Ап. керӧммез 28:2 - Бур Юӧр 2019

² Сэтӧн олісь йӧзыс ӧддьӧн бура панталісӧ миянӧс. Сэк зэрис, вӧлі кӧдзыт. Миянӧс шонтны нія керисӧ би.

Ап. керӧммез 28:2 Mawu Ofanana

Еврейезлӧ 13:2

Эд вунӧтлӧ рочавны мунісь-локтіссесӧ. Мукӧдыс тӧдтӧг сідз рочавлӧмась гортаныс ангеллэзӧс.

Колосын оліссезлӧ 3:11

Ӧні иудей, мӧдік отир я, вундыштыштӧм, абу я вундыштыштӧм, варвар, скиф, раб, абу я раб ─ нія ӧтамӧдныскӧт озӧ янсӧтчӧ. Эстӧн эм дзир Кристос, Сія ─ быдӧс да быдӧсын!

Римын оліссезлӧ 1:14

Меным колӧ висьтасьны Бур Юӧрсӧ быдӧнныслӧ: греккезлӧ, мӧдік муэзісь йӧзлӧ, мывкыдаэслӧ да етша мый тӧдіссеслӧ.

2 Коринфын оліссезлӧ 11:27

Уджын вӧлі садь быртӧдз, унаись узьлытӧг, ютӧг, сёйтӧг, унаись кӧслуналі, олі кӧдзытын, пасьтӧг.

Ап. керӧммез 28:4

Йӧзыс казялісӧ ки вылӧ ӧшӧтчӧм кыйсӧ. Нія баитісӧ ӧтамӧдныслӧ: «Эта, тыдалӧ, морт вийись. Сія саридзсис мезмис, а вештісись еныс сійӧ оз мӧд кольны ловйӧн».

1 Коринфын оліссезлӧ 14:11

Ог кӧ ме вежӧрт висьталӧм кыввесӧ, сэк баитісьыслӧ ме мӧдік муын олісь. Сідз и баитісьыс меным мӧдік муись.

Матвей 10:42

Быльсӧ висьтала тіянлӧ: кин кӧдзыт ваӧн юкталас учӧтӧ пуктӧм мортсӧ кыдз Менчим велӧтчисьӧс, сія козинтӧг оз кольччы».

Ап. керӧммез 27:3

Мӧд лунас сувтчим Сидонын. Юлийыс Павелыскӧт видзсис небыта. Лэдзис сійӧ ветлыны ёрттэс дынӧ да босьтны туйын быдӧс коланасӧ.

Римын оліссезлӧ 2:27

Мортыс абу вундыштыштӧм, а олӧ Туйдӧтыс сьӧрті. Тэ тай колан кадӧ вундыштыштӧм, тӧдан Туйдӧтсӧ, а ачыт он ов сы сьӧрті. Оз я вермы сія мортыс осудитны тэнӧ?

Иоан 18:18

Вӧлі кӧдзыт. Раббез да Вежа Керку сьӧрын видзӧтіссез керисӧ би. Нія сувтісӧ биыс гӧгӧрӧ да шонтісисӧ. Сэтӧн ӧтлаын шонтісис и Петраыс.

Ап. керӧммез 28:3

Павелыс ӧктіс уввез да тэчис биас. Сэк бисис петіс кый да ӧшӧтчис Павел ки вылӧ.

Римын оліссезлӧ 14:1

Веритӧмас вынтӧм мортсӧ дынаныт босьтӧ сэтшӧмӧн, кытшӧм сія эм. Сыкӧт эд етшасьӧ мӧдмоза вежӧртӧмыс кузя.

Римын оліссезлӧ 14:3

Быд сёян сёйисьыс ась оз пукты асьсӧ вылына мортыс одзын, кӧда быд сёянсӧ оз сёй. Бӧрйисьӧмӧн сёйисьыс ась оз осудит быдӧс сёйисьсӧ. Еныс эд и сійӧ босьтӧм Аслас челядьӧн.