Ап. керӧммез 7:52 - Бур Юӧр 2019

⁵² Енсянь юӧртіссез коласісь кинӧс эзӧ вашӧтлӧ тіян айезныт? Нія вийлісӧ Енсянь юӧртіссесӧ, Ен сьӧрті веськыта Олісьлісь локтӧмсӧ висьтавліссесӧ. Ӧні тійӧ Сійӧ вузаліт да вийит.

Ап. керӧммез 7:52 Mawu Ofanana

Матвей 5:12

Гажмӧ, гажӧтчӧ: енӧжас тіянлӧ лӧсьӧтӧм ыджыт козин. Сідз дзескӧтлӧмась-вашӧтлӧмась и Енсянь юӧртіссесӧ, кӧдна олісӧ тіян одзын».

Лука 6:23

Нылӧн айезныс сідз керлӧмась Енсянь юӧртіссеслӧ. Гажмӧ-гажӧтчӧ сія лунӧ, тіянлӧ эд енӧжас ыджыт козин лӧсьӧтӧм.

Иоан 16:10

Ен сьӧрті веськыта олӧм йылісь висьталас, мыля Ме муна Айӧ дынӧ, сэсся Менӧ одӧ ни адззылӧ.

Ап. керӧммез 2:23

Енлӧн лӧсьӧтӧм да шуӧм сьӧрті коліс аркмыны. Исусыс вӧлі сетӧм тіян киӧ. Тійӧ Исуссӧ вийит, ентӧдтӧммезлӧн киэзӧн крест вылӧ дорит.

Ап. керӧммез 22:14

Ананийыс меным висьталіс: "Миян айезлӧн Ен бӧрйӧм тэнӧ, медбы вежӧртін, мый Сылӧ колӧ, адззылін Веськыта Олісьсӧ да кылін Сы ӧмись баитӧмсӧ.

Ап. керӧммез 3:18

Еныс керис сійӧ, мый кӧркӧ висьтавлӧм Аслас юӧртіссез пыр, Кристос-Мездӧтісьлӧ пӧ ковсяс пессьыны-мырсьыны.

Ап. керӧммез 3:24

Самуил кадсянь Енсянь юӧртіссес быдӧнныс юӧртісӧ эна луннэз йылісь.

Ап. керӧммез 4:10

Быдыс тіян коласісь да Израильын быд морт ась пондӧ тӧдны лоӧмыс йылісь. Назаретісь Кристос Исуссӧ тійӧ дорит пу бердӧ, но Еныс сійӧ ловзьӧтіс. Тіян одзӧ эта мортыс сувтіс веськалӧм Исусыс нимӧн.

1 Фессалоникаын оліссезлӧ 2:15

Иудейес вийисӧ Дӧсвидзись Исуссӧ да Сылісь юӧртіссесӧ, а миянӧс вашӧтісӧ. Нія Енсӧ лӧгӧтлӧны да и быд мортлӧ паныт лэбтісьӧны.

2 Тимофейлӧ 3:4

ӧта-мӧднысӧ вузалӧны, нійӧ нем оз видз, нырнысӧ лэбталӧны. Енӧсся буржыка нія пондасӧ радейтны чӧскыта олӧмсӧ,

1 Петра 1:11

Нія тӧдмавлӧмась, кин вылӧ да кытшӧм кад вылӧ мыччавлӧм ны пытшкын олісь Кристослӧн Лолыс. Лолыс висьтавлӧм одзланьсясӧ: Кристослісь пессьӧм-мырсьӧмсӧ да сы бӧрся югьялӧмсӧ.

1 Иоан 2:1

Менам челядьӧ! Этӧ гижа тіянлӧ, медбы умӧльсӧ эд керӧ. Но кинкӧ керис кӧ умӧльсӧ, миян эд эм Ен Айным одзын Дорйись ─ Кристос Исус, веськыта Олісь.

Осьтӧм 19:10

Сэк ме уськӧтчи сылӧ коккезас копыртчыны. Сія меным висьталіс: «Видзӧт, эн кер сідз! Ме эд Енлӧн уджалісь, кыдз тэ да тэнат воннэт, кӧдна висьтасьӧны Исусыс йылісь. Еныслӧ копыртчы! Исусыс йылісь висьтасиссес эд баитӧны Енсянь юӧртан Ловсянь».

Осьтӧм 3:7

«Филадельфия вичкуись ангелыслӧ гиж: ─ То мый висьталӧ Вежаыс да Былисьыс, Кӧда дынын Давидлӧн ключыс. Мый Сія осьтӧ, некин оз вермы пӧднавны. Мый Сія пӧдналӧ, некин оз вермы осьтны.