Ап. керӧммез 8:1 - Бур Юӧр 2019

¹ Савлыс вӧлі Стефансӧ вийиссез дор. Нія луннэзӧ Ерусалимас ёна пондісӧ дзескӧтлыны-вашӧтлыны веритіссесӧ. Веритіссес быдӧнныс мунісӧ-рознитчисӧ Самария да Иудея муэзӧ. Ерусалимас кольччисӧ дзир апостоллэс.

Ап. керӧммез 8:1 Mawu Ofanana

Ап. керӧммез 22:20

Тэ йылісь висьтасись Стефанлісь вирсӧ кисьтӧм коста ме вӧлі сэтчин. Сулалі сійӧ вийиссез дор да видзӧті паськӧмныс сьӧрын".

Ап. керӧммез 7:58

Стефансӧ петкӧтісӧ кар сайӧ. Сійӧ пондісӧ шупкавны иззэзӧн. Шупкаліссес ассиныс паськӧмнысӧ тэчисӧ Савл нима том морт коккез дынӧ.

Ап. керӧммез 5:40

Судитан чукӧрыс Гамалиилсӧ кывзісисӧ. Корисӧ апостоллэсӧ, тшӧктісӧ нійӧ виззьыны-шулявны. Эзӧ лэдзӧ нійӧ баитны Исусыс ним йылісь. Сэсся лэдзисӧ.

Ап. керӧммез 5:33

Сэтшӧмсӧ кылікӧ Судитан чукӧрись отирыс лӧгувьяныс кучиканыс эзӧ пондӧ тӧрны. Лӧсьӧтчисӧ нійӧ вийны.

Ап. керӧммез 1:8

Но тіян вылӧ лэдзчисяс Вежа Лов. Сысянь тійӧ вынсялат. Сэксянь Ерусалимын, Иудеяын, Самарияын да быдсӧн муыс пасьта пондат висьтасьны Ме йылісь».

Ап. керӧммез 8:14

Ерусалимас апостоллэзлӧ кывсис: Самарияын оліссез босьтӧмась пӧ Енлісь кывсӧ. Сэк ны дынӧ ыстісӧ Петраӧс Иоанкӧт.

Ап. керӧммез 9:31

Иудея, Самария да Галилея муэз пасьта вичкуэзлӧн вӧлі лӧнь кад. Нія олісӧ Дӧсвидзисьсис полӧмӧн да вынсялісӧ. Вежа Лов ӧзйӧтӧмсянь вичкуэс содісӧ-паськалісӧ.

Ап. керӧммез 8:4

Сы коста рознитчӧм веритіссес ветлӧтісӧ да висьтасисӧ Бур Юӧрсӧ.

Иоан 15:20

Видзӧ юраныт Менчим висьталӧмӧс: раб абу ыджытжык аслас кӧзяинся. Менӧ кӧ вашӧтлісӧ, пондасӧ вашӧтлыны и тіянӧс. Керисӧ кӧ Менам висьталӧм кыв сьӧрті, пондасӧ керны и тіян кыв сьӧрті.

Еврейезлӧ 11:27

Веритӧмӧн Моисейыс петӧм Египетсис. Нельки абу повзьӧм ӧксуыс лӧгасьӧмись. Сія видзсьӧм чорыта, жыв адззӧм одзсис Тыдавтӧмсӧ.

Филипын оліссезлӧ 1:12

Воннэзӧ, тӧдӧ, висьтала тіянлӧ: мекӧт эта лоӧмыс отсалӧ унажыклӧ висьтасьны Бур Юӧрсӧ.

Ап. керӧммез 13:1

Антиокия вичкуын вӧлісӧ Енсянь юӧртіссез да велӧтіссез: Варнава, Симеон, шуны мӧд нимнас кӧ, Нигер, Киринеяись Луций, Савл да Манаил. Манаилыс Ирод ӧксукӧт вон туйӧ тшӧтш быдмӧм.

Ап. керӧммез 7:38

Моисейыс миян айезкӧт вӧлӧм кушмуын. Синай керӧс вылын сія баитӧм ангелкӧт. Ангелыс пыр сія босьтӧм Енлісь ловья кыввез, медбы юӧртны миянлӧ.

Ап. керӧммез 5:20

«Мунӧ, сувтӧ Вежа Керкуас, эта виль олан йылісь быдӧс висьтасьӧ отирыслӧ».

Ап. керӧммез 5:18

Нія кутісӧ апостоллэсӧ да пуксьӧтісӧ.

Ап. керӧммез 2:47

Нія ошкисӧ Енсӧ. Отирыс нійӧ радейтісӧ. Дӧсвидзисьыс быд лун мездӧтіс отирсӧ, и веритіссес содісӧ.

Иоан 16:2

Тіянӧс вашӧтасӧ синагогаэзісь. Сибалӧ сэтшӧм кад, кӧр тіянӧс пондасӧ вийлыны. Вийиссес пондасӧ шуны, сідз пӧ нія кысъялӧны Енлӧ.

Матвей 23:34

Кывзӧ: Тіян дынӧ Ме ыста Енсянь юӧртіссезӧс, ыджыт мывкыдаэзӧс, велӧтіссезӧс. Ӧтіккезӧс тійӧ вият, мӧдіккезӧс крест вылӧ дорат, мукӧдсӧ синагогаэзын пондат вартлыны да карись карӧ вашӧтлыны.

Матвей 22:6

Мукӧдыс кутасӧ ӧксулісь раббесӧ, сераласӧ ны вылын да виясӧ.

Матвей 5:13

«Му вылас тійӧ ─ сов. Ӧштас кӧ солыс солалан вынсӧ, мыйӧн сійӧ бӧр керан соланас? Сэк сія некытчӧ ни оз туй, сійӧ чапкасӧ отир кок увтӧ.

Ап. керӧммез 7:54

Стефансӧ кывзікӧ ӧксьӧммес лӧгувьяныс кучиксиныс петісӧ, пиннезнаныс гырскисӧ.

Ап. керӧммез 8:2

Енлӧ юрбитісь отир Стефансӧ дзебисӧ. Сы понда нія ӧддьӧн горзісӧ.

Ап. керӧммез 8:5

Самария муӧ локтӧм бӧрын Филип пырис карӧ. Сэтчин отирыслӧ висьтасис Кристос йылісь.

Ап. керӧммез 13:36

Давидыс аслас кадӧ керӧм Ен шуӧм сьӧрті. Сэсся кулӧм. Сійӧ дзебӧмась айез дынӧ. Сылӧн шойыс сісьмис.

Ап. керӧммез 26:10

Ерусалимын ме сійӧ и кери. Аркирейез тшӧктӧм сьӧрті ме Исус сьӧрті оліссесӧ унаӧс пуксьӧті. Нійӧ вийиссескӧт ме вӧлі ӧтдор.

Римын оліссезлӧ 1:32

Енлӧн веськыта висьталӧм сьӧрті нія тӧдӧны, мый нійӧ видзчисьӧ умӧльсӧ керӧмныс понда. Сэтшӧмсӧ кериссезлӧ кольччӧ дзир кулӧм. Но нія асьныс умӧльсӧ керӧны да и ошкӧны умӧльсӧ кериссесӧ.