Филипын оліссезлӧ 1:10 - Бур Юӧр 2019

¹⁰ Кристослӧн бертан лунӧ сэк буржыксӧ тӧдӧмсянь тійӧ лоат сӧстӧмӧсь. Сэк некин оз вермы висьтавны тіян йылісь умӧльсӧ.

Филипын оліссезлӧ 1:10 Mawu Ofanana

Матвей 16:23

Петралань бергӧтчӧмӧн Исусыс шуис: «Вешшы Ме дынісь, сотана! Тэ Менӧ ылӧтан! Тэнат юрат пыртӧмыт мортлӧн, абу Енлӧн».

Матвей 26:33

Петраыс Сылӧ шуис: «Быдӧнныс кӧ Тэнӧ колясӧ, ме ог коль».

Иоан 1:47

Исусыс казяліс Сы дынӧ локтісь Нафанаилсӧ да висьталіс: «Эта былись Израились морт, оз ылӧтлы».

Иоан 3:20

Быд лёк керисьлӧ син вылӧ оз ков югытыс. Сія оз лок югытас, медбы сы лёк керӧм йылісь эзӧ пондӧ тӧдны.

Ап. керӧммез 24:16

Сійӧн Ен да отир одзын ме пыр вынсьӧтча овны сӧстӧм сьӧлӧмӧн.

Римын оліссезлӧ 12:2

Эдӧ олӧ ӧння кадӧ оліссез моз. Вежсьӧ, мывкыднытӧ вильмӧтӧ. Сэк пондат тӧдны, мый Еныслӧ колӧ тіянсянь. Тійӧ вежӧртат, мый туйӧ керны, мый Сы сьӧрті да быдсӧн бур.

Римын оліссезлӧ 12:9

Радейтӧмныт ась оз ло дзир мыччалӧм могись. Умӧльсӧ керӧм дынісь бергӧтчӧ, кутчисьӧ бурыс бердӧ.

Римын оліссезлӧ 16:17

Кеймися тіян одзын. Воннэзӧ, видзӧтлӧ вичкусӧ янсӧтліссез, ылӧтліссез сьӧрын. Нія эд отирсӧ кежӧтӧны веритӧмсис. Ны дынсянь видзсьӧ ылынжыка.

Римын оліссезлӧ 2:18

Тӧдан, кыдз керны Еныс сьӧрті, оланын кужан бӧрйыны буржыксӧ. Этаӧ тэ велалін Туйдӧтісь тшӧктӧммезсянь.

Римын оліссезлӧ 7:16

Кера кӧ сійӧ, мый ог бы кер, сэк ме вежӧрта: Туйдӧтыс бур.

Римын оліссезлӧ 7:22

Ме адзза: Енлӧн Туйдӧтсянь сьӧлӧм вылам долыт.

Римын оліссезлӧ 8:7

Умӧльсӧ керан вывтыр сьӧрті юрӧ пыртӧмыс ─ Ен вылӧ лэбтісьӧм. Сэтшӧмсӧ юрӧ пыртіссес озӧ олӧ Ен Туйдӧт сьӧрті да и озӧ вермӧ.

1 Коринфын оліссезлӧ 1:8

Еныс вынсьӧтас тіянӧс видзсьыны медбӧрӧдз, медбы миян Дӧсвидзись Кристос Исуслӧн локтан Лунӧ тіян эз вӧв ӧтік умӧль керӧм.

1 Коринфын оліссезлӧ 10:32

Тіян керӧмсянь ась озӧ падмӧ иудейес, мӧдік отир да и Кристос отирыс.

1 Коринфын оліссезлӧ 8:13

Сійӧн, менам сёянӧ вайӧтӧ кӧ вонӧс ылалӧмӧдз, ог понды сёйны яйсӧ, медбы вонӧ эз ылав.

2 Коринфын оліссезлӧ 1:12

Миян сьӧлӧммезным висьталӧны: мийӧ асьнымӧс эгӧ лэбтӧ. Быд морткӧт мийӧ вӧлім осьта сьӧлӧмаӧсь, ӧддьӧнжык тіянкӧт. Миян ладорсянь умӧльыс нем эз вӧв. Сійӧн мийӧ вермам ошшасьны. Асланым морт мывкыдсянь нем эгӧ керӧ, миянӧс туйдӧтіс Еныслӧн бурсетӧмыс.

