Ап. керӧммез 9:2 - Бур Юӧр 2019

² Сылісь корис гижӧттэз Дамаскын синагогаэзӧ, медбы сэтчинісь вермис кошшыны Исуслӧн велӧтӧм сьӧрті оліссесӧ. Адззас кӧ сэтшӧммесӧ, ай морт, инька я, нійӧ быдӧннысӧ кӧрталӧмӧн лӧсьӧтчис вайӧтны Ерусалимӧ.

Ап. керӧммез 9:2 Mawu Ofanana

Матвей 10:17

Отиркӧт видзсьӧ видзӧтчӧмӧн: нія тіянӧс пондасӧ вайӧтны судитаніннэзӧ, синагогаэзын тіянӧс пондасӧ вартлыны.

Иоан 14:6

Исусыс сылӧ висьталіс: «Ме ─ туйыс, быльыс да оланыс. Дзир Ме пыр позьӧ локны Айӧ дынӧ, абу мӧдік туй.

Ап. керӧммез 18:25

Аполлосыс вӧлі велӧтӧм Дӧсвидзисьлӧн Туй сьӧрті. Сія ловсӧ пуктіс висьтасьны Дӧсвидзисьыс йылісь, баитіс да велӧтіс бура, а пыртӧмсӧ тӧдіс дзир Иоанлісь.

Ап. керӧммез 19:23

Сія кадӧ Дӧсвидзисьлӧн Туй велӧтӧмыс кузя ыджыт зык лэбтісис Ефес карын.

Ап. керӧммез 19:9

Мукӧдыс чорзьӧтісӧ сьӧлӧммезнысӧ да эзӧ веритӧ. Быдӧнныс одзын умӧль кыввезӧн видісӧ Дӧсвидзисьлӧн Туй йылісь велӧтӧмсӧ. Сэк Павелыс велӧтчиссескӧт ны дынісь муніс. Сэксянь сія быд лун баитіс-велӧтіс Тиранлӧн велӧтанінын.

Ап. керӧммез 24:14

Велӧтӧмыс йылісь тэныт веськыта висьтала. Нія велӧтӧмсӧ шуӧны, абу пӧ сія Енсянь. А ме былись кысъяла миян айезлӧн Енлӧ. Моисейлӧн Туйдӧтын да Енсянь юӧртіссезлӧн гижӧттэзын быдӧс гижӧмлӧ верита.

Ап. керӧммез 24:22

Феликсыс бура тӧдіс Дӧсвидзисьлӧн Туй йылісь велӧтӧмсӧ. Быдӧс кывзӧм бӧрын сія Павелкӧт бӧрйисьӧмсӧ падмӧтіс да висьталіс: «Локтас Лисий сюрсӧн веськӧтлісь, сэк вӧлись висьтала ассим кылӧс».

Ап. керӧммез 26:10

Ерусалимын ме сійӧ и кери. Аркирейез тшӧктӧм сьӧрті ме Исус сьӧрті оліссесӧ унаӧс пуксьӧті. Нійӧ вийиссескӧт ме вӧлі ӧтдор.

Ап. керӧммез 26:12

Аркирейез тшӧктӧм сьӧрті ме сы понда иньдӧтчи Дамаскӧ.

Ап. керӧммез 6:9

Киринеяись да Александрияись сідз шусяна «мезмӧм раббезлӧн синагогаись» киннэзкӧ, эшӧ Киликияись да Асияись локтӧм иудейес пондісӧ Стефаныскӧт етшасьны.

Ап. керӧммез 7:19

Сія дзескӧтлӧм айезнымӧс, миян увтырлӧ быдмоза ылӧтлӧмӧн керӧм умӧльсӧ. Ӧксуыс тшӧктӧм чапкавны шогмӧм челядьнымӧс, кувтӧдз нійӧ воштыны.

Ап. керӧммез 9:14

Сія локтіс аркирейезсянь гижӧтӧн, медбы и татӧн вермис кутны Тэнӧ нимнат быд корисьсӧ».

Ап. керӧммез 9:21

Кывзіссесӧ быдӧннысӧ диво кутіс. Нія баитісӧ: «Абу разь эта сія, кӧда Ерусалимас летіс-вотіс Исуссӧ нимнас кориссесӧ? Натьтӧ, сія и татчӧ локтіс нійӧ кӧртавны да нуӧтны аркирейез дынӧ?»

2 Коринфын оліссезлӧ 11:32

Дамаскас Арета ӧксулӧн сувтӧтӧм юралісьыс видзӧтіс карсӧ, медбы менӧ кутны. Но менӧ лэдзисӧ карсис ён из йӧр саяс ӧшынӧт ыджыт кудын. Сійӧн ме эг сюр сы киӧ.

Галатияын оліссезлӧ 1:17

Ме эг мун Ерусалимӧ месся одзжык сувтӧтӧм апостоллэз дынӧ. Муні Аравияӧ, а сэсся бӧр берті Дамаскас.