Ап. керӧммез 3:16 - Бур Юӧр 2019

¹⁶ Шогалісьыс веритіс Исуслӧн нимӧ. Эта нимыс вынсьӧтіс мортсӧ. Тійӧ сійӧ мортсӧ адззат и тӧдат. Исуссянь локтӧм веритӧмыс тіян син одзын козьналіс сылӧ этӧ веськалӧмсӧ.

Ап. керӧммез 3:16 Mawu Ofanana

Матвей 14:29

Исусыс горӧтчис: «Лок». Петра петіс пыжсис, ва вылӧттяс иньдӧтчис Исус дынӧ.

Матвей 9:22

Исусыс бергӧтчис, казяліс инькасӧ да шуис: «Эн пов, нылӧй. Веритӧмыт мездіс тэнӧ». Сія кадсянь инькаыс дугдӧм шогавны.

Иоан 14:12

Тіянлӧ быльсӧ веськыта висьтала: Меным веритісьыс пондас керны Ме моз. И унажык пондас керны, Ме эд Айӧ дынӧ муна.

Иоан 7:23

Моисейлӧн Туйдӧт сьӧрті керӧм понда тійӧ мортсӧ вундыштыштат шоччисян лунӧ. Сэк мыля нӧ Ме вылӧ лӧгалатӧ, шоччисян лунӧ мортсӧ веськӧті кӧ?

Ап. керӧммез 14:9

Мортыс кывзіс Павеллісь баитӧмсӧ. Павелыс видзӧтӧв-керис сы вылӧ да казяліс: мортыслӧн эм веритӧмыс, медбы веськавны.

Ап. керӧммез 16:18

Сідз сія горӧтліс уна лун сьӧрна. Сысянь Павелыс лӧгасис. Сія бергӧтчис да висьталіс сэрпӧсь лолыслӧ: «Кристос Исус нимӧн тшӧкта тэныт петны мортсис!» Сэтӧн жӧ сэрпӧсь лолыс инькасис петіс.

Ап. керӧммез 3:6

Петраыс сылӧ шуис: «Зарни да эзысь менам абу. Сета тэныт, мый эм. Назаретісь Кристос Исус нимӧн чеччы, ветлӧт!»

Ап. керӧммез 3:8

Сія чепӧссис-чеччис, пондіс ветлӧтны. Ныкӧт ӧтлаын пырис Вежа Керкуӧ. Сія ветлӧтіс, чеччаліс, ошкис Енсӧ.

Ап. керӧммез 4:10

Быдыс тіян коласісь да Израильын быд морт ась пондӧ тӧдны лоӧмыс йылісь. Назаретісь Кристос Исуссӧ тійӧ дорит пу бердӧ, но Еныс сійӧ ловзьӧтіс. Тіян одзӧ эта мортыс сувтіс веськалӧм Исусыс нимӧн.

Ап. керӧммез 4:30

Нюжӧт Ассит китӧ, Вежа Исус Зоныт нимӧн веськӧт отирсӧ, кер пассэсӧ да адззывлытӧммесӧ».

Ап. керӧммез 4:7

Нія апостоллэсӧ сувтӧтісӧ шӧрас да юасисӧ: «Кытшӧм вынӧн, кытшӧм нимӧн тійӧ веськӧтіт мортсӧ?»

Римын оліссезлӧ 3:22

Быд морт, кин бы сія эз вӧв, Кристос Исуслӧ веритӧмыс понда лоас Ен сьӧрті веськыта олісьӧн.

1 Коринфын оліссезлӧ 13:2

Ме верма Енсянь юӧртны, тӧда быдӧс тӧдлытӧмсӧ, быдпӧлӧссӧ вежӧрта. Ме ёна верита, верма нельки вештавны керӧссэз, а радейтӧмӧ кӧ абу, сэк ме абутӧм туйӧ.