Ап. керӧммез 22:3 - Бур Юӧр 2019

³ «Ме иудей, чужи Киликияись Тарсын, но быдми татӧн, эта карын. Гамалиил менӧ бура велӧтіс миян айезлӧн Туйдӧтӧ. Ме тіян моз Еныс дор ёна сулалі.

Ап. керӧммез 22:3 Mawu Ofanana

Лука 10:39

Сылӧн вӧлі Мария нима сой. Марияыс Исусыс коккез дынӧ пуксьӧмӧн кывзіс Сылісь баитӧмсӧ.

Лука 2:46

Куим лун бӧрті Исуссӧ адззисӧ Вежа Керкуись. Сія пукаліс велӧтіссез коласын, юасис нылісь да кывзіс.

Лука 8:35

Отирыс петісӧ видзӧтны лоӧмсӧ. Нія локтісӧ Исусыс дынӧ. Сы коккез дынісь казялісӧ мортсӧ, кӧдаись петісӧ сэрпӧсь ловвес. Мортыс вӧлі паськӧма, веськалӧм мывкыда. Сійӧ казялӧмсянь отирыс повзисӧ.

Ап. керӧммез 11:25

Варнаваыс сэсся муніс Тарс карӧ кошшыны Савлсӧ. Сэтчин сійӧ адззис да вайӧтіс Антиокия карас.

Ап. керӧммез 15:23

Гижисӧ да иньдісӧ ныкӧт сэтшӧм гижӧт: «Пым юӧр тіянлӧ! Мийӧ ─ апостоллэз, вичкуын веськӧтліссез да веритіссез ─ гижам Антиокияись, Сирияись да Киликияись воннэзлӧ, быд отирись веритіссезлӧ.

Ап. керӧммез 15:41

Нія мунісӧ Сирия да Киликия муэзӧт. Сэтчин вичкуэзісь веритіссесӧ вынсьӧтісӧ-велӧтісӧ.

Ап. керӧммез 21:20

Нія кывзісӧ сійӧ да ошкисӧ Енсӧ. Павелыслӧ висьталісӧ: «Вонным, тэ тӧдан, иудейез коласісь унася-уна отир пондісӧ веритны. Но нія эд быдӧнныс Моисейлӧн Туйдӧт дор ёна сулалӧны.

Ап. керӧммез 21:39

Павелыс висьталіс: «Ме иудей, Тарс карись. Киликиясис сійӧ карсӧ тӧдӧ быдыс. Кора, лэдз менӧ баитны отир одзын».

Ап. керӧммез 23:34

Юралісьыс лыддьӧтіс гижӧтсӧ. Сія юаліс Павеллісь чужанінсӧ. Мӧдыс висьталіс: «Ме Киликияись». Юралісьыс шуис:

Ап. керӧммез 23:6

Павелыс казяліс: ӧксьӧммес ӧт джыныс вӧлісӧ садукейез, мӧд джыныс ─ фарисейез. Сэк сія горӧн висьталіс: «Воннэзӧ! Ме фарисей, фарисейлӧн зон. Менӧ судитӧны кулӧммезісь ловзьӧмӧ веритӧм понда».

Ап. керӧммез 26:5

Нія вермасӧ ме йылісь висьтасьны. Нія менӧ важынсянь тӧдӧны. Ме олі фарисейезлӧн велӧтӧм сьӧрті. Иудейезлӧн сія медчорыт велӧтӧм.

Ап. керӧммез 26:9

Одзжык и ме юрам сідз пыртлі: меным, мыся, колӧ ёна сувтны Назаретісь Исус нимлӧ паныт.

Ап. керӧммез 5:34

Сэк Гамалиил нима Туйдӧтӧ велӧтісь сувтіс Судитан чукӧр одзӧ. Сія вӧлі фарисей. Отир коласын сійӧ вылына пуктісӧ. Гамалиилыс тшӧктіс апостоллэсӧ сэтісь петкӧтлыны.

Ап. керӧммез 6:9

Киринеяись да Александрияись сідз шусяна «мезмӧм раббезлӧн синагогаись» киннэзкӧ, эшӧ Киликияись да Асияись локтӧм иудейес пондісӧ Стефаныскӧт етшасьны.

Ап. керӧммез 9:1

Дӧсвидзисьлӧн велӧтчиссез вылӧ Савлыслӧн одззамоз петіс лӧгыс. Сія нійӧ быдӧннысӧ мӧдіс вийны. Сійӧн локтіс аркирей дынӧ.

Ап. керӧммез 9:11

Дӧсвидзисьыс висьталіс Ананийыслӧ: «Чеччы, мун Веськыт нима туй дорись Иуда керкуӧ. Сэтчин юав мортӧс, кӧда чужис Тарсын, нимыс сылӧн Савл. Ӧні сія кеймӧ.

Ап. керӧммез 9:30

Эта йылісь кылӧм бӧрын воннэз ыстісӧ Савлсӧ Кесарияӧ, сэтчинсянь ─ Тарс карӧ.

Римын оліссезлӧ 11:1

Сідзкӧ, юася: колис разь Еныс Ассис отирсӧ? Эз эд. Ме и ачым Израиль отирись, Авраам чужан вужись, Вениамин увтырись.

2 Коринфын оліссезлӧ 11:22

Нія иудейез? И ме иудей. Израиль отир? Сідз и ме. Нія Авраам увтырись? И ме.

Галатияын оліссезлӧ 1:14

Менам годсяэз коласын ме медуна кери Иудейез велӧтӧм сьӧрті олӧм понда. Ме ёна сулалі айезнымлӧн тшӧктӧммез дор.

Галатияын оліссезлӧ 1:21

Сы бӧрсянь муні Сирияӧ да Киликияӧ.