Ап. керӧммез 26:23 - Бур Юӧр 2019

²³ Ме висьтася: Кристос-Мездӧтісьыслӧ коліс пессьӧмӧн-мырсьӧмӧн кувны да медодззалӧ ловзьыны, медбы юӧртны югытсӧ иудей отирлӧ да мӧдік йӧзлӧ».

Ап. керӧммез 26:23 Mawu Ofanana

Матвей 26:24

Морт Зонкӧт сідз и лоас, кыдз Сы йылісь висьталӧм Вежа Гижӧттэзын. Но ӧддьӧн умӧль лоас Морт Зонсӧ вузалісь мортлӧ! Буржык бы сылӧ вӧлі, эз кӧ чуж бы».

Матвей 27:53

Нія петӧмась дзебсяніннэзсиныс. Исус ловзьӧм бӧрын нія пырисӧ вежа карас. Унаӧн адззылісӧ нійӧ.

Лука 2:32

Сія ─ Югытыс, Кӧда югдӧтас ентӧдтӧммесӧ, ваяс югьялӧмсӧ Тэнат Израиль отирлӧ.

Лука 24:26

Эз разь ков Кристос-Мездӧтісьыслӧ сідз пессьыны-мырсьыны да пырны Аслас югьяланінӧ?»

Лука 24:46

Исусыс велӧтчиссеслӧ висьталіс: «Вежа Гижӧттэзын висьталӧм сьӧрті Кристос-Мездӧтісьлӧ коліс пессьыны-мырсьыны, кувны, куимӧт лунас ─ ловзьыны.

Иоан 10:18

Менчим оланӧс озӧ мырддьӧ, Ме сійӧ Ачым сета. Оланӧс Ме верма сетны и верма бӧр босьтны. Сідз тшӧктіс керны Айӧ».

Иоан 11:25

Исусыс висьталіс: «Ме Ловзьӧтісь да олан Сетісь. Меным веритісьыс и кулас кӧ, пондас овны.

Ап. керӧммез 13:34

Еныс Исуссӧ ловзьӧтіс. Сідзкӧ, Сія оз ни берт сісьманас. Эта йылісь висьтавлӧм сідз: ─ Мый Ме кӧсйи Давидыслӧ, сійӧ сета тіянлӧ. Кӧсйӧмӧ вежа, оз вежсьы.

Ап. керӧммез 26:18

Тэ осьтан нылісь синнэзнысӧ. Велӧтан нійӧ пемытсис бергӧтчыны югытас, сотанаыс кипод увтісь ─ Ен дынӧ, медбы пондісӧ Меным веритны. Сэк веритӧмныс понда нылӧн умӧль керӧммезныс лоасӧ проститӧмӧсь. Нія лоасӧ ӧтлаын Енлӧн вежа отиркӧт".

Ап. керӧммез 26:8

Еныс кулӧммесӧ ловзьӧтӧ. Мыля тійӧ шуат, вермас я сэтшӧмыс лоны?

Ап. керӧммез 3:18

Еныс керис сійӧ, мый кӧркӧ висьтавлӧм Аслас юӧртіссез пыр, Кристос-Мездӧтісьлӧ пӧ ковсяс пессьыны-мырсьыны.

Ап. керӧммез 3:24

Самуил кадсянь Енсянь юӧртіссес быдӧнныс юӧртісӧ эна луннэз йылісь.

1 Коринфын оліссезлӧ 15:3

Ме висьтаси тіянлӧ медколанасӧ, мый ачым босьті сьӧлӧмам. Сія юӧрыс сэтшӧм: Кристосыс куліс миян умӧль керӧммез понда, кыдз и вӧлі гижӧм Вежа Гижӧтас.

2 Коринфын оліссезлӧ 4:4

Нія озӧ веритӧ. Му вылас ыждалісь кульыс нёрӧм нылісь вежӧрнысӧ, медбы нія эзӧ адззӧ Бур Юӧрлісь югдӧтӧмсӧ, кӧда осьтӧ Кристослісь югьялӧмсӧ. Кристосыс эд Асьнас мыччаліс миянлӧ Енсӧ.

Колосын оліссезлӧ 1:18

Сія вывтырыслӧн, вичкуыслӧн, Юрыс. Сія ─ быдӧс Пондӧтісь, кулӧмись медодзза Ловзись, медбы быдӧсын Сія вӧлі медодззаӧн.

Еврейезлӧ 2:10

Еныс быдӧс аркмӧтіс, быдӧс лоис Сы пыр. Сія уна отирӧс лӧсьӧтчӧм вайӧтны Аслас югьяланінӧ. Сійӧн Еныс лэдзис Исуссӧ, мезмӧмсӧ Сетісьсӧ, пессьыны-мырсьыны, медбы Сы пыр ештӧтны Ассис лӧсьӧтӧмсӧ.

Осьтӧм 1:5

да Кристос Исуссянь. Сія Висьталісьыс надейнӧй. Медодз Сія ловзис кулӧммес коласісь да юралӧ му вылас юраліссез вылын. Сія радейтӧ миянӧс. Аслас вирӧн Сія мездіс миянӧс умӧль керӧммезсиным,