Ап. керӧммез 3:22 - Бур Юӧр 2019

²² Моисейыс висьталӧм вӧлі айезнымлӧ: "Дӧсвидзись Енныт менӧ моз тіянлӧ сувтӧтас воннэзныт коласісь Юӧртісьӧс. Сійӧ кывзісьӧ быдӧсын, мый пондас баитны.

Ап. керӧммез 3:22 Mawu Ofanana

Матвей 21:11

Отирыс висьтавлісӧ: «Сія Галилея муись, Назарет карись Енсянь юӧртісь Исус».

Лука 13:33

Меным колӧ мунны одзлань талун, ашын да мӧдлун. Оз эд овлы, медбы Енсянь юӧртісьсӧ вийисӧ мӧдіклаын, сія пыр керсьӧ Ерусалимын.

Лука 24:19

Исусыс юаліс: «Мый йылісь?» Мӧддэс Сылӧ висьталісӧ: «Мый лоис Назаретісь Исускӧт. Сія эд вӧлі Енсянь юӧртісь. Керӧмнас да кывнас Ен одзын да отир одзын Сія вӧлі вына.

Иоан 1:17

Туйдӧтыс вӧлі сетӧм Моисей пыр. Бурсетӧмыс да быльыс локтісӧ Кристос Исус пыр.

Иоан 12:46

Ме югытыс, локті му вылас, медбы Меным веритісьыс эз кольччы пемытас.

Иоан 5:24

Тіянлӧ быльсӧ веськыта висьтала: мортыс кывзӧ кӧ Менчим кыввезӧс да веритӧ Менӧ Ыстісьлӧ, сылӧн эм пырся олан. Сія суд вылас оз ни шед. Сія вуджис ни кулӧмись оланӧ.

Иоан 8:12

Сыбӧрын Исусыс бӧра баитіс отирыскӧт. Сія нылӧ висьталіс: «Ме ─ отирлӧ югытыс. Ме сьӧрӧ мунісьыс оз понды ветлӧтны пемытын, сылӧн лоас олан сетісь югытыс».

Ап. керӧммез 7:37

Моисейыс висьтавлӧм Израиль отирыслӧ: "Дӧсвидзись Енныт сувтӧтас тіянлӧ Ассис Юӧртісьсӧ. Сія ме моз лоас воннэзныт коласісь. Сійӧ кывзӧ".

Римын оліссезлӧ 8:3

Моисейлӧн Туйдӧтыс эз вермы миянӧс мездыны. Умӧляс кыскан вывтырным кузя Туйдӧтыслӧн мездан выныс эз тырмы. Мый Туйдӧтыс эз вермы керны, сійӧ керис Еныс. Сія ыстіс Ассис Зонсӧ му вылас вештісьны умӧль керӧммезным понда. Сылӧ сетіс сэтшӧм вывтыр, кытшӧм вывтырыс умӧль керись мортлӧн. Сідз Сія судитіс морт вывтырын поздісьӧм умӧль керӧмсӧ.

Римын оліссезлӧ 9:5

Эта увтырлісь айесӧ быдӧнныс тӧдӧны. Ны увтырись морт моз чужис и Кристосыс. Сія ─ быдӧс вылын Ен. Сылӧ пырся-пыр ошкӧм! Аминь.

Галатияын оліссезлӧ 4:4

Сувтӧтӧм кадыс локтӧм бӧрын Еныс ыстіс Ассис ӧтка Зонсӧ. Сія чужис инькасянь да оліс Туйдӧтыс сьӧрті.

Еврейезлӧ 2:1

Сійӧн миянлӧ колӧ буржыка видзсьыны кылӧмным бердӧ, медбы мӧдӧрӧ эгӧ ылалӧ.

Еврейезлӧ 5:9

Енлӧн лӧсьӧтӧм сьӧрті быдӧс керӧм бӧрын Сія лоис Мездӧтісьӧн. Кристоссӧ кывзісь мортыс мезмас пыр кежӧ.

Осьтӧм 1:1

Эта гижӧтын Еныслӧн Кристос Исуслӧ осьтӧмыс. Кристосыслӧ коліс мыччавны Аслас раббезлӧ, мый чожа лоас. Кристосыс Ассис ангелсӧ ыстӧм мыччавны сійӧ осьтӧмсӧ Аслас Иоан раблӧ.