Ап. керӧммез 9:31 - Бур Юӧр 2019

³¹ Иудея, Самария да Галилея муэз пасьта вичкуэзлӧн вӧлі лӧнь кад. Нія олісӧ Дӧсвидзисьсис полӧмӧн да вынсялісӧ. Вежа Лов ӧзйӧтӧмсянь вичкуэс содісӧ-паськалісӧ.

Ап. керӧммез 9:31 Mawu Ofanana

Римын оліссезлӧ 5:5

Мийӧ огӧ видзчисьӧ бурсӧ весись. Еныс эд сетіс миянлӧ Вежа Ловсӧ да Сы пыр кисьтіс миян сьӧлӧммезӧ Ассис радейтӧмсӧ.

Римын оліссезлӧ 15:13

Надея сетісь Еныс ась тыртас тіянӧс веритӧмныт пыр быдкодь гажнас да лӧньнас. Вежа Лолыс вынӧн Сія ась вынсьӧтӧ тіянлісь надейтчӧмнытӧ.

Ап. керӧммез 8:1

Савлыс вӧлі Стефансӧ вийиссез дор. Нія луннэзӧ Ерусалимас ёна пондісӧ дзескӧтлыны-вашӧтлыны веритіссесӧ. Веритіссес быдӧнныс мунісӧ-рознитчисӧ Самария да Иудея муэзӧ. Ерусалимас кольччисӧ дзир апостоллэс.

Ефесын оліссезлӧ 4:12

Нійӧ сувтӧтіс зорӧтны вежа отирсӧ, керны Еныслісь уджсӧ, вынсьӧтны Кристослісь Вывтырсӧ, Вичкусӧ.

2 Коринфын оліссезлӧ 13:10

Ме сійӧн и гижа тіянлӧ локтытӧдззам, медбы эз ков тіянкӧт чорыта баитны, кӧр локта. Менӧ эд Дӧсвидзисьыс сувтӧтіс Ассис уджсӧ керны. Эз сувтӧт разьны, сувтӧтіс вынсьӧтны-лэбтыны.

2 Коринфын оліссезлӧ 10:8

Меным эз бы вӧв рожа кулян, кӧбы понді ошшасьны миянлӧ сетӧм юралан вынӧн. Сійӧ юралан вынсӧ миянлӧ сетіс Дӧсвидзисьыс, медбы тіянӧс вынсьӧтны, а не разьны.

2 Коринфын оліссезлӧ 7:1

Донаэзӧ, сымда бурсӧ Еныс кӧсйӧм миянлӧ сетны! Сідзкӧ, дзимлялам быдӧс, мый сэрпӧсьтӧ вывтырнымӧс да ловнымӧс. Пондам овны Енсис полӧмӧн, медбы миян оланным быдсӧн вӧлі вежа.

Ап. керӧммез 16:5

Вичкуэс вынсялісӧ веритӧмас. Веритіссес быд лун содісӧ.

Ап. керӧммез 12:24

А Енлӧн кылыс вынсяліс да паськаліс.

Ап. керӧммез 6:7

Енлӧн Кылыс паськаліс. Ерусалимас лоис унася-уна велӧтчись. Нельки вежауджаліссес коласісь унаӧн пондісӧ веритны Кристосыслӧ.

Иуда 1:20

Донаэзӧ, тійӧ кеймиканыт ӧтлаасьӧ Вежа Лолыскӧт, вежа веритӧмас асьнытӧ вынсьӧтӧ!

Еврейезлӧ 4:9

Сійӧн Енлӧн отирыс пырасӧ шоччисянінас бӧрынжык.

1 Тимофейлӧ 1:4

да эзӧ чулӧтӧ весись кадсӧ абутӧмыс йылісь баитӧмнаныс, орӧттӧг эзӧ бӧрйисьӧ чужан вужжезас. Сэтісь лэбтісьӧ уна етшасьӧм. Сія оз отсав керны Еныслісь уджсӧ, кӧдӧ позьӧ керны дзир веритӧмӧн.

