Филипын оліссезлӧ 1:1 - Бур Юӧр 2019

¹ Гижӧтыс Павелсянь да Тимофейсянь, Кристос Исуслӧн раббезсянь. Ыстам Филип карын оліссезлӧ, Кристослӧн быдӧс вежа отирлӧ, вичкуын веськӧтліссезлӧ да нылӧн отсасиссезлӧ.

Филипын оліссезлӧ 1:1 Mawu Ofanana

Марк 13:34

Сія кадыс кыдз морт, кӧда петӧ туйӧ, ассис керкусӧ кольӧ раббез киӧ. Быдыслӧ сетӧ удж, а ыбӧс сьӧрын видзӧтісьлӧ оз тшӧкты и син куньны.

Иоан 12:26

Меным кысъялісьыс ась локтӧ Ме сьӧрӧ. Кытӧн Ме лоа, сэтӧн лоас и кысъялісьӧ. И Меным кысъялісьсӧ Айӧ бурӧ пуктас.

Ап. керӧммез 1:20

Псалтырын гижӧм: Сылӧн оланіныс ась кушамӧ, ась оз ло сэтӧн олісьыс. Гижӧм и сідз: Сылісь уджсӧ ась босьтӧ мӧдік.

Ап. керӧммез 20:28

Сідзкӧ, видзсьӧ асьныт да баляэз сьӧрын видзӧтіссез моз тӧждісьӧ веритіссес понда. Вежа Лолыс эд сувтӧтіс тіянӧс видзӧтны веритіссес сьӧрын ─ Дӧсвидзись Енлӧн вичку сьӧрын, кӧда понда Сія вештісис Аслас вирӧн.

Ап. керӧммез 9:13

Ананийыс висьталіс: «Дӧсвидзисьӧ! Унасянь ме кывлі сія морт йылісь. Ерусалимын Тэнат вежа отирлӧ сія керис уна лёксӧ.

Римын оліссезлӧ 1:1

Гижӧ Павел, Кристос Исуслӧн раб. Менӧ бӧрйис Еныс. Сія сувтӧтіс менӧ нуӧтны апостоллісь удж ─ юӧртны отирлӧ Ассис Бур Юӧрсӧ.

Римын оліссезлӧ 1:7

Гижа Римын оліссезлӧ, Енлӧн дона отирлӧ. Тійӧ ─ Сылӧн бӧрйӧм вежа отир. Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

1 Коринфын оліссезлӧ 16:10

Локтас кӧ тіян дынӧ Тимофейыс, сы сьӧрын видзӧтӧ, медбы некин сылӧ умӧльсӧ эз кер. Сія эд ме моз керӧ Дӧсвидзисьыслісь уджсӧ.

2 Коринфын оліссезлӧ 1:1

Гижӧ Павел, Кристос Исуслӧн апостол. Еныслӧ вӧлі колӧм сувтӧтны менӧ керны апостоллісь уджсӧ. Тимофей вонӧкӧт гижам Коринфӧ Енлӧн вичкулӧ да Акаияись быдӧс вежа отирлӧ.

Галатияын оліссезлӧ 1:10

Кинсянь ме видзчися ошкӧмсӧ: отирсянь али Енсянь? Поди, вынсьӧтча керны отирыс сьӧрті? Ӧнӧдз кери бы ме отирыс сьӧрті кӧ, сэк эг бы вӧв Кристослӧн раб.

Галатияын оліссезлӧ 3:26

Кристос Исуслӧ веритӧмныт понда тійӧ быдӧнныт лоитӧ Енлӧн челядьӧн.

Галатияын оліссезлӧ 3:28

Кристос Исускӧт ӧтлаасьӧммеслӧн абу иудей да мӧдік отир, абу раб да не раб, абу инь да ай морт. Ӧні тійӧ быдӧнныт ─ ӧтік вывтыр!

Ефесын оліссезлӧ 1:1

Гижӧ Павел, Кристос Исуслӧн апостол. Апостоллісь уджсӧ керны Еныслӧ вӧлі колӧм менӧ сувтӧтны. Гижа Ефесісь вежа отирлӧ, Кристос Исуслӧ веритіссезлӧ.

