Ап. керӧммез 4:26 - Бур Юӧр 2019

²⁶ Лэбтісьӧны му вылісь ӧксуэз. Юраліссез ӧксьӧны ӧтлаӧ. Дӧсвидзись вылӧ да Сылӧн Кристос-Мездӧтісь вылӧ нія лэбтісьӧны.

Ап. керӧммез 4:26 Mawu Ofanana

Лука 4:18

─ Дӧсвидзисьлӧн Лолыс Ме вылын. Сія сувтӧтіс Менӧ мавтӧмӧн, ыстіс висьтасьны кориссезлӧ Бур Юӧр, веськӧтны дойдӧм сьӧлӧммесӧ, домӧттэзын мырсиссезлӧ юӧртны мезмӧмсӧ, синтӧммезлісь осьтны синнэзнысӧ, мездӧтны отир кипод увтын маитчиссесӧ,

Ап. керӧммез 10:38

Еныс Вежа Лолӧн да вынӧн мавтӧмӧн сувтӧтіс Назаретісь Исуссӧ. Ветлӧтікас Сія отирыслӧ керис уна бурсӧ: веськӧтліс да мездӧтліс кульыс кипод увтісь быдӧннысӧ, кӧдна сысянь пессисӧ-мырсисӧ. Сыкӧт эд вӧлі Еныс.

Еврейезлӧ 1:9

Тэ радейтан веськыта керӧмсӧ. Синӧн он вермы видзӧтны лёк керӧм вылӧ. Сійӧн Тэнат Еныт гаж елейнас мавтіс Тэнӧ, Енӧ, мӧдіккезся буржыка.

Осьтӧм 11:15

Сизимӧт ангел пондіс пӧльтны аслас буксанӧ. Сэк енӧжас кылісӧ гора шыэз. Нія баитісӧ: ─ Быдӧс вылын Юралісьнас сувтіс миян Дӧсвидзисьным да Сылӧн Мавтӧмыс. Сія пондас юравны пырся-пыр.

Осьтӧм 12:10

Сэк ме кылі енӧжас горӧн висьталӧм шы: ─ Ӧні локтіс мезмӧмыс, выныс, миян Енлӧн Юралӧмыс да Сылӧн Мавтӧмлӧн веськӧтлӧмыс! Ӧні эд улӧ шупкӧм сійӧ, кӧда Енным одзын ой и лун висьтавліс миян воннэз вылӧ умӧльсӧ.

Осьтӧм 17:17

Еныс эд пуктіс нылӧ сьӧлӧм выланыс керны Аслас лӧсьӧтӧм сьӧрті: ас коласаныс баитчыны да ассиныс юралӧмнысӧ сетны вӧрпаыслӧ. Сылӧн юралӧмыс кыссяс, кытчӧдз быдӧс оз керсьы Енлӧн висьталӧм сьӧрті.