Ап. керӧммез 6:10 - Бур Юӧр 2019

¹⁰ Но Стефаныс ныкӧт баитіс мывкыда кыввезӧн да Вежа Лов вынӧн. Мӧддэслӧн кыввезныс вӧлісӧ вынтӧмӧсь.

Ап. керӧммез 6:10 Mawu Ofanana

Лука 21:15

Ме сета тіянлӧ мывкыдсӧ да кывсӧ. Тіян вылӧ лэбтісиссеслӧ нем лоас висьтавны паныт, нія озӧ вермӧ тіянкӧт етшасьны.

1 Коринфын оліссезлӧ 2:4

Менам баитӧмӧ да висьтасьӧмӧ эзӧ вӧлӧ морт мывкыдсянь вына кыввез. Висьталӧм кыввезам выныс тыдаліс Ен Ловлӧн,

Иоан 7:46

Нія висьталісӧ: «Эта Морт моз баитісьыс эз на вӧвлы».

Лука 1:17

Иллялӧн кодь лолӧн да вынӧн мунас Дӧсвидзись одзын. Мунас айезлісь сьӧлӧммезнысӧ бергӧтны челядьланьӧ, кывзісьтӧммеслӧ сетны мывкыдсӧ Ен сьӧрті веськыта оліссезлісь, медбы Дӧсвидзись одзӧ сувтӧтны туйдӧтӧм-лӧсьӧтӧм отирӧс».

Ап. керӧммез 7:51

Асныра йӧз! Сьӧлӧммезнаныт тійӧ ─ ентӧдтӧммез, пеллезныт озӧ кылӧ Енсӧ. Тійӧ айезныт моз пыр Вежа Лолыслӧ паныт лэбтісят.

Ап. керӧммез 5:39

Енсянь кӧ, сэк тійӧ одӧ вермӧ сійӧ разьны. Видзӧтӧ, медбы эд сувтӧ Енлӧ паныт».

Ап. керӧммез 6:9

Киринеяись да Александрияись сідз шусяна «мезмӧм раббезлӧн синагогаись» киннэзкӧ, эшӧ Киликияись да Асияись локтӧм иудейес пондісӧ Стефаныскӧт етшасьны.

Ап. керӧммез 6:11

Сэк нія отирыс коласісь мукӧдсӧ велӧтӧмась баитны вӧвлытӧмыс йылісь. Нійӧ тшӧктӧмась висьтавны: «Мийӧ пӧ кылім, кыдз сія умӧльтіс Моисейсӧ да Енсӧ».