Ап. керӧммез 6:11 - Бур Юӧр 2019

¹¹ Сэк нія отирыс коласісь мукӧдсӧ велӧтӧмась баитны вӧвлытӧмыс йылісь. Нійӧ тшӧктӧмась висьтавны: «Мийӧ пӧ кылім, кыдз сія умӧльтіс Моисейсӧ да Енсӧ».

Ап. керӧммез 6:11 Mawu Ofanana

1 Тимофейлӧ 1:13

Ме одзжык Кристоссӧ видлі, Сылісь отирсӧ вашӧтлі, нылӧ умӧльсӧ кери. Но Кристосыс вӧлі ме дынӧ небыт сьӧлӧма. Ме эд сідз кери тӧдтӧг, Сылӧ эг верит да.

Римын оліссезлӧ 3:8

Мукӧдыс умӧльсӧ весись баитӧны миян йылісь. Мийӧ пӧ велӧтамӧ: «Пондам керны умӧльсӧ, медбы петіс бурыс». Сэтшӧма баитіссеслӧ дӧнзяс Енлӧн суд вылын веськыта мыжйӧм.

Ап. керӧммез 25:7

Кӧр Павелыс локтіс, сы гӧгӧрӧ сувтісӧ Ерусалимсис локтӧм иудейес. Уна лёк керӧмсӧ висьталісӧ Павелыс вылӧ. А кытӧн, кыдз да мый вӧлі, бытшӧмик нем эзӧ вермӧ висьтавны.

Ап. керӧммез 25:3

Тшӧктісӧ керны ны сьӧрті. Корисӧ вайӧтны Павелсӧ Ерусалимӧ. Асьныс лӧсьӧтчӧмась туй вылас сійӧ вийны.

Ап. керӧммез 21:28

Нія горӧтісӧ: «Израиль отир! Отсалӧ! Эта мортыс быдлаын велӧтӧ мунны паныт миян отирлӧ, Моисейлӧн Туйдӧтлӧ, эта Вежа Керкулӧ. Сія и греккесӧ пыртіс Вежа Керкуас да сэрпӧсьтіс этӧ вежаинсӧ».

Ап. керӧммез 18:6

Нія Павелыс вылӧ лэбтісисӧ, пондісӧ сійӧ видны. Сэк Павелыс ассис паськӧмсӧ пыркӧтіс да висьталіс нылӧ: «Тіянӧс Еныс мыжьяс кӧ, тійӧ сійӧ асьныт бӧрйит. А менам сьӧлӧмӧ сӧстӧм. Ӧнісянь ме муна мӧдік отир дынӧ».

Ап. керӧммез 15:21

Моисейлісь Туйдӧтсӧ висьтасиссес кӧркӧсянь эд эмӧсь быд карын. Быд шоччисян лунӧ сійӧ Туйдӧтсӧ лыддьӧтӧны синагогаэзын».

Ап. керӧммез 6:13

Сэтчӧ вайӧтісӧ весись баитіссесӧ. Нія висьталісӧ: «Сія дугдывтӧг баитӧ умӧль кыввез миян Вежа Керку йылісь да Моисейлӧн Туйдӧт йылісь.

Иоан 16:3

Нія озӧ тӧдӧ Айӧс да Менӧ, сійӧн и пондасӧ сідз керны.

Иоан 9:29

Мийӧ тӧдамӧ, Моисейыскӧт баитіс Еныс. А Сійӧ огӧ тӧдӧ, кытісь Сія».

Иоан 1:17

Туйдӧтыс вӧлі сетӧм Моисей пыр. Бурсетӧмыс да быльыс локтісӧ Кристос Исус пыр.

Ап. керӧммез 26:11

Синагогаэзас ме унаись нійӧ вартлі. Тшӧктывлі нійӧ видны Исуссӧ. Сы велӧтӧм сьӧрті оліссез вылӧ лёксялӧмувьям ме вӧтлісьлі сьӧраныс нельки йӧз каррезын.

Ап. керӧммез 6:10

Но Стефаныс ныкӧт баитіс мывкыда кыввезӧн да Вежа Лов вынӧн. Мӧддэслӧн кыввезныс вӧлісӧ вынтӧмӧсь.

Ап. керӧммез 6:12

Нія ызйӧтӧмась отирсӧ, пӧриссесӧ да Туйдӧтӧ велӧтіссесӧ кутны Стефансӧ. Мӧддэс уськӧтчисӧ Стефаныс вылӧ да кутісӧ, сэсся нуӧтісӧ сійӧ иудейезлӧн Судитан чукӧр одзӧ.