Ап. керӧммез 3:25 - Бур Юӧр 2019

²⁵ Тійӧ ─ Енсянь юӧртіссезлӧн да йитӧтлӧн зоннэз. Сійӧ йитӧтсӧ Еныс керӧм вӧлі миян айезкӧт. Авраамыслӧ баитӧм: "Тэнат увтырись шогмӧмсянь Менам бласлӧвитӧмӧ вуджас быд отирпӧлӧслӧ".

Ап. керӧммез 3:25 Mawu Ofanana

Ап. керӧммез 2:39

Эта кӧсйӧмыс сетӧм тіянлӧ, тіян челядьлӧ, сетӧм ыліссезлӧ да и быдӧнныслӧ, кӧднӧ корас Дӧсвидзись Енным».

Галатияын оліссезлӧ 3:8

Вежа Гижӧтас вӧлі одзлань висьталӧм: быд отирсӧ Еныс шуас веськыта оліссезӧн веритӧмныс понда. Сійӧн Авраамыслӧ Еныс висьталӧм одзланьсясӧ: «Тэсянь бласлӧвитӧмыс вуджас быдкодь кыв вылын баитісь отирлӧ».

Осьтӧм 7:9

Сыбӧрын ме видзӧтышті да казялі: юралан пукӧсыс одзын да Дзельыс одзын сулалісӧ унася-уна отир. Сымдасӧ некин оз вермы лыддьыны. Отирыс сэтӧн вӧлісӧ быд чужан вужись да увтырись, быд отирись да быд кыла йӧзісь. Нія вӧлісӧ чочком паськӧмаӧсь. Киэзаныс нія видзисӧ пальмапу уввез.

Галатияын оліссезлӧ 3:16

Авраамыслӧ да сы увтырись шогмӧмлӧ Еныс вӧлі кӧсйӧм. Кӧсйӧмас эз вӧв висьталӧм уна отир йылісь: «тэнат увтырись шогмӧммезлӧ». Висьталӧм ӧтік йылісь: «тэнат увтырись шогмӧмлӧ». Сія висьталӧ Кристосыс йылісь.

Римын оліссезлӧ 4:13

Авраамыслӧ да сысянь йылӧм увтырлӧ Еныс кӧсйӧм сетны быдсӧн мусӧ. Сійӧ абу кӧсйӧм Туйдӧт сьӧрті олӧм понда, кӧсйӧм веритӧмыс понда. Веритӧмыс понда Авраамсӧ Еныс эд и шуӧм вӧлі веськыта олісьӧн.

Галатияын оліссезлӧ 3:29

Тійӧ кӧ Кристослӧн, сэк тійӧ Авраамлӧн челядь и Еныслӧн кӧсйӧмыс вуджӧ тіянлӧ.

Осьтӧм 14:6

Сыбӧрын ме казялі: енӧж шӧрӧттяс лэбзис мӧдік ангел. Сылӧн вӧлі пырся Бур Юӧр. Сылӧ коліс Юӧрсӧ висьтасьны му вылас оліссезлӧ: быд увтырлӧ, быд чужан вужлӧ, быдкодь кыв вылын баитіссезлӧ да быд отирлӧ.

Осьтӧм 5:9

Нія сьылісӧ виль сьыланкыв: ─ Тэныт позьӧ босьтны серакусӧ, жугдыны пассэсӧ да осьтны сійӧ, Тэ эд вӧлін начкылӧм. Еныслӧ Тэ небин отирсӧ Аслат Вир вылӧ быд увтырись, быд кылісь, быд чужан вужись, да быд йӧзісь.

Римын оліссезлӧ 15:8

Ме вежӧрта сідз: Кристос Исусыс сувтіс кысъявны иудей отирыслӧ, медбы айезнымлӧ кӧсйӧмсӧ пыртны оланӧ. Сія локтіс мыччавны: Еныс оз веж Ассис кывсӧ.

Ап. керӧммез 13:26

Воннэзӧ, Авраам увтырись челядь да Енсис поліссез! Тіянлӧ ыстӧм эта мездан юӧрыс.

Лука 1:72

Еныс кӧсйисьӧм лоны небыт сьӧлӧмаӧн миян айез дынӧ да видзны тӧдвылас Ассис вежа йитӧтсӧ.