Ефесын оліссезлӧ 1:15

Меным кывсис Кристос Исуслӧ веритӧмныт йылісь да быдӧннысӧ вежа отирсӧ радейтӧмныт йылісь.

Ефесын оліссезлӧ 6:24

Еныслӧн бурсетӧмыс ась лоас быдӧнныскӧт, кӧдна дугдывтӧг радейтӧны миянлісь Дӧсвидзись Кристос Исуссӧ. Аминь.

Филипын оліссезлӧ 2:19

Дӧсвидзись Исус отсӧтӧн ме лӧсьӧтча чожа ыстыны тіян дынӧ Тимофейсӧ. Сія меным висьтасяс тіян олӧм йылісь, и менам сьӧлӧмӧ бурмас.

Филипын оліссезлӧ 2:5

Авйӧ да керӧ Кристос Исусыс моз.

Филипын оліссезлӧ 3:12

Ог шу этадз: «Ме локті ни коланаӧдззас да лои быдсӧн бурӧн». Дзир вынсьӧтча мунны одзлань, медбы локны сэтчӧдз, менӧ эд корис Кристос Исусыс.

Филипын оліссезлӧ 3:3

Былись вундыштыштӧммес ─ этӧ мийӧ: копрасям Еныслӧ, кыдз велӧтӧ миянӧс Сылӧн Лолыс. Ошшасям Кристос Исусӧн, огӧ надейтчӧ ас выланым.

Филипын оліссезлӧ 3:8

Менам Дӧсвидзисьыс ─ Кристос Исус. Сійӧ тӧдӧм понда быдӧс пукта абутӧм туйӧ. Сы понда ме быдӧс коли. Быдӧс мӧдіксӧ ме пукті ёг туйӧ, медбы Кристосыс вӧлі мекӧт,

1 Фессалоникаын оліссезлӧ 1:1

Мийӧ ─ Павел, Силуан да Тимофей ─ гижамӧ Фессалоникаӧ Ен Айлӧн да Дӧсвидзись Кристос Исуслӧн вичкулӧ. Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

1 Фессалоникаын оліссезлӧ 2:2

Тіян дынӧ локтытӧдз Филип карас уна сьӧкытыс усис миян вылӧ: миянӧс вартлісӧ, умӧльтісӧ. Но мийӧ эгӧ повзьӧ отир лэбтісьӧмись. Еныс отсӧтӧн мийӧ повтӧг висьтасим тіянлӧ Сылісь Бур Юӧрсӧ.

2 Фессалоникаын оліссезлӧ 1:1

Мийӧ, Павел, Силуан да Тимофей, гижамӧ Фессалоникаӧ Ен Айнымлӧн да Дӧсвидзись Кристос Исуслӧн вичкулӧ.

2 Фессалоникаын оліссезлӧ 1:10

Эта лоас Дӧсвидзисьлӧн локтан Лунӧ. Сэк Сылӧн быдӧс вежа отирыс пондасӧ ошкыны Сійӧ. Веритіссес быдӧнныс пондасӧ дивуйтчыны Сы одзын. И тійӧ лоат ны коласын, тійӧ эд веритіт миян висьтасьӧмӧ.

1 Тимофейлӧ 1:2

Гижа Тимофейлӧ. Тэ меным веритӧмным кузя былись зон туйӧ. Ен Айным да Дӧсвидзись Кристос Исусным ась козьналасӧ тэныт небыт сьӧлӧмсянь бурсетӧмсӧ да лӧнь олансӧ.

1 Тимофейлӧ 3:8

Сідз и вичкуын отсасиссэзнас колӧ бӧрйыны сэтшӧм отирӧс, кӧдна озӧ ылӧтлӧ, баитӧны веськыта, озӧ юӧ, озӧ горшалӧ.

Титлӧ 1:1

Гижӧ Павел, Енлӧн раб, Кристос Исуслӧн апостол. Ме сувтӧтӧм вынсьӧтны Енлӧн бӧрйӧммеслісь веритӧмнысӧ, отсавны вежӧртны Еныслісь быльсӧ, медбы нія олісӧ Енлӧ юрбитӧмӧн.

