Ап. керӧммез 20:7 - Бур Юӧр 2019

⁷ Неделяын медодзза лунӧ велӧтчиссес ӧксисӧ нянь чеглалӧм понда. Павелыс баитіс ныкӧт. Сёрнитӧмныс кыссис ойшӧрӧдз, мӧд лунас Павелыс лӧсьӧтчис мунны да.

Ап. керӧммез 20:7 Mawu Ofanana

Марк 16:9

Шоччисян лун бӧрын асъяпоннас Исусыс ловзис. Сія медодз мыччасис Магдала Мариялӧ, кӧда пытшкись вашӧтіс сизим сэрпӧсь лов.

Лука 22:19

Сэсся босьтіс нянь, буркывтіс Енсӧ, чегис да велӧтчиссеслӧ сетікӧ шуис: «Эта Менам Вывтырӧ. Сія лоас сетӧм тіян понда. Сідз керӧ Менӧ тӧдвыланыт видзӧм могись».

Лука 24:35

Кыкыс сідз жӧ висьтасисӧ туй вылас лоӧм йылісь да няньсӧ чегӧтӧм коста Исуссӧ тӧдӧм йылісь.

Иоан 20:1

Шоччисян лун бӧрын асъяпоннас Магдала Мария локтіс дзебсяніныс дынӧ. Ӧтӧрас абу на вӧлі югдӧм. Сія казяліс: пыранінсӧ пӧдналан изыс вӧлі вештӧм.

Иоан 20:19

Сія жӧ рытӧ Исуслӧн велӧтчиссес ӧксисӧ ӧтлаӧ. Керку ыбӧссэсӧ пӧдналісӧ, полісӧ иудейезісь да. Видзчисьтӧг локтіс Исусыс, сувтіс ны коласӧ да шуис: «Лӧнь олан тіянлӧ!»

Иоан 20:26

Чулаліс кыкьямыс лун. Исуслӧн велӧтчиссес бӧра ӧксисӧ керкуӧ. Ныкӧт вӧлі и Фомаыс. Керку ыбӧссэс вӧлісӧ пӧданаӧсь. Сэтчӧ локтіс Исусыс, сувтіс ны коласӧ да шуис: «Лӧнь олан тіянлӧ!»

Ап. керӧммез 16:10

Мыччалӧмыс бӧрсянь мийӧ падмӧтчытӧг лӧсьӧтчим мунны Македония муӧ. Мийӧ вежӧртім: Дӧсвидзисьыс миянӧс корӧ сэтчин висьтасьны Бур Юӧрсӧ.

Ап. керӧммез 2:42

Веритіссес пыр олісӧ апостоллэз велӧтӧм сьӧрті, ӧксьывлісӧ чеглавны нянь да кеймыны.

Ап. керӧммез 2:46

Ӧтікӧ юрын видзӧмӧн быд лун ӧксьывлісӧ Вежа Керкуын. Горттэзын ӧтлаӧ ӧксьӧмӧн чеглавлісӧ нянь да сёйисӧ осьта гаж сьӧлӧмӧн.

Ап. керӧммез 20:11

Павелыс бӧр кайис жырас, чегӧтіс нянь да сёйис. Сія баитіс югдандорӧдззас, сэсся муніс.

Ап. керӧммез 20:31

Сідзкӧ, лоӧ лӧсьӧтчӧмӧсь да эд вунӧтӧ, кыдз ме куим во сьӧрна ой и лун синва пыр дугдывтӧг велӧті тіян коласісь быдӧннытӧ.

Ап. керӧммез 20:5

Нія мунісӧ одзжык да видзчисисӧ миянӧс Троадаын.

Ап. керӧммез 20:9

куимсувда керкуын. Ӧшын вылас пукаліс Евтик нима том морт. Павелыслӧн сёрнитӧмыс кыссис дырӧдз, сійӧн зонкаыс ланьтӧм кыз онӧн да узикас усис улӧ. Му вывсис сійӧ лэбтісӧ кулӧмӧс.

Ап. керӧммез 28:23

Иудейес висьталісӧ сылӧ пантасян лун. Сія лунӧ унаӧн локтісӧ Павеллӧн олан керкуӧ. Павелыс асывсянь рытӧдз нылӧ висьтасис Енлӧн Юралӧм йылісь велӧтӧмсӧ. Осьтіс нылӧ Моисейлӧн Туйдӧт сьӧрті да Енсянь юӧртіссез сьӧрті Исус йылісь гижӧмсӧ.

1 Коринфын оліссезлӧ 10:16

Мийӧ дари доз дорын ошкам Енсӧ. Сэтісь юыштӧм коста мийӧ огӧ разь ӧтлаасьӧ Кристослӧн Виркӧт? Няньсӧ чеглалӧм коста огӧ разь ӧтлаасьӧ Кристослӧн Вывтыркӧт?

1 Коринфын оліссезлӧ 15:10

Енлӧн бурсетӧмсянь ме ӧні сэтшӧм, кытшӧмӧн менӧ тӧдат. Сылӧн меным козьналӧм бурсетӧмыс эз вӧв весись. Ме кери мӧдік апостоллэзся унажык. Висьтавны кӧ, ме эг кер ачым. Еныслӧн бурсетӧмыс мекӧт, сія керис.

1 Коринфын оліссезлӧ 16:2

Дӧсвидзисьлӧн лунӧ быдӧнныт шедтӧмсиныт сьӧмсӧ янсӧтлӧ, мымда вермат сетны, да видзӧ торйын. Сэк менам локтӧм коста оз понды ковны ӧктыны.

2 Тимофейлӧ 4:2

юӧрт Енлісь Кывсӧ, висьтась сійӧ быд кадӧ. Позьӧ я висьтасьны, оз я позь, тэ пыр висьтась. Быдӧс кер мыла быртӧг: отирсӧ туйдӧт, веськыта висьтавлы умӧль керӧмныс йылісь, ӧмав да велӧтӧмӧн вынсьӧт.

Осьтӧм 1:10

Дӧсвидзисьлӧн лунӧ ме тыри Лолӧн. Мышкам ме кылі гора шы, кыдз буксанісь. Сія висьталіс: «Ме ─ Альфа да Омега, Медодззаыс да Медбӧрьяыс.