Ап. керӧммез 28:8 - Бур Юӧр 2019

⁸ Публийыслӧн айыс шогаліс. Сія куйліс, кынӧм висьӧмсянь сотчис да. Павелыс пырис сы дынӧ. Сія кеймис да сы вылӧ киэсӧ пуктӧмӧн веськӧтіс сійӧ.

Ап. керӧммез 28:8 Mawu Ofanana

Ап. керӧммез 9:40

Петраыс быдӧннысӧ ыстіс ӧтӧрас, сувтіс пидзӧс вылӧ да кеймис. Кулӧмыслӧ сія висьталіс: «Тавифа! Чеччы». Тавифаыс осьтіс синнэсӧ, казяліс Петрасӧ да пуксис.

Марк 6:5

Сія эз вермы керны сэтчин адззывлытӧммесӧ, дзир кынымкӧ шогалісь вылӧ киэсӧ пуктылӧмӧн веськӧтіс нійӧ.

Марк 16:18

Кутасӧ кӧ кыйезӧс али мыйкӧ юасӧ, мыйсянь вермасӧ кувны, ныкӧт умӧльыс нем оз ло. Нія пуктасӧ киэзнысӧ шогаліссез вылӧ, и мӧддэс веськаласӧ».

Матвей 9:18

Исуслӧн баитӧм коста ны дынӧ локтіс ӧтік веськӧтлісь. Сія пидзӧс вылас пондіс корны: «Менам нылӧ ӧні кулӧ. Лок миянӧ, пуктыв сы вылӧ Ассит китӧ и сія пондас овны».

1 Коринфын оліссезлӧ 12:28

Вичкуас Еныс ӧтіккезӧс сувтӧтіс апостоллэзӧн, мӧдіккезӧс ─ Енсянь юӧртіссезӧн, куимӧттэзӧс ─ велӧтіссезӧн. Мукӧдлӧ сетіс верман-кужан козин керны адззывлытӧммез, мукӧдлӧ ─ веськӧтны шогӧттэзісь, кинлӧкӧ ─ отсасьны, кинлӧкӧ ─ кужны юравны, кинлӧкӧ ─ баитны мӧдік кыввез вылын.

1 Коринфын оліссезлӧ 12:9

Мукӧдыслӧ Сія жӧ Лолыс сетӧ веритӧм, кинлӧкӧ ─ шогӧттэзісь веськӧтан вын,

Матвей 10:8

Шогаліссесӧ веськӧтӧ, проказаӧссесӧ сӧстӧмтӧ, кулӧммесӧ ловзьӧтӧ, сэрпӧсь ловвесӧ вашӧтлӧ. Тійӧ весь босьтіт, весь и сеталӧ.

Матвей 10:1

Исусыс корис дынас даскыкнан велӧтчисьсӧ, сетіс нылӧ вын вашӧтлыны сэрпӧсь ловвесӧ, веськӧтны быдкодь шогӧттэз да висьӧммез.

Лука 13:13

Сія пуктыліс инькаыс вылӧ киэсӧ. Инькаыс сэк жӧ веськӧтчис да пондіс ошкыны Енсӧ.

Лука 4:40

Шонді пуксян кадӧ Исусыс дынӧ вайӧтісӧ быдкодь шогӧта отирӧс. Исусыс быд морт вылӧ киэсӧ пуктӧмӧн нійӧ веськӧтіс.

Марк 7:32

Сы дынӧ вайӧтісӧ мортӧс, кӧда эз кыв да умӧля баитіс. Вайӧтіссес корисӧ Сійӧ пуктывны мортыс вылӧ кисӧ.

Марк 5:23

Мортыс ӧддьӧн кеймисис: «Менам нылӧ кулӧ. Лок да пуктыв киэтӧ сы вылӧ, медбы сія веськаліс да кольччис ловья».

Матвей 12:13

Сэсся Исус шуис шогалісьыслӧ: «Нюжӧт китӧ». Мортыс сідз и керис. Сылӧн киыс веськаліс, лоис мӧдыс кодь.

Ап. керӧммез 28:7

Саридз шӧрын Мальта муас юраліс Публий. Сувтчанінным гӧгӧр муэс вӧлӧмась сылӧн. Сія миянӧс босьтіс дынас да куим лун сьӧрна ёрттэзӧс моз вердіс, юкталіс.

Ап. керӧммез 28:9

Сійӧ веськӧтӧм бӧрын Павелыс дынӧ эта муись вовлывлісӧ мӧдік шогаліссез. Нія быдӧнныс веськавлісӧ.