Ап. керӧммез 24:7 - Бур Юӧр 2019

⁷ Но сэтчӧ локтіс сюрсӧн веськӧтлісь Лисий. Сія ыджыт вынӧн мырддис мортсӧ миян киэзісь да ыстіс тэ дынӧ.

Ап. керӧммез 24:7 Mawu Ofanana

Ап. керӧммез 21:31

Нія Павелсӧ мӧдісӧ вийны, но сюрс воинӧн веськӧтлісьлӧ висьталісӧ Ерусалим пасьта отирлӧн лэбтісьӧм йылісь.

Ап. керӧммез 21:35

Отирыс быд ладорсянь зэлӧтчис. Сійӧн поспуэз вылӧттяс воиннэслӧ ковсис нуӧтны сійӧ киэз выланыс.

Ап. керӧммез 23:10

Вермасьӧмныс-горӧтлӧмныс содіс. Сюрс воинӧн веськӧтлісьыс повзис, Павелсӧ вермасӧ летны. Сэк воиннэсӧ тшӧктіс Павелсӧ петкӧтны ны коласісь да нуӧтны сайӧвтчанінас.

Ап. керӧммез 23:23

Сюрсӧн веськӧтлісьыс дынас корис сёӧн веськӧтліссесӧ кыкӧс. Нылӧ тшӧктіс лӧсьӧтны подӧна воиннэсӧ кыксёӧ, верзьӧмаэсӧ ─ сизимдасӧ, шы новйӧтіссесӧ ─ кыксёӧ. Ӧкмыс часӧ рытнас нылӧ колӧ пӧ мунны Кесарияӧ.

Ап. керӧммез 24:6

Сія мӧдіс нельки Вежа Керкусӧ сэрпӧсьтны. Мийӧ сійӧ кутім. Мӧдім сыкӧт бӧрйисьны миян Туйдӧт сьӧрті.

Ап. керӧммез 24:8

Тшӧктіс и миянлӧ локны тэ дынӧ. Эта морт йылісь висьталӧмнымӧс тэ быдӧс верман тӧдмавны ассяняс».