Ап. керӧммез 9:39 - Бур Юӧр 2019

³⁹ Петраыс лӧсьӧтчис да муніс ныкӧт. Локтӧм бӧрын сійӧ пыртісӧ вылісь жырас. Сэтӧн сы гӧгӧрӧ ӧксисӧ горзісь дӧваэз. Нія мыччалісӧ паськӧммез, кӧдӧ Тавифаыс вурлӧм ныкӧт овтӧн.

Ап. керӧммез 9:39 Mawu Ofanana

1 Фессалоникаын оліссезлӧ 1:3

Ен Айным одзын мийӧ пыр касьтывлам тіянлісь веритӧмсянь керӧмнытӧ, радейтӧмсянь уджалӧмнытӧ да мыла быртӧг миян Дӧсвидзись Кристос Исус вылӧ надейтчӧмнытӧ.

Ефесын оліссезлӧ 4:28

Кин гусясис, сэсся эн гусясь. Буржык эд, пондан кӧ уджавны, аслат киэзӧн керны бурсӧ, медбы и мӧдіккезлӧ вермин отсавны.

1 Иоан 3:18

Менам челядьӧ! Пондам радейтны быльыс сьӧрті да асланым керӧммезӧн, а не дзир кывнаным баитӧмӧн.

1 Фессалоникаын оліссезлӧ 4:13

Воннэзӧ, ог коль тіянлӧ висьтавтӧг кулӧммес йылісь, медбы тійӧ эдӧ тӧждісьӧ Енлӧ вериттӧм отир моз. Нылӧ эд нем бурсӧ видзчисьны.

2 Коринфын оліссезлӧ 8:12

Мортыс отсасьӧ сьӧлӧмсянь. Сія сетӧ, мый сылӧн эм, сетӧмсӧ босьтӧны. А мый сылӧн абу, сія оз вермы сетны.

Ап. керӧммез 20:35

Быдӧсын ме тіянлӧ мыччалі, кыдз колӧ уджавны да отсавны вынтӧммеслӧ. Тӧдвыланыт видзӧ Дӧсвидзись Исуслісь кыввесӧ. Сія эд Ачыс висьталіс: сетавны босьтӧмысся буржык».

Ап. керӧммез 9:41

Петраыс сылӧ сетіс кисӧ да чеччӧтіс. Сэсся сія корис сэтчӧ дӧваэсӧ да мӧд веритіссесӧ, ны одзӧ сувтӧтіс ловья Тавифасӧ.

Ап. керӧммез 8:2

Енлӧ юрбитісь отир Стефансӧ дзебисӧ. Сы понда нія ӧддьӧн горзісӧ.

Ап. керӧммез 6:1

Апостоллэз гӧгӧр лунісь лунӧ содіс уна велӧтчись. Сэк грек кыв вылын баитісь иудейез пондісӧ норасьны еврей кыв вылын баитісь иудейез вылӧ, дӧваэзныслӧ пӧ быд лунся коланасӧ етшажык сетавлӧны.

Иоан 17:12

Му вылас ӧтлаын ныкӧт овтӧн Ме видзи нійӧ Тэнат ним понда. Меным сетӧммет коласісь некин эз ӧш, дзир сія, кӧдалӧ коліс ӧшны. Керсис Вежа Гижӧтын висьталӧм сьӧрті.

Иоан 12:8

Кориссес пыр тіянкӧт, а Ме тіянкӧт ог пыр ло».

Лука 24:44

Нылӧ висьталіс: «Ӧні керсис сія, мый Ме баитлі, кӧр вӧлі тіянкӧт. Ме йылісь мый гижӧм Моисейлӧн Туйдӧтын, Енсянь юӧртіссез гижӧттэзын да псаломмезын, сія, мыся, быдӧс керсяс».

Марк 14:8

Инькаыс керис, мый вермис: сія вывтырӧс мавтіс Менӧ дзебик кежӧ.

Матвей 26:11

Кориссес тіянкӧт пыр лоасӧ, а Ме тіянкӧт пыр ог ло.

Матвей 17:17

Сэк Исусыс шуис: «Вериттӧм, лэдзчисьӧм отир! Дыр я Меным овны тіянкӧт? Дыр я Меным тіян вылӧ видзӧтны? Вайӧтӧ зонкасӧ Ме дынӧ!»

Ап. керӧммез 1:13

Локтӧм бӧрас нія ӧтлаын пырисӧ керкуӧ вылісь жырӧ да сэтчӧ кольччисӧ. Сэтӧн вӧлісӧ Петра да Яков, Иоан да Ӧндрей, Филип да Фома, Варфоломей да Матвей, Алфейлӧн Яков да Зилот Симон, да Яковлӧн Иуда воныс.

1 Тимофейлӧ 5:3

Отсав дӧваэслӧ, кӧдна ӧтнаныс олӧны.

1 Тимофейлӧ 5:5

Чунь ӧтнас кольччӧм дӧваыс отсӧтсӧ видзчисьӧ Енсянь. Сія лун и ой кеймӧ да кеймисьӧ Еныслӧ.