Ап. керӧммез 20:32 - Бур Юӧр 2019

³² Ӧні ме сета тіянӧс Ен киэзӧ да Енсянь бурсетӧм Кылыслӧ. Сія Кылыс тіянӧс вермас буржыка велӧтны. Быдӧс вежа отиркӧт ӧтлаын и тіянлӧ сетас кӧсйӧмсӧ.

Ап. керӧммез 20:32 Mawu Ofanana

Колосын оліссезлӧ 1:12

Буркывтӧ Ен Айнымӧс! Сія миянӧс корис югытінас. Ӧтлаын вежа отиркӧт Сія и миянлӧ сетас лӧсьӧтӧм пайсӧ.

Колосын оліссезлӧ 3:24

Тӧдат эд, Дӧсвидзисьыс козьналас тіянлӧ лӧсьӧтӧм пайсӧ. Тійӧ эд кысъялат Дӧсвидзись Кристослӧ.

Ефесын оліссезлӧ 1:14

Вежа Лолыс висьталӧ: Еныслісь кӧсйӧм пайсӧ миянлӧ сетасӧ. Сійӧ сетасӧ, кӧр Еныс Ассис отирсӧ быдсӧн мездас. Дак ошкам Енлісь югьялан вынсӧ!

Ап. керӧммез 26:18

Тэ осьтан нылісь синнэзнысӧ. Велӧтан нійӧ пемытсис бергӧтчыны югытас, сотанаыс кипод увтісь ─ Ен дынӧ, медбы пондісӧ Меным веритны. Сэк веритӧмныс понда нылӧн умӧль керӧммезныс лоасӧ проститӧмӧсь. Нія лоасӧ ӧтлаын Енлӧн вежа отиркӧт".

Еврейезлӧ 9:15

Сійӧн Исусыс лоис Ен да отир коласын Виль Йитӧтсӧ Керисьӧн. Еныслісь бӧрйӧммесӧ Сія Аслас кулӧмӧн мездӧтіс умӧль керӧммезсиныс. Нія керисӧ умӧльсӧ важ йитӧтыс дырни. Сійӧн бӧрйӧммес босьтӧны кӧсйӧмсӧ пыр кежӧ.

Ефесын оліссезлӧ 1:18

Сія ась югдӧтас тіянлісь сьӧлӧммезнытӧ, медбы вежӧртны, мый вылӧ тійӧ надейтчат. Сія надейтчӧмӧ Еныс тіянӧс и корис. Тіянлӧ колӧ вежӧртны, кытшӧм ыджыт да югьялан пай Сія лӧсьӧтӧм вежа отирлӧ

Колосын оліссезлӧ 2:7

Тіянӧс эд велӧтісӧ Сылӧ веритны. Сійӧн лэдзӧ вуджжезнытӧ, ась вынсялӧ Кристослӧ веритӧмныт. Быд сьӧлӧмсянь буркывтӧ Енсӧ.

Еврейезлӧ 13:9

Йӧзыслӧн уна быдкодь велӧтӧммес, эдӧ лэдзӧ нійӧн асьнытӧ ылӧтны. Сёян-юан йылісь велӧтӧмсӧ оз ков сьӧлӧмӧ босьтны. Эз вӧв бурыс нылӧ, кӧдна сы сьӧрті олісӧ. Буржык вынсьӧтны сьӧлӧммезнымӧс Енлӧн бурсетӧмӧн.

Ефесын оліссезлӧ 5:5

Тӧдӧ, некытшӧм кыскасисьлӧ, сэрпӧсьлӧ, горшасисьлӧ Енлӧн да Кристослӧн Юраланінісь нем оз дӧнзьы. Горшасьӧмыс эд ас керӧм енлӧ копрасьӧм.

Ап. керӧммез 20:24

Ме эд нем вылӧ ог видзӧт, ог видзсьы оланӧ бердӧ. Дзир гаж сьӧлӧмӧн бы медбӧрӧдз мунны олан туйӧс да ештӧтны Дӧсвидзись Исуссянь босьтӧм уджӧс: висьтасьны Енлӧн бурсетӧм йылісь Бур Юӧрсӧ.

Иуда 1:20

Донаэзӧ, тійӧ кеймиканыт ӧтлаасьӧ Вежа Лолыскӧт, вежа веритӧмас асьнытӧ вынсьӧтӧ!

1 Коринфын оліссезлӧ 6:11

И тіян коласісь мукӧдыс вӧлісӧ сэтшӧмӧсь. Ӧні миян Дӧсвидзись Кристос Исус нимӧн да миян Енлӧн Лов вынӧн тійӧ лоит сӧстӧм да вежа отирӧн, Ен сьӧрті веськыта оліссезӧн.

Ап. керӧммез 14:23

Быд вичкуын нія сувтӧтісӧ веськӧтліссезӧс. Кӧслуналӧм да кеймӧм бӧрын веритіссес сетісӧ нійӧ Дӧсвидзись киӧ. Сылӧ эд нія и пондісӧ веритны.

