Ап. керӧммез 4:31 - Бур Юӧр 2019

³¹ Ӧксьӧммеслӧн кеймӧм бӧрсянь ӧксяніныс зэгаліс. Быдӧнныс тырисӧ Вежа Лолӧн да повтӧг висьтасисӧ Енлісь Кывсӧ.

Ап. керӧммез 4:31 Mawu Ofanana

Матвей 21:22

Мый корат кеймиканыт веритӧмӧн, босьтатӧ».

Иоан 14:12

Тіянлӧ быльсӧ веськыта висьтала: Меным веритісьыс пондас керны Ме моз. И унажык пондас керны, Ме эд Айӧ дынӧ муна.

Иоан 15:16

Тійӧ эдӧ бӧрйӧ Менӧ, Ме бӧрйи тіянӧс. Ме сувтӧті тіянӧс да иньді вайны воӧм. Тіян воӧмныт ась пыр олӧ. Сідз кӧ пондат керны, сэк Менам нимӧн мый корат, Айӧ сетас тіянлӧ.

Иоан 15:7

Пондат кӧ овны Ме пытшкын да Менчим кыввезӧс пондат кӧ видзны сьӧлӧманыт, сэк корӧ, мый колӧ, и тіянлӧ лоас сетӧм.

Ап. керӧммез 14:3

Апостоллэс дыркодь вӧлісӧ сэтӧн. Повтӧг висьтасисӧ Дӧсвидзись йылісь. Дӧсвидзисьыс ны пыр аркмӧтіс пассэсӧ да адззывлытӧммесӧ. Сідз Сія вынсьӧтіс висьтасьӧмсӧ Аслас бурсетӧм йылісь.

Ап. керӧммез 2:1

Сибаліс «Витдаслун» нима вежалун. Веритіссес, ӧтікӧ юрын видзӧмӧн, быдӧнныс ӧксисӧ ӧтлаӧ.

Ап. керӧммез 2:2

Сэк енӧжсяняс видзчисьтӧг кыліс жыв вына тӧвлӧн шы. Сія шыыс тыртіс быдсӧн керкусӧ, кытӧн нія пукалісӧ.

Ап. керӧммез 2:4

Быдӧнныс тырисӧ Вежа Лолӧн. Нія пондісӧ сёрнитны мӧдік кыввез вылын Лов сетӧм сьӧрті.

Ап. керӧммез 4:13

Бӧрйӧм пӧриссес да веськӧтліссес кылӧмась апостоллэзлісь повтӧг баитӧмнысӧ. Нія казялісӧ: баитіссес абу велӧтчӧм отир коласісь. Нійӧ сысянь диво кутіс. Нія апостоллэсӧ тӧдісӧ, адззывлісӧ Исускӧт ветлӧтӧмныс коста да.

Ап. керӧммез 4:29

Дӧсвидзисьным, ӧні видзӧт, кыдз нія миянӧс повзьӧтлӧны. А раббетлӧ отсав повтӧг висьтасьны Тэнчит Кывтӧ.

Филипын оліссезлӧ 1:14

Менам пукалӧм кузя унажык воннэзлӧн Дӧсвидзисьлӧ веритӧмныс вынсяліс. Нія повтӧг пондісӧ ӧддьӧнжык висьтасьны Еныслісь Кывсӧ.

Филипын оліссезлӧ 1:20

Ме быд вынісь надейтча: меным немись оз понды ковны гӧрдӧтны, и ӧні ме верма, кыдз и пыр, овны повтӧг. Понда овны али кула, ме аслам вывтырӧн вая ошкӧмсӧ Кристослӧ.

Яков 1:5

Кинлӧнкӧ тіян коласісь оз кӧ тырмы мывкыдныт, корӧ Еныслісь. Сія сетас. Еныс эд сетӧ ӧмавтӧг быд корисьлӧ.