Ап. керӧммез 26:18 - Бур Юӧр 2019

¹⁸ Тэ осьтан нылісь синнэзнысӧ. Велӧтан нійӧ пемытсис бергӧтчыны югытас, сотанаыс кипод увтісь ─ Ен дынӧ, медбы пондісӧ Меным веритны. Сэк веритӧмныс понда нылӧн умӧль керӧммезныс лоасӧ проститӧмӧсь. Нія лоасӧ ӧтлаын Енлӧн вежа отиркӧт".

Ап. керӧммез 26:18 Mawu Ofanana

1 Петра 2:9

А тійӧ Енлӧн бӧрйӧм увтыр, Ӧксулӧн вежауджаліссез. Еныс босьтіс тіянӧс Аслас вежа отирӧн. Сія тіянӧс пемытсис корис адззывлытӧм югытас. Тійӧ ӧні сувтӧтӧмӧсь висьтасьны Сылісь бурся-бур керӧмсӧ.

Ефесын оліссезлӧ 1:18

Сія ась югдӧтас тіянлісь сьӧлӧммезнытӧ, медбы вежӧртны, мый вылӧ тійӧ надейтчат. Сія надейтчӧмӧ Еныс тіянӧс и корис. Тіянлӧ колӧ вежӧртны, кытшӧм ыджыт да югьялан пай Сія лӧсьӧтӧм вежа отирлӧ

Ефесын оліссезлӧ 5:8

Тійӧ одзжык вӧліт пемытӧн, а ӧні Дӧсвидзиськӧт ӧтлаасьӧмсянь тійӧ лоитӧ югытӧн. Ӧні олӧ сідз, кыдз колӧ овны югытлӧн челядьлӧ.

Ап. керӧммез 20:32

Ӧні ме сета тіянӧс Ен киэзӧ да Енсянь бурсетӧм Кылыслӧ. Сія Кылыс тіянӧс вермас буржыка велӧтны. Быдӧс вежа отиркӧт ӧтлаын и тіянлӧ сетас кӧсйӧмсӧ.

2 Коринфын оліссезлӧ 4:6

Еныс эд тшӧктӧм югйӧвтны пемытінас югытыслӧ. Сія югдӧтіс миянлісь сьӧлӧммезнымӧс, медбы мийӧ Кристос Исус чужӧмын адззим Енлісь югьялӧмсӧ.

Иоан 8:12

Сыбӧрын Исусыс бӧра баитіс отирыскӧт. Сія нылӧ висьталіс: «Ме ─ отирлӧ югытыс. Ме сьӧрӧ мунісьыс оз понды ветлӧтны пемытын, сылӧн лоас олан сетісь югытыс».

Лука 1:79

Сія югдӧтас пемытінын, кулан вуджӧрын пукаліссесӧ. Иньдӧтас миянлісь коккезнымӧс лӧнь оланӧ.

Ефесын оліссезлӧ 4:18

Нылӧн вежӧрныс пемдӧм. Сійӧн Енлӧн сетӧм оланісь нія ылӧ вешшӧмась. Нія озӧ тӧдӧ Енсӧ, сьӧлӧмнысӧ чорзьӧтӧмась да.

2 Коринфын оліссезлӧ 6:14

Кристоссӧ тӧдтӧммескӧт ӧтік сийӧсӧ эд пырӧ. Мый ӧтласаыс Ен сьӧрті веськыта олӧмыслӧн да умӧльсӧ керӧмыслӧн? Мый ӧтласаыс югытыслӧн да пемытыслӧн?

2 Коринфын оліссезлӧ 4:4

Нія озӧ веритӧ. Му вылас ыждалісь кульыс нёрӧм нылісь вежӧрнысӧ, медбы нія эзӧ адззӧ Бур Юӧрлісь югдӧтӧмсӧ, кӧда осьтӧ Кристослісь югьялӧмсӧ. Кристосыс эд Асьнас мыччаліс миянлӧ Енсӧ.

1 Иоан 3:8

Умӧльсӧ керисьыс кульсянь. Медодз кадсянь ӧнӧдз сія керӧ умӧльсӧ. А Ен Зон локтіс, медбы разьны сылісь уджсӧ.