1 Фессалоникаын оліссезлӧ 5:11

Сійӧн ӧтамӧднытӧ ӧзйӧтӧ-туйдӧтӧ да вынсьӧтӧ. Тійӧ эд сідз и керат.

Колосын оліссезлӧ 1:10

Мийӧ кеймам, медбы тіян оланныт вайис Енлӧ ошкӧм и быдӧс керит Сы сьӧрті. Кеймам, медбы бурсӧ керӧмнаныт вайит воӧм да буржыка пондіт тӧдны Енсӧ.

Филипын оліссезлӧ 2:1

Кристосыс тіянӧс вынсьӧтӧ, а Сылӧн радейтӧмыс бурӧтӧ, Вежа Лолыс тіянӧс ӧтлаӧтӧ. Тійӧ отсасят да тӧждісят ӧтамӧдныт понда.

Ефесын оліссезлӧ 5:21

Енсис полӧмӧн кывзісьӧ ӧтамӧднытӧ.

Ефесын оліссезлӧ 4:29

Некытшӧм умӧль баитӧм ась оз пет тіян ӧмись. Баитӧ дзир бурӧ, медбы кывзісьсӧ вынсьӧтны веритӧмас да сылӧ бур вӧлі.

Ефесын оліссезлӧ 4:16

видзӧ вывтырсӧ. Сія вывтырсис быд торсӧ ӧтлаӧтӧ быдпӧлӧс сӧннэзӧн. Вывтырын быд торлӧн аслас удж. Сідз вывтырыс быдмӧ да вынсялӧ радейтӧмас.

2 Коринфын оліссезлӧ 12:19

Эдӧ я юраныт пыртӧ, мийӧ асьнымӧс дорьямӧ пӧ тіян одзын? Мийӧ, Кристоскӧт ӧтлаасьӧммес, висьталам Ен одзын: донаэзӧ, этӧ быдӧс керим, медбы тіянӧс вынсьӧтны.

1 Коринфын оліссезлӧ 14:26

Воннэзӧ, мый шуа сэтчӧ? Ӧксьӧмныт коста быдыс тіян коласісь вермӧ мыйкӧ керны: ӧтік ─ сьывны, мӧдік ─ велӧтны, кинкӧ Енлісь осьтӧм висьтавны, кинкӧ мӧдік кыввез вылын баитны, кинкӧ вежӧртӧ вуджӧтны сылісь баитӧмсӧ. Ась тіян эта быдӧс лоӧ ӧксьӧммесӧ вынсьӧтӧм могись.

1 Коринфын оліссезлӧ 14:12

Тійӧ Лолыслісь ӧддьӧн корат верман-кужан козиннэсӧ. Сідзкӧ, корӧ сэтшӧммезӧ, медбы вермит вичкусӧ вынсьӧтны.

Римын оліссезлӧ 14:19

Сідзкӧ, пондам кошшыны сійӧ, мый вайӧтӧ ас коласаным лӧсявны да ӧтамӧднымӧс вынсьӧтны.

Римын оліссезлӧ 14:17

Енлӧн Юралӧмыс эд абу сёян да юан. Сія эд Вежа Ловсянь Ен сьӧрті веськыта олӧм, лӧнь да гаж.

Ап. керӧммез 2:47

Нія ошкисӧ Енсӧ. Отирыс нійӧ радейтісӧ. Дӧсвидзисьыс быд лун мездӧтіс отирсӧ, и веритіссес содісӧ.

Ап. керӧммез 5:11

Веритіссес да кинлӧ кывсис, быдӧнныс ӧддьӧн повзисӧ.

Ап. керӧммез 20:32

Ӧні ме сета тіянӧс Ен киэзӧ да Енсянь бурсетӧм Кылыслӧ. Сія Кылыс тіянӧс вермас буржыка велӧтны. Быдӧс вежа отиркӧт ӧтлаын и тіянлӧ сетас кӧсйӧмсӧ.