Ап. керӧммез 22:5 - Бур Юӧр 2019

⁵ Сідз керӧмӧ йылісь вермасӧ висьтасьны аркирейыс да бӧрйӧм пӧриссес. Нысянь ме босьті Дамаскас иудей отирлӧн юраліссезлӧ гижӧт. Ме муні Исуслӧ веритіссесӧ домалӧмӧн вайӧтны Ерусалимӧ, медбы нійӧ сетны мыжйыны.

Ап. керӧммез 22:5 Mawu Ofanana

Лука 22:66

Асъяпоннас ӧксьӧм судитан чукӧрыс: бӧрйӧм пӧриссес, аркирейес да Туйдӧтӧ велӧтіссес. Ны одзӧ вайӧтісӧ Исуссӧ.

Ап. керӧммез 1:15

Ӧтік лунӧ ӧтлаӧ ӧксисӧ сё кыкдас гӧгӧр Исуслӧн велӧтчись. Сэк Петраыс сувтіс ны коласӧ да горӧтчис: «Воннэзӧ! Вежа Лов вынӧн Давидыс одзлань висьтавлӧм Иудаыс йылісь. Эта йылісь лыддьӧтам Вежа Гижӧтсис. Кыдз кӧркӧ висьталӧм Давидыс, ӧні сідз и лоис. Исуссӧ кутіссезлӧ туйсӧ мыччаліс Иудаыс.

Ап. керӧммез 13:26

Воннэзӧ, Авраам увтырись челядь да Енсис поліссез! Тіянлӧ ыстӧм эта мездан юӧрыс.

Ап. керӧммез 2:29

Воннэзӧ! Лэдзӧ меным веськыта висьтавны Давид айным йылісь тӧдӧмӧс. Давидыс кулӧм да вӧлі дзебӧм. Сылӧн шойнаыс ӧнӧдз сулалӧ миян дынын.

Ап. керӧммез 22:1

Павелыс пондіс баитны: «Айез, воннэз! Ӧні кывзӧ тіян одзын дорйисян кылӧс».

Ап. керӧммез 23:1

Павелыс видзӧтӧв-керис Судитан чукӧр вылӧ да висьталіс: «Воннэз! Ме Ен одзын ӧння лунӧдз олі сӧстӧм сьӧлӧмӧн».

Ап. керӧммез 23:6

Павелыс казяліс: ӧксьӧммес ӧт джыныс вӧлісӧ садукейез, мӧд джыныс ─ фарисейез. Сэк сія горӧн висьталіс: «Воннэзӧ! Ме фарисей, фарисейлӧн зон. Менӧ судитӧны кулӧммезісь ловзьӧмӧ веритӧм понда».

Ап. керӧммез 26:10

Ерусалимын ме сійӧ и кери. Аркирейез тшӧктӧм сьӧрті ме Исус сьӧрті оліссесӧ унаӧс пуксьӧті. Нійӧ вийиссескӧт ме вӧлі ӧтдор.

Ап. керӧммез 26:11

Синагогаэзас ме унаись нійӧ вартлі. Тшӧктывлі нійӧ видны Исуссӧ. Сы велӧтӧм сьӧрті оліссез вылӧ лёксялӧмувьям ме вӧтлісьлі сьӧраныс нельки йӧз каррезын.

Ап. керӧммез 26:12

Аркирейез тшӧктӧм сьӧрті ме сы понда иньдӧтчи Дамаскӧ.

Ап. керӧммез 28:17

Куим лун бӧрті Павелыс корис иудейеслісь веськӧтліссесӧ. Нія ӧксисӧ. Павелыс нылӧ висьталіс: «Воннэзӧ! Ме эг кер умӧльсӧ миян отирлӧ, айезным моз олӧмлӧ. Но Ерусалимын менӧ кӧрталӧмӧн сетісӧ Рим отир киэзӧ.

Ап. керӧммез 28:21

Мӧддэс висьталісӧ сылӧ: «Иудеясянь тэ йылісь гижӧттэз эзӧ вӧлӧ. Вовлывлісӧ воннэзным. Нія эзӧ юӧртӧ тэ йылісь, умӧльсӧ эзӧ баитӧ.

Ап. керӧммез 3:17

Воннэзӧ! Ме эд тӧда: тійӧ веськӧтліссезныткӧт керитӧ сідз тӧдтӧг.

Ап. керӧммез 4:5

Мӧд лунас Ерусалимас ӧксисӧ иудейезлӧн веськӧтліссез, бӧрйӧм пӧриссез да Туйдӧтӧ велӧтіссез.

Ап. керӧммез 5:21

Апостоллэс сідз и керисӧ, одз асывнас пырисӧ Вежа Керкуӧ да велӧтісӧ. Сы коста аркирейыс аслас отиркӧт ӧктӧм иудейеслісь Судитан чукӧрсӧ да Израиль отирлісь бӧрйӧм пӧриссесӧ. Ӧксьӧммес ыстӧмась вайӧтны пуксьӧтӧм апостоллэсӧ.

Ап. керӧммез 9:14

Сія локтіс аркирейезсянь гижӧтӧн, медбы и татӧн вермис кутны Тэнӧ нимнат быд корисьсӧ».

Галатияын оліссезлӧ 1:13

Тійӧ эд кывлітӧ иудейезлӧн велӧтӧммез сьӧрті менам одззася олӧм йылісь. Ме лёка вашӧтлі Еныслісь Вичкусӧ, мӧді пӧдтыны сійӧ.

Филипын оліссезлӧ 3:6

Ме быд вынісь вашӧтлі Кристослісь вичкусӧ, Сылӧ веритіссесӧ. Видзӧтны кӧ Моисейлӧн Туйдӧт сьӧрті, ме веськыта олі, ме сайын эз вӧв умӧль керӧмыс.

1 Тимофейлӧ 4:14

Видз тӧдвылат тэныт сетӧм верман-кужан козинсӧ. Сія сетӧм Енсянь юӧртісь кыв сьӧрті, вичкуын веськӧтліссеслӧн ки пуктӧм пыр.