Ап. керӧммез 2:38

Петраыс висьталіс нылӧ: «Бергӧтчӧ умӧль керӧммезныт дынісь да Кристос Исус нимӧн пыртчӧ, медбы Еныс проститіс умӧль керӧммезнытӧ. Сэк Сія козьналас тіянлӧ Вежа Ловсӧ.

1 Иоан 5:19

Мийӧ тӧдамӧ: мийӧ Енсянь. А му вылісьыс тай быдсӧн тырӧм умӧльнас.

1 Иоан 1:9

Висьталам кӧ Еныслӧ ассиным умӧль керӧммезнымӧс, нійӧ Сія проститас, миянӧс весӧтас быд умӧль керӧмись. Сія эд веськыта керӧ, оз вежлы кывсӧ.

Ап. керӧммез 20:21

Иудейесӧ да мӧдік отирсӧ тшӧкті бергӧтчыны Енлань да веритны миян Дӧсвидзись Кристос Исуслӧ.

Лука 24:47

Ерусалимсянь пондӧтчӧмӧн колӧ Сы нимӧн юӧртны быд отирпӧлӧслӧ умӧль керӧммез дынісь бергӧтчӧм да нійӧ проститӧм йылісь.

Осьтӧм 21:27

Нем сэрпӧсьыс сэтчӧ оз пыр. Озӧ пырӧ сэрпӧсьсӧ кериссес да бӧбӧтчиссес. Пырасӧ сэтчӧ дзир нія, кӧдналӧн ниммес гижӧмась Дзельлӧн Олан небӧгӧ.

1 Петра 2:25

Тійӧ вӧліт ӧшӧм баляэз кодьӧсь. Ӧні бертіт тіян сьӧрын Видзӧтісь дынӧ, тіянлісь ловнытӧ Видзись дынӧ.

Еврейезлӧ 11:6

Вериттӧг Ен сьӧрті он вермы керны. Еныс дынӧ локтісьлӧ колӧ веритны: Еныс эм, и Сійӧ кошшись мортлӧ Сія сетас козинсӧ.

Ап. керӧммез 13:47

Сідз миянӧс тшӧктіс Медвылісьыс: ─ Ме Тэнӧ сувтӧті югдӧтны ентӧдтӧм отирсӧ, медбы Тэ пыр мезмисӧ му пасьта оліссес».

Ап. керӧммез 15:9

Сія миянӧс ны дынісь немӧн эз янсӧт. Нылісь сьӧлӧммезнысӧ сӧстӧмтіс веритӧмныс пыр.

Ап. керӧммез 5:31

Еныс Сійӧ пуксьӧтіс веськыт ладорас Юралісьӧн да Мездӧтісьӧн, медбы Израильыс бергӧтчис умӧль керӧммес дынісь да вӧлі проститӧм.

Иоан 9:5

Кытчӧдз Ме му вылас, Ме ─ отирлӧ югытыс».

Иоан 3:19

Енлӧн судыс то мый понда: му вылас локтіс югытыс, отирыс тай асланыс лёк керӧммезныс кузя ӧддьӧнжык радейтісӧ пемытсӧ.

1 Иоан 2:12

Гижа тіянлӧ, челядь. Тіян умӧль керӧммезныт Кристос ним понда проститӧмӧсь.

1 Петра 1:4

Надейтчам босьтны и Еныслісь миянлӧ лӧсьӧтӧм пайсӧ, кӧда сӧстӧм, оз сісьмы да оз рушмы. Сійӧ тіянлӧ видзӧны енӧжас.

Иоан 17:17

Кер нійӧ вежаэзӧн Аслат быльӧн. Быльыс ─ Тэнат Кылыт.

Лука 1:77

Енлӧн отирлӧ юӧртан мезмӧмныс йылісь да умӧль керӧммезнысӧ проститӧм йылісь.

Иуда 1:1

Гижӧ Иуда, Кристос Исуслӧн раб, Яковлӧн вон. Гижӧмӧс ыста Енлӧн корӧммезлӧ. Ен Айным керис тіянӧс вежа отирӧн, а Кристос Исусыс видзӧ тіянӧс.

