Филипын оліссезлӧ 1:30 - Бур Юӧр 2019

³⁰ Менам пессьӧмӧ вӧлі син одзаныт. Ӧні менам пессьӧм-мырсьӧм йылісь тіянлӧ кывсьӧ. Тійӧ пессят-мырсят ме моз.

Филипын оліссезлӧ 1:30 Mawu Ofanana

Иоан 16:33

Сідз Ме висьталі тіянлӧ, медбы тійӧ Меын адззитӧ лӧньсӧ. Тіянлӧ му вылас лоас сьӧкыт, но тійӧ эд полӧ, Ме верми му вылісьсӧ».

Филипын оліссезлӧ 1:13

Ме эстӧн пукала Кристосыс понда. Эта йылісь пондісӧ тӧдны ӧксуыслӧн воиннэс да и уна мӧдіккез.

Колосын оліссезлӧ 1:29

Ме эта понда и уджала, песся Сысянь сетӧм вынӧн, кӧда ме пытшкын ёна керӧ ассис уджсӧ.

Колосын оліссезлӧ 2:1

Меным колӧ, медбы тійӧ тӧдіт, мымда ме песся тіян понда. Ме песся и Лаодикияын да Иерапольын оліссез понда, да и ны понда, кӧдна менӧ эзӧ и адззывлӧ.

1 Фессалоникаын оліссезлӧ 2:2

Тіян дынӧ локтытӧдз Филип карас уна сьӧкытыс усис миян вылӧ: миянӧс вартлісӧ, умӧльтісӧ. Но мийӧ эгӧ повзьӧ отир лэбтісьӧмись. Еныс отсӧтӧн мийӧ повтӧг висьтасим тіянлӧ Сылісь Бур Юӧрсӧ.

1 Тимофейлӧ 6:12

Кутчы пессьыны Кристослӧ веритӧм понда, видзсьы пырся оланыс бердӧ, кытчӧ тэнӧ Еныс корис. Уна отир одзын тэ эд бура висьтасин веритӧмыт йылісь.

2 Тимофейлӧ 4:7

Ме бура песси, ассим олан туйӧс муні, веритӧмӧс эг ӧшты.

Еврейезлӧ 12:1

Тійӧ адззат: веритӧмыс йылісь кытшӧм уна висьтасиссес миян гӧгӧр! Сідзкӧ, чапкам быдӧс, мый миянӧс падмӧтӧ, колям миянӧс уськӧтан умӧль керӧммезнымӧс. Вынсьӧтчам ыджыт мылаӧн мунны сетӧм туйнымӧс.

Еврейезлӧ 12:4

Умӧль керӧмыслӧ паныт сувттӧн тійӧ эд эдӧ на вирӧдз тышкасьӧ.

Осьтӧм 12:11

Миян воннэзным вермисӧ сійӧ Дзельлӧн вирӧн да асланыс висьтасьӧмӧн. Нія эзӧ видзсьӧ оланныс бердӧ, эзӧ полӧ кулӧмсис.