Филипын оліссезлӧ 1:27 - Бур Юӧр 2019

²⁷ Мый бы эз вӧв, лоӧ Кристослӧ туяна отирӧн, олӧ Сы Бур Юӧр сьӧрті. Локта тіян дынӧ, ог я лок, адззыла тіянӧс, ог я ─ ась ме кыла тіян йылісь бурсӧ: тійӧ пӧ ӧтлаын, ӧтік сьӧлӧмӧн кутчисит дорйыны Бур Юӧрсӧ да ассиныт веритӧмнытӧ

Филипын оліссезлӧ 1:27 Mawu Ofanana

Матвей 12:25

Исусыс тӧдіс нылісь юраныс пыртӧмсӧ. Сэтчӧ Сія висьталіс: «Ӧксу кипод увтын олісь йӧзыс ӧтамӧдкӧт янсӧтчас кӧ да пондас тышкасьны, сія муыс кушамас. Карын али керкуын оліссес ӧтамӧдкӧт кӧ озӧ лӧсялӧ, сія карыс да керкуыс дыр озӧ сулалӧ.

Ап. керӧммез 2:46

Ӧтікӧ юрын видзӧмӧн быд лун ӧксьывлісӧ Вежа Керкуын. Горттэзын ӧтлаӧ ӧксьӧмӧн чеглавлісӧ нянь да сёйисӧ осьта гаж сьӧлӧмӧн.

Ап. керӧммез 24:24

Кынымкӧ лун бӧрті Феликсыс локтіс сэтчӧ аслас Друзилла инькӧт. Друзиллаыс вӧлі иудей увтырись. Феликсыс тшӧктіс вайӧтны Павелсӧ. Сія кывзіс Кристос Исуслӧ веритӧм йылісь висьтасьӧмсӧ.

Ап. керӧммез 4:32

Веритіссеслӧн быдӧнныслӧн сьӧлӧммезныс да ловвезныс вӧлісӧ ӧтлаасьӧмӧсь. Ассиныс пажытьсӧ нія эзӧ шуӧ асланысӧн, быдӧс вӧлі ӧтласа.

Римын оліссезлӧ 1:16

Меным абу рожа кулян висьтасьны Кристосыс йылісь Бур Юӧрсӧ. Бур Юӧрыс эд Енлӧн вын, мездӧ быд веритісь мортсӧ: медодз иудейесӧ, сэсся ─ быд кыв вылын баитісь отирсӧ.

Римын оліссезлӧ 1:5

Кристос пыр Еныс сетіс миянлӧ бурсетӧмсӧ да апостоллісь уджсӧ: мийӧ Кристос нимӧн быд кыв вылын баитісь йӧзсӧ вайӧтам веритӧмӧдз да Енсӧ кывзісьӧмӧдз.

Римын оліссезлӧ 1:9

Еныс тӧдӧ, ме пыр видза тіянӧс тӧдвылам. Сылӧ ме кысъяла. Быдсӧн лолӧс пукта Сы уджӧ, висьтася Ен Зон йылісь Бур Юӧрсӧ.

Римын оліссезлӧ 10:8

Мый шуӧ Вежа Гижӧтыс? ─ Кылыс матын тэ дынын, тэнат ӧмын, тэнат сьӧлӧмын. Эта кылыс ─ веритӧм йылісь юӧр. Мийӧ сійӧ висьтасям.

Римын оліссезлӧ 15:29

Ме тӧда: кӧр локта тіян дынӧ Бур Юӧрнас, Кристосыс бласлӧвитас тіянӧс тырмӧмви.

1 Коринфын оліссезлӧ 1:10

Воннэзӧ, миян Дӧсвидзись Кристос Исус нимӧн тшӧкта: олӧ баитчӧмӧн, эд торйӧтчӧ ӧтамӧд коласаныт. Ась ӧткодь мывкыд да ӧтмоза авйӧм ӧтлаӧтӧны тіянӧс.

