Ап. керӧммез 21:13 - Бур Юӧр 2019

¹³ Сэк Павелыс висьталіс: «Мый тійӧ керат? Мый горзат? Мыйлӧ сьӧлӧмӧс дойдат? Кутӧмсис да пуксьӧтӧмсис ме ог пов, лӧсьӧтчи нельки кувны Ерусалимас Дӧсвидзись Исус ним понда».

Ап. керӧммез 21:13 Mawu Ofanana

Ап. керӧммез 20:24

Ме эд нем вылӧ ог видзӧт, ог видзсьы оланӧ бердӧ. Дзир гаж сьӧлӧмӧн бы медбӧрӧдз мунны олан туйӧс да ештӧтны Дӧсвидзись Исуссянь босьтӧм уджӧс: висьтасьны Енлӧн бурсетӧм йылісь Бур Юӧрсӧ.

Филипын оліссезлӧ 2:17

Ме уджала тіян веритӧм понда. И ковсяс кӧ меным тіян понда нельки кисьтны ассим вирӧс да вайны ачымӧс езъялан козин туйӧ, ме и сэк гажма. Понда гажӧтчыны тіянкӧт ӧтлаын.

2 Тимофейлӧ 4:6

Локтіс кад меным мунны му вывсис, ме ─ езъяланін вылӧ пуктыны лӧсьӧтӧм козин кодь.

Осьтӧм 12:11

Миян воннэзным вермисӧ сійӧ Дзельлӧн вирӧн да асланыс висьтасьӧмӧн. Нія эзӧ видзсьӧ оланныс бердӧ, эзӧ полӧ кулӧмсис.

Колосын оліссезлӧ 1:24

Ӧні, тіян понда пессьӧмӧ коста, менам сьӧлӧм вылам гаж. Му вылас менам пессьӧм-мырсьӧмӧ лоӧ содтӧтӧн Кристослӧн пессьӧм-мырсьӧм дынӧ. Ме мырся Кристослӧн вывтыр понда, а Сылӧн вывтырыс ─ вичкуыс.

2 Петра 1:14

Тӧда эд, чожа меным ковсяс кольны этӧ му вылісь гортӧс ─ вывтырӧс. Меным сійӧ осьтіс миян Дӧсвидзись Кристос Исусным.

Ап. керӧммез 20:37

Сэк быдӧнныс ӧддьӧн горзісӧ, Павеллӧ голя бердас кутчисьӧмӧн окалісӧ сійӧ.

Ап. керӧммез 5:41

Судитанінсис мунтӧн апостоллэс гажмисӧ. Нійӧ эд вартлісӧ-умӧльтісӧ Дӧсвидзись Исус ним понда. Сідзкӧ, нія Еныслӧ туяна отир.

Осьтӧм 3:10

Тэ кывзін Менӧ, мылаыт быртӧг видзсин. Сійӧн и Ме видза тэнӧ сьӧкыт кадӧ. Сія сьӧкытыс лоас быдсӧн муыс пасьта, медбы тӧдмавны-видзӧтны му вылісь оліссесӧ.

2 Тимофейлӧ 1:4

Видза тӧдвылам тэнчит синватӧ. Сійӧн ӧддьӧн мӧда адззисьлыны тэкӧт. Сэк вӧлись сьӧлӧмӧ гажмас.

1 Коринфын оліссезлӧ 15:31

Воннэзӧ, висьтала быльсӧ: ме ошшася тіянӧн Дӧсвидзись Кристос Исус одзын. И сія быль: ме быд лун кулӧм одзын.

Ап. керӧммез 9:16

Ме Савлыслӧ мыччала, мымда пессьӧм-мырсьӧмыс сылӧ усяс Менам ним понда».

Филипын оліссезлӧ 2:26

Сія ӧддьӧн мӧдіс тіянӧс быдӧннытӧ адззывны. Тіянлӧ пӧ кывсьӧм сы шогалӧм йылісь, сійӧн сія тӧждісис.