Ап. керӧммез 3:7 - Бур Юӧр 2019

⁷ Петраыс кутіс мортсӧ веськыт киӧттяс да лэбтіс. Сэк корисьыслӧн коккес вынсялісӧ.

Ап. керӧммез 3:7 Mawu Ofanana

Марк 1:31

Исусыс сибӧтчис, кутіс сійӧ киӧттяс да чеччӧтіс. Шогӧтыс сэк жӧ чулаліс, и инькаыс пондіс лӧсьӧтны пызан вылӧ сёян.

Марк 5:41

Исусыс кутіс нылочкасӧ киӧттяс да шуис сылӧ: «Талифа куми», мый позьӧ вуджӧтны: «Нылӧй, тэныт шуа: чеччы».

Марк 9:27

Но Исусыс кутіс зонкасӧ киӧттяс да лэбтіс, мӧдыс чеччис.

Лука 13:13

Сія пуктыліс инькаыс вылӧ киэсӧ. Инькаыс сэк жӧ веськӧтчис да пондіс ошкыны Енсӧ.

Ап. керӧммез 3:6

Петраыс сылӧ шуис: «Зарни да эзысь менам абу. Сета тэныт, мый эм. Назаретісь Кристос Исус нимӧн чеччы, ветлӧт!»

Ап. керӧммез 3:8

Сія чепӧссис-чеччис, пондіс ветлӧтны. Ныкӧт ӧтлаын пырис Вежа Керкуӧ. Сія ветлӧтіс, чеччаліс, ошкис Енсӧ.

Ап. керӧммез 4:16

Нія шуисӧ: «Мый пондам ныкӧт керны? Ерусалимын оліссес тӧдӧны нылісь адззывлытӧм керӧмнысӧ. И мийӧ огӧ вермӧ висьтавны, эта пӧ эз вӧв.

Ап. керӧммез 4:9

Талун миянӧс тшӧктӧны висьтавны шогалісь мортлӧ бурсӧ керӧм йылісь, мыйсянь сія веськаліс.

Ап. керӧммез 9:41

Петраыс сылӧ сетіс кисӧ да чеччӧтіс. Сэсся сія корис сэтчӧ дӧваэсӧ да мӧд веритіссесӧ, ны одзӧ сувтӧтіс ловья Тавифасӧ.