2 Коринфын оліссезлӧ 2:17

Мӧддэс моз мийӧ огӧ вузасьӧ Еныс Кылӧн. Мийӧ сьӧлӧмсянь висьтасям Кывсӧ, кыдз Еныссянь. Быдӧс керам Еныс одзын Кристосыскӧт ӧтлаын.

2 Коринфын оліссезлӧ 6:3

Мийӧ некинӧс немӧн огӧ падмӧтӧ, медбы миян удж йылісь нем вӧлі висьтавны умӧльсӧ.

2 Коринфын оліссезлӧ 8:8

Этадз баитӧмӧ абу тшӧктӧм. Ме тіянлӧ висьтася мӧдіккезлӧн быд вынісь отсасьӧм йылісь, медбы тӧдмавны-видзӧтны, сьӧлӧмсянь я тійӧ радейтат.

Галатияын оліссезлӧ 5:11

Воннэзӧ, ме бы вундыштыштӧмыс дор вӧлі кӧ, менӧ бы сэк эзӧ вашӧтлӧ? Ме кӧбы эг висьтась крестыс йылісь, сэк некин бы эз лӧгасьлы.

Ефесын оліссезлӧ 4:15

Но мийӧ радейтӧмӧн пондам висьтасьны быльсӧ. Сэк асьным зорамам да пондам вачкисьны Кристосыс вылӧ. Сія эд Юрыс,

Ефесын оліссезлӧ 5:10

Тӧдмалӧ-видзӧтӧ да вежӧртӧ, мый Еныс сьӧрті.

Ефесын оліссезлӧ 5:27

Кристосыс сідз керис, медбы Вичкусӧ вайӧтны одзас быд ладорсянь югьяланаӧн, медбы сы вылын эз вӧв ӧтік нятёк, кытшӧмкӧ чукыр али мыйкӧ мӧдік. Сія ась лоӧ вежаӧн, медбы нем умӧльыс эз вӧв сы сайын.

Ефесын оліссезлӧ 6:24

Еныслӧн бурсетӧмыс ась лоас быдӧнныскӧт, кӧдна дугдывтӧг радейтӧны миянлісь Дӧсвидзись Кристос Исуссӧ. Аминь.

Филипын оліссезлӧ 1:16

Асьнысӧ лэбтӧм кузя нія озӧ висьтасьӧ Кристосыс йылісь сӧстӧм сьӧлӧмсянь. Нія содтӧны бы меным пукалікам тӧждісьӧмсӧ.

Филипын оліссезлӧ 1:6

Ме бура тӧда: тіян пытшкын бур уджсӧ Пондӧтісьыс пондас сійӧ керны медбӧрӧдз, Кристос Исуслӧн бертан лунӧдз.

Филипын оліссезлӧ 2:16

Тійӧ видзсят олан сетан Кыв бердӧ. Сійӧн ме понда ошшасьны Кристослӧн локтан лунӧ: ме ассим олан туйӧс эг мун весись, эг весись мырсьы.

1 Фессалоникаын оліссезлӧ 3:13

Сія ась вынсьӧтас тіянлісь сьӧлӧммезнытӧ, медбы вӧліт сӧстӧммезӧн да вежаэзӧн Ен Айным одзын, кӧр миян Дӧсвидзись Кристос Исусным локтас быдӧс вежаэскӧт. Аминь.

1 Фессалоникаын оліссезлӧ 5:21

Быдӧс тӧдмалӧ-видзӧтӧ, бурыс бердӧ видзсьӧ.

1 Фессалоникаын оліссезлӧ 5:23

Лӧньсӧ сетісь Еныс ась керас тіянӧс быдсӧн вежаэзӧн. Дӧсвидзись Кристос Исусным локтік кежӧ ась видзас тіянӧс сӧстӧммезӧн: и ловнытӧ, и оланнытӧ, и вывтырнытӧ.

1 Иоан 4:1

Донаэзӧ, быд ловлӧ эд веритӧ. Ловвесӧ тӧдмалӧ-видзӧтӧ, Енсянь я нія. Му вылас уна лоисӧ асьнысӧ Енсянь юӧртіссезӧ пуктіссес.

Осьтӧм 2:2

Ме тӧда тэнчит керӧмтӧ, тэнчит уджтӧ, тэнчит мылатӧ. Тэ он вермы видзӧтны лёк кериссес вылӧ. Тэ тӧдмалін-видзӧтін асьнысӧ апостоллэзӧн шуиссесӧ. Тэ казялін, нія абу апостоллэз, нія ─ бӧбӧтчиссез.