Еврейезлӧ 10:14

Сія Асьсӧ ӧтпыр сетӧмӧн вежа отирсӧ керис быдсӧн буррезӧн пыр кежӧ.

Еврейезлӧ 2:11

Отирсӧ вежаӧн Керисьыс да вежа отирыс ӧтік Айсянь. Сійӧн Сылӧ абу рожа кулян шуны нійӧ Аслас воннэзӧн.

Ап. керӧммез 14:26

Сэсся бертісӧ Антиокия карӧ. Сэтчинсянь и иньдылӧмась вӧлі нійӧ воннэзныс Еныс отсӧтӧн керны уджсӧ. Ӧні сія уджыс керсис.

Иоан 17:17

Кер нійӧ вежаэзӧн Аслат быльӧн. Быльыс ─ Тэнат Кылыт.

Ефесын оліссезлӧ 4:16

видзӧ вывтырсӧ. Сія вывтырсис быд торсӧ ӧтлаӧтӧ быдпӧлӧс сӧннэзӧн. Вывтырын быд торлӧн аслас удж. Сідз вывтырыс быдмӧ да вынсялӧ радейтӧмас.

Ефесын оліссезлӧ 4:12

Нійӧ сувтӧтіс зорӧтны вежа отирсӧ, керны Еныслісь уджсӧ, вынсьӧтны Кристослісь Вывтырсӧ, Вичкусӧ.

Ап. керӧммез 14:3

Апостоллэс дыркодь вӧлісӧ сэтӧн. Повтӧг висьтасисӧ Дӧсвидзись йылісь. Дӧсвидзисьыс ны пыр аркмӧтіс пассэсӧ да адззывлытӧммесӧ. Сідз Сія вынсьӧтіс висьтасьӧмсӧ Аслас бурсетӧм йылісь.

Иоан 15:3

Тійӧ Менам висьталӧм кыввезӧн весӧтӧмӧсь ни. Ӧні тійӧ сӧстӧмӧсь.

Иуда 1:1

Гижӧ Иуда, Кристос Исуслӧн раб, Яковлӧн вон. Гижӧмӧс ыста Енлӧн корӧммезлӧ. Ен Айным керис тіянӧс вежа отирӧн, а Кристос Исусыс видзӧ тіянӧс.

1 Коринфын оліссезлӧ 1:2

Гижам Коринфӧ Енлӧн вичкулӧ. Еныс корис тіянӧс лоны вежа отирӧн. Вежаэзӧн тійӧ лоит Кристос Исускӧт ӧтлаасьӧмсянь. Гижам и мӧдіккезлӧ, кӧдна быдлаын миян моз корӧны Дӧсвидзись Кристос Исуссӧ нимнас.

Ап. керӧммез 15:40

А Павелыс сьӧрас босьтіс Силаӧс. Воннэз сетісӧ Павелсӧ бурсӧ сетан Ен киӧ, и сія Силаыскӧт иньдӧтчис.

Ап. керӧммез 9:31

Иудея, Самария да Галилея муэз пасьта вичкуэзлӧн вӧлі лӧнь кад. Нія олісӧ Дӧсвидзисьсис полӧмӧн да вынсялісӧ. Вежа Лов ӧзйӧтӧмсянь вичкуэс содісӧ-паськалісӧ.

Марк 10:17

Туйӧ петікӧ Исусыс дынӧ кинкӧ котӧрӧн сибӧтчис. Сія усис Сы одзӧ пидзӧссэз вылас да юаліс: «Бур Велӧтісь, мый меным керны пырся оланӧ пырӧм понда?»

Ап. керӧммез 11:23

Сэтчин локтікӧ сія казяліс Енсянь бурсетӧмсӧ. Варнаваыс сысянь гажмис. Сія велӧтіс отирсӧ быдсӧн сьӧлӧмнаныс кутчисьны Дӧсвидзисьлӧ веритӧмас.

Римын оліссезлӧ 8:17

Сылӧн челядь кӧ, сэк и мийӧ Кристосыс моз Еныс увтырись. И мийӧ сэк ӧтвылісь Кристосыскӧт босьтам Сылісь кӧсйӧмсӧ. Кристоскӧт ӧтлаын кӧ пессям-мырсям, сэк югьяланінас Сыкӧт ӧтлаын лоам.

1 Коринфын оліссезлӧ 6:9

Одӧ разь тӧдӧ: умӧльсӧ кериссес Енлӧн Юраланінӧ озӧ сюрӧ? Эд бӧбасьӧ! Кыскасиссез, ас керӧм еннэзлӧ копрасиссез, гозйӧн олӧм коста ӧтамӧд сайсянь ветлӧтіссез, ай отир ӧтамӧдкӧт инькӧт моз оліссез,

1 Коринфын оліссезлӧ 6:10

гусясиссез, горшасиссез, кодаліссез, лёк кылаэз, отирлісь мырддиссез Енлӧн Юраланінӧ озӧ сюрӧ.