Ап. керӧммез 7:38 - Бур Юӧр 2019

³⁸ Моисейыс миян айезкӧт вӧлӧм кушмуын. Синай керӧс вылын сія баитӧм ангелкӧт. Ангелыс пыр сія босьтӧм Енлісь ловья кыввез, медбы юӧртны миянлӧ.

Ап. керӧммез 7:38 Mawu Ofanana

Римын оліссезлӧ 3:2

Сія ─ быд ладорсянь бур. Медодз висьтала: иудейеслӧ вӧлі сетӧм Еныслӧн Кылыс.

Еврейезлӧ 5:12

Видзӧтны кӧ кадыс сьӧрті, тіянлӧ ӧні коліс бы мӧдіккезӧс ни велӧтны. Тіянлӧ тай бӧра колӧ висьтасьны Енлісь Кывсӧ пондӧтчӧмсянь. Тіянлӧ колӧ йӧв. Оз ков чорыт сёяныс.

1 Петра 4:11

Кин баитӧ, ась баитӧ Енлӧн сетӧм кыввезӧн. Кин мый керӧ, ась керӧ Енсянь сетӧм вынӧн. Кристос Исус пыр быдӧсісь ась петӧ ошкӧмыс Енлӧ. Сылӧн эд югьялӧмыс да юралӧмыс пырся-пыр. Аминь.

Ап. керӧммез 7:53

Ангеллэз отсӧтӧн тійӧ босьтіт Туйдӧт, асьныт тай сы сьӧрті эдӧ олӧ».

Иоан 1:17

Туйдӧтыс вӧлі сетӧм Моисей пыр. Бурсетӧмыс да быльыс локтісӧ Кристос Исус пыр.

Еврейезлӧ 4:12

Енлӧн Кылыс ловья, сія керӧ Ассис вына уджсӧ. Еныслӧн Кылыс лэчытжык кыкнан дорсӧ кеслӧм шыпуртся. Сія йиджӧ пытшкӧдззас, олӧмсӧ ловкӧт да лысӧ вемкӧт торйӧтӧ. Сія осьтӧ юрын видзӧмсӧ да сьӧлӧм вылӧ пуктӧмсӧ.

Еврейезлӧ 2:2

Еныслӧн ангеллэз пыр висьталӧм кылыс эд вӧлӧм вына: кывзісьтӧг олӧм понда да быд лёк керӧм понда Еныс отирсӧ веськыта мыжйывлӧм.

Галатияын оліссезлӧ 3:19

Мыйлӧ нӧ сэк колӧ Туйдӧтыс? Сія вӧлі сетӧм сёрӧнжык, отирлӧн умӧльсӧ керӧммезныс кузя. Туйдӧтыс вӧлі сетӧм Сы локтытӧдз, Кӧда Авраамыс увтырись шогмис Енлӧн кӧсйӧм сьӧрті. Туйдӧтыс сетӧм ангеллэз пыр, гижӧм Ен да отир коласын сулалісь Моисей киӧн.

Римын оліссезлӧ 9:4

Нія Израиль отир. Нійӧ Еныс пуктӧм Аслас зоннэзӧ, нылӧ мыччалӧм Ассис югьялӧмсӧ. Ныкӧт Сія керлӧм йитӧттэз. Нылӧ вӧлі сетӧм Туйдӧтыс. Нійӧ сувтӧтӧмась Енлӧн Вежа Керкуын уджавны, нылӧ Еныс и кӧсйӧм вӧлі уна.

Ап. керӧммез 7:35

Израиль отирыс одзжык Моисейсӧ нем туйӧ пуктӧмась сэтшӧм кыввезӧн: "Кин тэнӧ пуктіс юралісьнас да судитісьнас?" Но Еныс сійӧ и сувтӧтӧм Израиль отирыслӧ юралісьнас да мездӧтісьнас. Сувтӧтӧм ангелыс пыр, кӧда мыччасьӧм Моисейыслӧ биӧн сотчан жельнӧгын.

Ап. керӧммез 7:30

Чулалӧм нёльдас во. Ӧтпыр Моисейыс вӧлӧм Синай керӧс дынын кушмуын. Сэтӧн сылӧ сотчан жельнӧг биын мыччисьӧм Енлӧн ангел.

Иоан 6:63

Лов сетӧ олан, а морт сійӧ керны оз вермы. Менам висьталӧм кыввезӧ сетӧны тіянлӧ лов да олан.