Титлӧ 1:7

Вичкуын веськӧтлісь ─ Енлӧн уджалісь. Сідзкӧ, колӧ, медбы сы йылісь некин эз вермы висьтавны ӧтік умӧль керӧм. Сылӧ колӧ лоны сэтшӧмӧн: абу асныра, оз лӧгав, оз кодав, оз тышкась, оз горшась.

Филимонлӧ 1:1

Гижӧ Павел, Кристос Исус понда пукалісь. Тимофей вонӧкӧт гижам дона Филимонлӧ, миянкӧт уджалісьлӧ.

Еврейезлӧ 13:23

Тӧдӧ: миянлісь Тимофей воннымӧс лэдзисӧ. Сія чожа кӧ локтас татчӧ, сэк ме ӧтлаын сыкӧт локта тіян дынӧ.

Яков 1:1

Гижӧ Яков, Енлӧн да Дӧсвидзись Кристос Исуслӧн раб. Гижӧтӧс ыста му пасьта отир коласӧ янсалӧм даскык иудей увтырлӧ. Лӧнь олан тіянлӧ!

1 Петра 2:25

Тійӧ вӧліт ӧшӧм баляэз кодьӧсь. Ӧні бертіт тіян сьӧрын Видзӧтісь дынӧ, тіянлісь ловнытӧ Видзись дынӧ.

2 Петра 1:1

Гижӧ Симон-Петра, Кристос Исуслӧн апостол да раб. Гижӧмӧс ыста тіянлӧ, дона веритӧмсӧ миян моз сьӧлӧманыт босьтіссезлӧ. Веритӧмыс миянлӧ вӧлі сетӧм Ен да Мездӧтісь Кристос Исуснымлӧн веськыта керӧмсянь.

Иуда 1:1

Гижӧ Иуда, Кристос Исуслӧн раб, Яковлӧн вон. Гижӧмӧс ыста Енлӧн корӧммезлӧ. Ен Айным керис тіянӧс вежа отирӧн, а Кристос Исусыс видзӧ тіянӧс.

Осьтӧм 1:1

Эта гижӧтын Еныслӧн Кристос Исуслӧ осьтӧмыс. Кристосыслӧ коліс мыччавны Аслас раббезлӧ, мый чожа лоас. Кристосыс Ассис ангелсӧ ыстӧм мыччавны сійӧ осьтӧмсӧ Аслас Иоан раблӧ.

Осьтӧм 1:20

Тэ адззылін менам веськыт киись сизим кӧдзув, адззылін и зарниись сизим бивидзан. Ныын тӧдлытӧмыс то мый: сизим кӧдзулыс ─ сизим вичкулӧн ангеллэс, сизим бивидзаныс ─ сизим вичку».

Осьтӧм 19:10

Сэк ме уськӧтчи сылӧ коккезас копыртчыны. Сія меным висьталіс: «Видзӧт, эн кер сідз! Ме эд Енлӧн уджалісь, кыдз тэ да тэнат воннэт, кӧдна висьтасьӧны Исусыс йылісь. Еныслӧ копыртчы! Исусыс йылісь висьтасиссес эд баитӧны Енсянь юӧртан Ловсянь».

Осьтӧм 2:12

«Пергам вичкуись ангелыслӧ гиж: ─ Сідз баитӧ Сія, Кӧдалӧн шыпуртыс ӧтмӧдӧрсянь лэчыт.

Осьтӧм 2:8

«Смирна вичкуись ангелыслӧ гиж: ─ Сідз висьталӧ Медодззаыс да Медбӧрьяыс, Кӧда вӧлі кулӧм, а ӧні олӧ.

Осьтӧм 22:9

Сія тай шуис меным: «Эн кер сідз. Ме тіян кодь Енлӧ кысъялісь: тэ кодь, Енсянь юӧртісь воннэт кодь, да ны кодь, кӧдна олӧны эта небӧгын гижӧм сьӧрті. Еныслӧ копыртчы».