1 Коринфын оліссезлӧ 15:58

Менам дона воннэзӧ, сідзкӧ, ёна сулалӧ, эд вӧрзьӧ. Дугдывтӧг керӧ Дӧсвидзисьлісь уджсӧ. Тӧдӧ, абу весись Дӧсвидзись понда керӧм уджныт.

2 Коринфын оліссезлӧ 13:11

Воннэзӧ, медбӧрын висьтала: пыр лоӧ гажаӧсь, вежсьӧ бурланьӧ, ӧтамӧднытӧ бурӧтӧ, ӧтамӧдныткӧт лӧсялӧ, олӧ лӧня. Сэк лӧньсӧ да радейтӧмсӧ сетісь Еныс оз коль тіянӧс.

2 Коринфын оліссезлӧ 4:4

Нія озӧ веритӧ. Му вылас ыждалісь кульыс нёрӧм нылісь вежӧрнысӧ, медбы нія эзӧ адззӧ Бур Юӧрлісь югдӧтӧмсӧ, кӧда осьтӧ Кристослісь югьялӧмсӧ. Кристосыс эд Асьнас мыччаліс миянлӧ Енсӧ.

2 Коринфын оліссезлӧ 9:13

Нія адззӧны тіянлісь отсасьӧмнытӧ да тіян понда ошкӧны Енсӧ. Тійӧ эд кывзісьӧмӧн олатӧ Кристослӧн Бур Юӧр сьӧрті. Сійӧ Юӧрсӧ тійӧ и висьтасят. Тійӧ уна отсасят вежа отирлӧ да и мӧдіккезлӧ. Эта понда нія ошкӧны Енсӧ

Галатияын оліссезлӧ 1:7

Да и видзӧтны кӧ, сія велӧтӧмыс абу мӧдік бур юӧр. Эмӧсь эд отир, кӧдна тіянӧс ӧштӧтӧны. Нія Кристосыс йылісь Бур Юӧрсӧ мӧдӧрӧ бергӧтӧны.

Ефесын оліссезлӧ 1:13

Сідз и тійӧ кыліт быль кывсӧ, мезмӧмныт йылісь Бур Юӧрсӧ, да пондіт Кристослӧ веритны. Эта йылісь висьталӧ тіянлӧ сетӧм пасыс ─ Вежа Лолыс. Сійӧ сетны Еныс одзжык ни эд вӧлі кӧсйӧм.

Ефесын оліссезлӧ 1:15

Меным кывсис Кристос Исуслӧ веритӧмныт йылісь да быдӧннысӧ вежа отирсӧ радейтӧмныт йылісь.

Ефесын оліссезлӧ 4:1

Ме, Дӧсвидзись понда пукалісь, кеймися тіянлӧ: олӧ сідз, кыдз колӧ овны Енлӧн корӧммезлӧ.

Филипын оліссезлӧ 1:5

Тійӧ эд одзза лунсянь ӧнӧдз отсалат нуӧтны Бур Юӧрсӧ.

Филипын оліссезлӧ 2:12

Менам донаэзӧ, тійӧ эд пыр кывзісит. Тійӧ менӧ кывзіситӧ, кӧр ме вӧлі тіянкӧт, а ӧні, кӧр ме абу тіянкӧт, буржыка кывзісят. Сідзкӧ, Енсис полӧмӧн тӧждісьӧ асланыт мезмӧм понда.

Филипын оліссезлӧ 2:24

Ме тӧда: Еныс отсӧтӧн чожа и ачым локта тіян дынӧ.

Филипын оліссезлӧ 3:18

Ме тіянлӧ одзжык унаэз йылісь баитлі ни. Ӧні ны йылісь баита синва пыр. Нія Кристослӧн крест вылын керӧмлӧ паныт лэбтісьӧны.

Филипын оліссезлӧ 3:20

Миян оланінным енӧжас. Сэтчинсянь мийӧ и видзчисям Мездӧтісьсӧ, миянлісь Дӧсвидзись Кристос Исуссӧ.