Яков 2:5

Менам дона воннэзӧ, кывзӧ! Еныс бӧрйис му вывсис умӧля оліссесӧ, медбы сетны нылӧ ёна веритӧмсӧ да Ассис Юраланінсӧ. Этӧ кӧсйис сетны Сійӧ радейтіссезлӧ.

Еврейезлӧ 10:14

Сія Асьсӧ ӧтпыр сетӧмӧн вежа отирсӧ керис быдсӧн буррезӧн пыр кежӧ.

Галатияын оліссезлӧ 3:14

Сідз вӧлі керӧм, медбы Авраамыслӧ сетӧм бласлӧвитӧмыс Кристос Исусыс пыр паськаліс быд отирлӧ. Ӧні мийӧ веритӧмнаным вермам босьтны кӧсйӧм Вежа Ловсӧ.

Лука 24:45

Сія велӧтіс нійӧ вежӧртны Вежа Гижӧттэзын висьталӧмсӧ.

2 Тимофейлӧ 2:26

Нія сэк казясясӧ да мезмасӧ кульлӧн налькись. Сія эд видзӧ нійӧ аслас кипод увтын.

Ефесын оліссезлӧ 2:8

Веритӧмныт понда Сія Аслас бурсетӧмӧн тіянӧс мездіс. Мездӧмыс ─ Енсянь козин, сія абу тіян вынсьӧтчӧмсянь.

Ефесын оліссезлӧ 1:11

Кристоскӧт ӧтлаасьӧмсянь мийӧ лоим Енлӧн челядьӧн. Миянӧс Еныс кӧркӧсянь ни вӧлі бӧрйӧм да лӧсьӧтӧм миянлӧ пай. Сія эд быдӧс керӧ сідз, кыдз Сылӧ колӧ.

1 Коринфын оліссезлӧ 1:30

Тіянӧс Еныс ӧтлаӧтіс Кристос Исусыскӧт. Сія миянлӧ Енсянь мывкыд. Сія миянӧс мездіс, керис Ен сьӧрті веськыта оліссезӧн да вежа отирӧн.

Лука 4:18

─ Дӧсвидзисьлӧн Лолыс Ме вылын. Сія сувтӧтіс Менӧ мавтӧмӧн, ыстіс висьтасьны кориссезлӧ Бур Юӧр, веськӧтны дойдӧм сьӧлӧммесӧ, домӧттэзын мырсиссезлӧ юӧртны мезмӧмсӧ, синтӧммезлісь осьтны синнэзнысӧ, мездӧтны отир кипод увтын маитчиссесӧ,

Лука 2:32

Сія ─ Югытыс, Кӧда югдӧтас ентӧдтӧммесӧ, ваяс югьялӧмсӧ Тэнат Израиль отирлӧ.

Матвей 4:16

Пемытын олісь отир казяліс дзар югытсӧ. Кулан вуджӧр увтын оліссеслӧ югытыс югйӧвтіс.

Еврейезлӧ 10:10

Кристос Исусыс керис Еныс сьӧрті. Сія Ассис вывтырсӧ вайис езъялан козиннас ӧтпырись. Сійӧн ӧтпырисьнас мийӧ лоим вежаӧсь пыр кежӧ.

Еврейезлӧ 9:15

Сійӧн Исусыс лоис Ен да отир коласын Виль Йитӧтсӧ Керисьӧн. Еныслісь бӧрйӧммесӧ Сія Аслас кулӧмӧн мездӧтіс умӧль керӧммезсиныс. Нія керисӧ умӧльсӧ важ йитӧтыс дырни. Сійӧн бӧрйӧммес босьтӧны кӧсйӧмсӧ пыр кежӧ.

Ефесын оліссезлӧ 5:14

Сійӧн и висьталӧм: ─ Узись, саймы, ловзьы кулӧммес коласісь, сэк тэнӧ Кристосыс югдӧтас!

Ефесын оліссезлӧ 1:14

Вежа Лолыс висьталӧ: Еныслісь кӧсйӧм пайсӧ миянлӧ сетасӧ. Сійӧ сетасӧ, кӧр Еныс Ассис отирсӧ быдсӧн мездас. Дак ошкам Енлісь югьялан вынсӧ!

Ефесын оліссезлӧ 1:7

Кристосыс Аслас вирӧн вештісис миян понда. Ӧні миян умӧль керӧммезным проститӧмӧсь. Сэтшӧм Сылӧн ыджытся-ыджыт бурсетӧмыс!

