Сылӧн меным козьналӧм бурсетӧмыс эз вӧв весись. Ме кери мӧдік апостоллэзся унажык. Висьтавны кӧ, ме эг кер ачым. Еныслӧн бурсетӧмыс мекӧт, сія керис.

2 Коринфын оліссезлӧ 3:5

Мийӧ огӧ вермӧ висьтавны, эта пӧ быдӧс миянсянь. Мийӧ асьным нем огӧ вермӧ. Миян вермӧмным Енсянь.

Ефесын оліссезлӧ 1:11

Кристоскӧт ӧтлаасьӧмсянь мийӧ лоим Енлӧн челядьӧн. Миянӧс Еныс кӧркӧсянь ни вӧлі бӧрйӧм да лӧсьӧтӧм миянлӧ пай. Сія эд быдӧс керӧ сідз, кыдз Сылӧ колӧ.

Ефесын оліссезлӧ 1:5

сійӧн лӧсьӧтчӧм керны бурсӧ: Кристос Исус отсӧтӧн миянӧс шуӧм босьтны Аслас челядьӧн.

Ефесын оліссезлӧ 1:9

Ассис тӧдлытӧмсӧ Еныс миянлӧ осьтіс. Сійӧ бур лӧсьӧтӧмсӧ Сія кӧркӧсянь ни шуӧм пыртны оланӧ Кристос отсӧтӧн.

Ефесын оліссезлӧ 2:8

Веритӧмныт понда Сія Аслас бурсетӧмӧн тіянӧс мездіс. Мездӧмыс ─ Енсянь козин, сія абу тіян вынсьӧтчӧмсянь.

2 Фессалоникаын оліссезлӧ 1:11

Сійӧн мийӧ и пыр кеймам тіян понда, медбы Еныс шуис тіянӧс туянаэзӧн лоны Аслас корӧм отиркӧт. Сія Аслас вынӧн ась вынсьӧтӧ тіянӧс, медбы вӧліт лӧсьӧтчӧмӧсь керны бурсӧ. Сія Ачыс ась отсалӧ тіянлӧ ештӧтны сійӧ уджсӧ, кӧда мыччалӧ тіянлісь веритӧмнытӧ.

2 Тимофейлӧ 1:9

Сія миянӧс мездіс, корис овны вежа олӧмӧн. Эз кор миянӧс бурсӧ керӧмным понда, корис Аслас шуӧм сьӧрті да бурсетӧмнас, кӧда вӧлі козьналӧм миянлӧ Кристос Исус пыр эшӧ быдӧс аркмӧтӧмӧдз.

Еврейезлӧ 13:21

Еныс ась вынсьӧтӧ тіянӧс керны быдпӧлӧс бурсӧ, медбы быдӧс вӧлі Сы сьӧрті. Кристос Исусыс пыр ась керас миянӧс сэтшӧммезӧн, кытшӧмӧсь мийӧ Сылӧ колам. Сылӧ пырся-пыр ошкӧм! Аминь.

1 Петра 1:3

Ошкам Енсӧ, миян Дӧсвидзись Кристос Исуслісь Айсӧ! Еныс Кристоссӧ ловзьӧтіс, сідз Аслас небыт сьӧлӧмсянь козьналіс миянлӧ виль олан. Сійӧн мийӧ олам Сы вылӧ надейтчӧмӧн.