Ап. керӧммез 6:14 - Бур Юӧр 2019

¹⁴ Мийӧ эд асьным кылім сылісь баитӧмсӧ: Назаретісь Исусыс разяс пӧ Вежа Керкусӧ да вежас Моисейсянь миянлӧ кольччӧм тшӧктӧммесӧ».

Ап. керӧммез 6:14 Mawu Ofanana

Ап. керӧммез 21:21

Тэ йылісь нылӧ кывсьӧм: мӧдік йӧз коласын олісь иудейесӧ тэ пӧ велӧтан кежны Моисейлӧн Туйдӧт дынісь, он пӧ лэдз зоннэзнысӧ вундыштыштны да овны айезныс моз.

Ап. керӧммез 15:1

Антиокия вичкуӧ кынымкӧ морт локтісӧ Иудея муись. Нія велӧтісӧ: одӧ кӧ лоӧ пӧ вудныштыштӧмӧсь Моисейлӧн Туйдӧт сьӧрті, сэк одӧ вермӧ мезмыны.

Галатияын оліссезлӧ 3:23

Веритан кад локтӧмӧдз мийӧ вӧлім домалӧмӧсь Туйдӧтнас. Сія миянӧс видзис аслас кипод увтын веритӧм оссьӧмӧдз.

Галатияын оліссезлӧ 3:19

Мыйлӧ нӧ сэк колӧ Туйдӧтыс? Сія вӧлі сетӧм сёрӧнжык, отирлӧн умӧльсӧ керӧммезныс кузя. Туйдӧтыс вӧлі сетӧм Сы локтытӧдз, Кӧда Авраамыс увтырись шогмис Енлӧн кӧсйӧм сьӧрті. Туйдӧтыс сетӧм ангеллэз пыр, гижӧм Ен да отир коласын сулалісь Моисей киӧн.

Ап. керӧммез 28:17

Куим лун бӧрті Павелыс корис иудейеслісь веськӧтліссесӧ. Нія ӧксисӧ. Павелыс нылӧ висьталіс: «Воннэзӧ! Ме эг кер умӧльсӧ миян отирлӧ, айезным моз олӧмлӧ. Но Ерусалимын менӧ кӧрталӧмӧн сетісӧ Рим отир киэзӧ.

Иоан 4:21

Исусыс висьталіс: «Инька, верит Меным: сибалӧ кад, кӧр одӧ ни пондӧ копрасьны Айнымлӧ эта керӧсын да Ерусалимын.

Лука 21:6

«Локтасӧ луннэз, эстісь быдӧс разясӧ, озӧ кольӧ из вылын из».

Ап. керӧммез 26:3

Тэ эд бура тӧдан айезным лӧсьӧтӧм сьӧрті иудейезлісь олансӧ да етшасьӧмсӧ. Кора тэнӧ: кывзы менӧ ыджыт мылаӧн.

Ап. керӧммез 25:8

Асьсӧ дорйӧм могись Павелыс висьталіс: «Иудейезлӧн Туйдӧтлӧ, Вежа Керкулӧ, Рим ӧксулӧ ме умӧльсӧ эг кер».

Лука 21:24

Унаӧс виясӧ шыпурттэзӧн. Мукӧдсӧ вынӧн нуӧтасӧ мӧдік муэзӧ. Ерусалимсӧ пондасӧ тальны ентӧдтӧм отир. Сідз лоас нылӧн кадныс чулавтӧдз».

Марк 14:58

«Мийӧ кылім, кыдз Сія баитіс: "Ме разя киӧн керӧм Вежа Керкусӧ и куим лун бӧрті лэбта мӧдікӧ, китӧг керӧмӧ"».

Матвей 26:61

Нія висьталісӧ: «Сія шувліс, верма пӧ Енлісь Вежа Керкусӧ разьны, сэсся пӧ куим лунӧн сійӧ бӧр лэбта».

Иоан 2:19

Исусыс висьталіс нылӧ: «Разьӧ этӧ Вежа Керкусӧ, Ме сійӧ куим лунӧн бӧр лэбта».