Галатияын оліссезлӧ 3:2

Меным ӧтікӧ колӧ тӧдны тіянсянь: мый понда тіянлӧ вӧлі сетӧм Вежа Лолыс? Туйдӧт сьӧрті керӧмныт понда али кылӧм Бур Юӧрас веритӧмныт понда?

Галатияын оліссезлӧ 2:20

Ӧні ме ог ни ов, ме пытшкын олӧ Кристосыс. Вывтырам овтӧн ола Енлӧн Зонлӧ веритӧмнам. Сія менӧ радейтӧ, Асьсӧ сетіс ме понда.

1 Коринфын оліссезлӧ 1:2

Гижам Коринфӧ Енлӧн вичкулӧ. Еныс корис тіянӧс лоны вежа отирӧн. Вежаэзӧн тійӧ лоит Кристос Исускӧт ӧтлаасьӧмсянь. Гижам и мӧдіккезлӧ, кӧдна быдлаын миян моз корӧны Дӧсвидзись Кристос Исуссӧ нимнас.

Римын оліссезлӧ 8:17

Сылӧн челядь кӧ, сэк и мийӧ Кристосыс моз Еныс увтырись. И мийӧ сэк ӧтвылісь Кристосыскӧт босьтам Сылісь кӧсйӧмсӧ. Кристоскӧт ӧтлаын кӧ пессям-мырсям, сэк югьяланінас Сыкӧт ӧтлаын лоам.

Ап. керӧммез 26:23

Ме висьтася: Кристос-Мездӧтісьыслӧ коліс пессьӧмӧн-мырсьӧмӧн кувны да медодззалӧ ловзьыны, медбы юӧртны югытсӧ иудей отирлӧ да мӧдік йӧзлӧ».

Ап. керӧммез 10:43

Енсянь юӧртіссес быдӧнныс висьтавлӧмась Исусыс йылісь: "Быдӧнныслӧн, кӧдна веритӧны Исуслӧ, умӧль керӧммезныс Исусыс нимӧн лоасӧ проститӧмӧсь"».

Ап. керӧммез 3:19

Сідзкӧ, бергӧтчӧ умӧль керӧммезныт дынісь Енлань, медбы Сія лэдзис тіянлісь умӧль керӧммезнытӧ!

Иоан 9:39

Сэк Исусыс шуис: «Ме локті му вылас суд чулӧтны, медбы синтӧммес пондісӧ адззыны, а синаэс дугдісӧ адззыны».

Иоан 4:14

Кин пондас юны васӧ, кӧдӧ Ме сета, сылӧн некӧр оз понды косьмыны горшыс. Менам ваӧ мортыс пытшкын лоас ва петанінісь визывтан шорӧн, кӧда сетӧ пырся олан».

Иоан 4:10

Исусыс сылӧ висьталіс: «Тэ он тӧд Еныслісь козинсӧ. Тэ он тӧд, Кин тэныт висьталіс этнӧ кыввесӧ: "Юктав Менӧ ванат!" Кӧбы тӧдін, сэк ачыт бы корин Сылісь, и Сія сетіс бы тэныт ловья ва».

Матвей 4:10

Исусыс висьталіс: «Вешшы ме дынісь, сотана! Вежа Гижӧтыс тай висьталӧ: "Аслат Дӧсвидзись Енлӧ копрась, Сылӧ ӧтнаслӧ кысъяв!"»

Ап. керӧммез 26:19

Агриппа ӧксу! Енӧжсянь мыччалӧмсӧ ме кывзіси, эг понды пыксьыны.

Ефесын оліссезлӧ 5:11

Пемытас оліссез моз эд керӧ сійӧ, мыйись оз пет бурыс. Асьныт веськыта висьталӧ нылӧ умӧльсӧ керӧмныс йылісь.

Ефесын оліссезлӧ 6:12

Мийӧ огӧ пессьӧ отиркӧт, пессям лёк выннэскӧт да ыждаліссескӧт. Тышкасям сэрпӧсь ловвеслӧн юралісь-веськӧтліссескӧт, кӧдна му вылісь пемытас ыждалӧны. Пессям енӧжись лёк ловвескӧт.