Филипын оліссезлӧ 4:1

Менам воннэзӧ, ме тіянӧс ёна радейта. Пыр видзчися тіянкӧт пантасьны. Тійӧ эд менам гажӧ да ошшасян юркытшӧ. Донаэзӧ, ёна видзсьӧ Дӧсвидзисьыс бердӧ!

Колосын оліссезлӧ 1:10

Мийӧ кеймам, медбы тіян оланныт вайис Енлӧ ошкӧм и быдӧс керит Сы сьӧрті. Кеймам, медбы бурсӧ керӧмнаныт вайит воӧм да буржыка пондіт тӧдны Енсӧ.

Колосын оліссезлӧ 1:4

Миянлӧ кывсис Кристос Исуслӧ тіян веритӧм йылісь да быдӧс вежа отирсӧ радейтӧмныт йылісь.

1 Фессалоникаын оліссезлӧ 3:6

Ӧні Тимофейыс бертіс тіян дынсянь. Сія миянлӧ вайис радейтӧмныт да веритӧмныт йылісь бур юӧр. Миянӧс пӧ тійӧ видзат тӧдвыланыт да миян моз ӧддьӧн мӧдат адззисьлыны миянкӧт.

1 Фессалоникаын оліссезлӧ 4:1

Воннэзӧ, миянсянь тійӧ тӧдат, кыдз колӧ овны Ен сьӧрті. Тійӧ сідз и олат. Но корам тіянӧс и кеймисям Кристос Исус нимӧн: вынсьӧтчӧ эшӧ буржыка овны Еныс сьӧрті.

1 Тимофейлӧ 1:11

Сія велӧтӧмыс ─ Енлӧн югьялӧм йылісь Бур Юӧр. Сійӧ Бур Юӧрсӧ висьтасьны менӧ ыстіс Еныс, Кӧдӧ пыр колӧ ошкыны.

1 Тимофейлӧ 1:19

Быдӧс кер ёна веритӧмӧн да ов сідз, медбы сьӧлӧмытлӧ нем вӧлі висьтавны умӧльсӧ. Мукӧдыс сьӧлӧмныслісь висьталӧмсӧ пуктісӧ абутӧм туйӧ, сійӧн нылӧн веритӧмныс косьмӧм шор моз ӧшис.

2 Тимофейлӧ 4:7

Ме бура песси, ассим олан туйӧс муні, веритӧмӧс эг ӧшты.

Титлӧ 2:10

Ась озӧ гусясьӧ, а быдӧсын мыччалӧны асьнысӧ надейнӧй отирӧн. Ны вылӧ видзӧттӧн отирыс ась адззӧны, кытшӧм бур велӧтӧмыс миян Мездӧтісь Енлӧн.

Филимонлӧ 1:5

Меным эд кывсис Дӧсвидзись Исуслӧ веритӧмыт йылісь да быдӧс вежа отирсӧ радейтӧмыт йылісь.

Яков 3:18

Отирсӧ ӧтамӧдкӧт бурӧтіссес-лӧньсьӧтіссес кӧдзӧны лӧнь оланлісь кӧдзыссӧ. Сэтісь воӧмыс ─ Ен сьӧрті веськыта олӧм.

2 Петра 3:11

Сідз кӧ быдӧс разьсяс, то кытшӧм вежа отирӧн да Енлӧ юрбитіссезӧн сэк тіянлӧ колӧ лоны?

2 Петра 3:14

Сідзкӧ, донаэзӧ, видзчисьӧмныт коста вынсьӧтчӧ Сы одзӧ локны сӧстӧмӧсь, медбы тіян сайын эз ло некытшӧм умӧль керӧм, а сьӧлӧм выланыт вӧлі лӧнь.

Иуда 1:3

Донаэзӧ! Ме ӧддьӧн мӧді гижны миян ӧтлаын мезмӧмным йылісь. Но шуи, коланажык лоас, велӧта кӧ тіянӧс дорйыны веритӧмнытӧ. Сійӧ Еныс ӧтпыр сетӧм вӧлі вежа отирлӧ.