Ап. керӧммез 5:41 - Бур Юӧр 2019

⁴¹ Судитанінсис мунтӧн апостоллэс гажмисӧ. Нійӧ эд вартлісӧ-умӧльтісӧ Дӧсвидзись Исус ним понда. Сідзкӧ, нія Еныслӧ туяна отир.

Ап. керӧммез 5:41 Mawu Ofanana

Лука 6:22

Шудаӧсь тійӧ, кӧр Морт Зон понда син вылӧ одӧ пондӧ ковны, кӧр тіянӧс вашӧтасӧ, пондасӧ видны, тіянлісь нимнытӧ нятьнас тыртасӧ.

Иоан 15:21

Быдӧс сійӧ тіянлӧ керасӧ Менам ним понда сійӧн, мыля озӧ тӧдӧ Сійӧ, Кин Менӧ ыстіс.

Ап. керӧммез 21:13

Сэк Павелыс висьталіс: «Мый тійӧ керат? Мый горзат? Мыйлӧ сьӧлӧмӧс дойдат? Кутӧмсис да пуксьӧтӧмсис ме ог пов, лӧсьӧтчи нельки кувны Ерусалимас Дӧсвидзись Исус ним понда».

Ап. керӧммез 5:21

Апостоллэс сідз и керисӧ, одз асывнас пырисӧ Вежа Керкуӧ да велӧтісӧ. Сы коста аркирейыс аслас отиркӧт ӧктӧм иудейеслісь Судитан чукӧрсӧ да Израиль отирлісь бӧрйӧм пӧриссесӧ. Ӧксьӧммес ыстӧмась вайӧтны пуксьӧтӧм апостоллэсӧ.

Римын оліссезлӧ 5:3

Мийӧ гажаӧсь и пессьӧм-мырсьӧмным коста. Мийӧ эд тӧдам: сысянь мыланым вынсялӧ.

2 Коринфын оліссезлӧ 12:10

Сійӧн садь бырӧм коста, менӧ видӧм коста, кӧр абу и медколанаыс, Кристосыс понда вашӧтлӧм-дзескӧтлӧм коста сьӧлӧм вылам бур. Кӧр эд менам аслам вынӧ абу, сэк ме вына.

Филипын оліссезлӧ 1:29

Еныс эз сет миянлӧ дзир веритны Кристосыслӧ, но и пессьыны-мырсьыны Сы понда.

Еврейезлӧ 10:34

Тійӧ отсасит и меным пукалӧмӧ коста. Тіянлісь горттэзсиныт быдӧс пажытьсӧ нӧбӧтісӧ, тійӧ и сэк вӧліт гажаӧсь. Тійӧ эд тӧдітӧ: енӧжас тіян эм буржык пажыть, кӧда оз ӧш.

Еврейезлӧ 12:2

Пондам видзӧтны Исусыс вылӧ. Сія ─ веритӧмсӧ Сетісь да быдсӧн бура веритӧмӧдз Вайӧтісь. Локтан гажыс понда Сія куліс крест вылын. Сія эз видзӧт и отирлӧн сералӧм вылӧ. Ӧні Сія пукалӧ Енлӧн юралан пукӧскӧт веськыт ладорас.

Яков 1:2

Воннэзӧ, ёна гажмӧ, кӧр локтӧ тіян вылӧ быдпӧлӧс сьӧкытыс-ылӧтлӧмыс.

3 Иоан 1:7

Нія эд туйӧ петісӧ Кристос ним понда и Енсӧ тӧдтӧм отирлісь нем эзӧ босьтӧ.